انا هحكيلكم اللي حصل بالظبط ويهمني تفيدوني برأيكم ..من حوالي 3شهور شخص كلمني علي الفيس بوك وطبعا انا رافضه الحديث مع الشباب وقولتلو كدة ف قالي انو معجب بيا واني محترمة وبحافظ علي نفسي عجبتو وكدة وان صفحتي بنشر حاجات دينية رغم اني مقتنعه ان دي مش مقياس للتدين اطلاقا المهم هو كل شويه يبعتلي رسائل انو مصمم جدا عليا وانا مش مقتنعه ورافضه وفضل عالحال ده كتيير وكان معجب بيا عشان هو بيئته غيرنا يعني احنا من بيئة ملتزمة وهو مفيش في البلد عنو بنات محترمة ومفتقد يعني الاحترام في البلد وكدة المهم هو دايما يتحايل ويطلب مني طب هاتي رقم بباكي طب اكلم مامتك طب انزل عندكم وانا في الاخر قولت لماما قالتلي خليني اكلمو قولتلو خلاص ماما هتكلمك فاتبسط جدا وفعلا ماما اتكلمت معاه وقالت انها حساه كويس وكده المكالمة التانية اتفقوا علي معاد انو يجي فيه وكده ..اكتشفنا انو مجاش وبعتلو عالفيس انت فين مردش خالص عليا فقولت لماما قالت اعمليلو بلوك وعملتلو بلوك فعلا وخلاص موضوع وخلص بس جه في يوم بعدها بشهرين كان ليا صفحة تانية فتحتها وبعتلو رساله انك واحد نصاب وليه بتضحك علي بنات الناس وربنا يهديك وكده رد عليا قال لا والله انا كويس وانا حصل معايا ظروف ومحبتش اخد خطوة دلوقتي وانا اسف ليكي وكنت محرج جدا والله وكدة بس قولتلو عادي حصل خير وانتهي الحوار علي كده ..انا دلوقتي بستغرب ليه هو عمل كدة يعني ده لو بيسلي كان هيقعد يكلمني ويضيع وقت وكدة لكن هو طلب علي طول يجي ويكلم ماما وبابا ..يعني انتم شايفين الموضوع ازاي !?
الخلاصة لو عاوزك يدخل البيت من بابه – حتي لو عنده اعذار ييجي ويشرح ظروفه ويحدد مواعيد للالتزام واتخاذ خطوات ايجابية وجادة- مع العلم ممكن ييجي ويخطبك ويلعب بيكي وبعدين يرميكي – خلي بالك من نفسك هو غريب عنك حتي لو تمت الخطوبة لايجوز أن يختلي بيكي دا كمان لايجوز أن يسلم عليكي لغاية لما يكتب الكتاب ولا يجوز الخلوة الا بعد اعلان الزفاف – هو ده الدين وهو ده سمعتك وشرفك – هو مش خسران حاجة ممكن هييجي ويقرا الفاتحة وياخد مزاجه منك وبعدين يرميكي ويشوف غيرك – خلي بالك من نفسك وربنا يوفقك
شوفي يابنتي العزيزة مع انني لااؤمن باي علاقة بين الشاب والفتاة من خلال النت وارى انها علاقة غير صادقة لكنني لااعلم بظروف الشاب قد يكون صحيح انه جاد في الارتباط بك ونيته خير لكن الظروف منتعته ان ياتي لااهلك في موعده ولو كان غرضه التسلية لاستمر معاك في الكلام ويضيع وقته معك ارى ان تعطيه فرصة اخيرة لاجل تتاكدي من صدق كلامه وجديته في الارتباط وتحددي معه موعد يجي ويقابل اهلك فيه فان لم ياتي في الموعد فاعرفي انه كداب ومخادع وعاوز يتسلى فقط وان اتي في موعده فهو شخص كويس ومحترم وجدير بالارتباط
قال رسول الله صل الله عليه وسلم . وحديث فيما معناه آية المنافق ثلاث اذا حدث كذب واذا وعد اخلف واذا اؤتمن خان . صدق رسول الله صل الله عليه وسلم .اقفلي الموضوع علي كده ولا تصدقيه مره تانيه لانه لو كان جاد كان اتصل بممتك وقال عندي ظروف وكده او نأجلها لكن هو خلاكي في موقف محرج وربنا يزوجك بابن الحلال