أنا بنت الحمد لله أنا عارفة أني فيا كل حاجة حلوة يعني محترمة جدا لدرجة معادتش موجودة دلوقتي و عمري مكلمت ولد من زمايلي في حياتي مع اني الحمد لله جميلة و راقية وأهلي محترمين جدا ومستوايا المادي عالي الحاجة الغريبة أني مبيتقدمليش حد غير قليل قوي يعني لو كان جمال او نسب أو علم أو مال أو أخلاق فأنا فيا الحجات دي كلها وده مش أنا لوحدي ده أنا وأختي و صحابى مع العلم أننا كلنا دكاترة و الحاجة الغريبة أن اللي أتخطبوا خطوبات حلوة هما البنات اللي كانوا بيكلموا الشباب عادي وبيصاحبوا
أنا مش مستعجلة ولا متضايقة لأني عارفة أن كل شئ نصيب وعارفة أن ربنا هيرزقني أن شاء الله باللي أنا بتمناه أنا بس مستغربة اللي بيحصل و حاسة أن الدنيا أتعكست
اختي العزيزة السلام عليكم ورحمة الله وبركاته الزواج قسمة ونصيب وماحدش ياخذ الا نصيبه الذي كتبه الله له في دي الدنيا الرسول الكريم قال = من اتاكم من ترضون دينه وخلقه فزوجوه الاتفعلوا يكن في الارض فتنة وفساد كبير- واذا جاك ابن الحلال على دين وخلق ومحترم جدا فلاترفضيه توكلي على الله واقبل الزواج منه ولاتفكري في الشهادات ولا الفوارق الاجتماعية صدقيني دي الحقيقة لاني مريت بها كنت شاب لم اكمل تعليمي الجامعي فقط معي الثانوية العامة لكني شاب طموح ومكافح في عملي وعلى دين واخلاق والكل يشهد بهذا تعرفت على امراة من اسرة غنية وهي دكتورة ومعها شهادات عليا وكنت في البداية خايف من رفضها هي واهلها لي لكن الحمدلله البنت وافقت علي وشجعتنى على التقدم لخطبتها من اهلها وحصل وتمت الموافقة بعد ما اقنعتهم باني الزوج المناسب لها وان ده هو اختيارها واستطاعت اقناعهم والحمدلله تمت الخطبة وبعدها ب4شهور حددنا موعد الزواج وكل شئ تمام التمام والحمدلله لنا قرابة 20 سنة زواج وعندنا ولاد وبنات وعايشين في منتهى السعادة والهناء والاستقرار في حياتنا الزوجية المهم في الزواج التفاهم والارتياح والحب والاحترام والتقدير والله يؤفقك ويسعدك ويكرمك بابن الحلال اللي يستاهلك
السلام عليكم
والله انتى عندك حق
انا مش عارفة الشباب جرلها ايه
انا الحمد لله مهندسة ومتدينة ومحترمة ومؤدبة وحلوة وسمعتى طيبة وجد ومش بحط مكياج حتى ولو جايلى عريس واهلى ناس محترمين وطيبين ومستورين الحمد لله
كل لما يتقدملى عريس ويكون مستواه من مستوايا العلمى معجبهوش ويتقدملى عرسان تانيين بس مش مستوايا ويبقو هيموتو ويرتبطو بيا بس انا عاوزة عريس من مستوايا
اتقدملى مهندس ولما عرف انى بحضر دراسات عليا مردش تانى مع انه لما قالى اقعدى فى البيت قلتله عادى بس هكمل هو انا كده غلطت
انا خلاص مبقتش عارفة الصح فين ووالغلط فين
بس انا مصممة افضل على طبيعتى من غير تصنع وانى احافظ على رايى وقرارى
الحقيقة ان الواحد اوقات بيتحط فى تساؤل مع نفسه انا فيه ايه غلط , انا عندى 25سنة ومعايا ماجستير وعمرى فى حياتى متقدملى اى حد رغم ان انا حد عادى جدا, معملتى طبيعية محترمة لبسى عادى جدا بمعنى محتشم وكمان محدش يعرف انى معايا دراسات عليا ولا حتى اقربائى واتمتع بقدر من الجمال عمرى ماعملت صدقات مع ولاد ولا حتى اعجبت بحد منهم لكن اللى كان بيضيقنى ان البنات اللاتى على قدر عالى من عدم الاحترام والاخلاق المش كويسة بمعنى انها ممكن تعمل علاقات مع ولاد وتزودها شوية بيتجوزواشخصيات ومناصب رهيبة يمكن تعليمهم عادى وشخصيتهم تافهة نسب الجمال ليهم معدومة,لدرجة ان انا حسيت انا الدنيا مشية بالعكس كل متكونى محترمة ومتعلمة يتحط عليكى علامة x كل اصدقائى واقربائى البنات حتى الصغيرين اتجوزوا وكمان اخواتى كلهم صبيان حسيت انى محرجة منهم لان الوضع غير طبييعى بالمرة لان ممكن الواحدة يتقدملها حد غير مناسب مرة فى عيب مرة مش نصيبى مرة لكن عمرى فى حياتى طول 25 متقدملى اى شخص , حسة ان انا غير مرغوب فيا من قبل الشباب والله اعلم .
أختي العزيزه انا شاب (دكتور يعني)خطبت وتزوجت من بنت على اساس الحشمه وانها محترمه
صحيح البنت اجمل ما يكون فيها انها محترمه ومتربيه لكن هذا النوع من البنات للاسف يقصرن من حقوق ازواجهن بداعي الحشمه والحياء الزائد
فهذا احد الأسباب التي تجعل الشباب ينفرون من الملتزمات
وانا عن نفسي لو عاد بي الزمن لأخترت الصنف الاخر
اولا باعترض على حبيبت الرحمن الى بتعترض على قدرها الى اختارو لها الرحمن الى هيه بتحبو وثانيا انتى يا دكتوره ماهو مستحيل طبعا هيتقدملك محامى او سباك او حتى مدرس انتى نفسك هترفضى يعنى لازم يكون من اصحاب كليات القمه اما دكتور او مهندس او على الاقل صيدلى وطبعا انتى عارفه ان الدكاتره قليلين دلوقتى وكمان اغلبهم محيلتهمش حاجه يعنى لسه امتياز يادوبك بياخد مصروف من الدوله مش مرتب يعنى الى المشكل بقى الى انتى بتعانى منو انو انتى بتتدخلى فى شئون لله وطبعا لله فى خلقه شئون دكتور بيتجوز واحده معها دبلوم فنى ودكتوره تتجوز واحد حتى لو جاهل لكونو صاحب عقارات ومهندجسه تتجوز ابن عمها السباك وبنت اميه لا تقرا ولا تكتب بس جميله وبتتجوز من دكتور كل ده من تدابير الله سبحانه وتعالى والامثال دى كتيييييير اوى وبنعرفها كلها والله لو اتدخل والدك ووالدتك واصدقائك زي ما الاخوه بيقولو ما يقدرو يجيبولك غير نصيبك ونثصيبك ده جاي ممكن تقابليه فى حفله ممكن تقابليه فى شارع ممكن يدخل عندك العياده فى لحظه هتلاقى نصيبك بيدق الباب وهيكون الانسان الى يستاهلك فعلا وربنا قاسمهولك بس نصيحه متبصيش لغيرك انتى وحبيبه الرحمن وتعترضو على قدر الله وشكرا
معلش يا جماعه انا اسفه اوي ,,بس هو عيب عندها انها دكتوره ,,كونها دكتوره دلوقت بقت مشكله
انا كمان دكتوره ولسه صغيره في السن ونفس الظروف تقريبا واللهم لا اعتراض لم يطرق بابي غير القليل ويوم ما جه جه انسان مش مناسب خالص خالص وباعت ورقه مع اخويا الصغير 10 سنين الورقه فيها مواصفاته ورقم تليفونه ممكن نتصل بيه لوموافقين …تخيلو انه باعت الورقه مع ابن اخته اللي هو صاحب اخويا في المدرسه 10 سنين الاتنين,,وبقولهم هو ايه الخط ده قالولي اصل فلان صاحب اخوكي (10 سنين) هو اللي كاتب الورقه مش العريس …….يعني هو معندوش وقت يكتب مواصفاته بخط ايده
ياريته عمل اعتبار اني بنت وقدم طلبه بطريقه مناسبه …ده كله بخلاف انه اصلا مش مناسب
والله يا اختي عندك حق ,,دكاتره ومش عاجبين ,,,استغفر الله والله ده مش اعتراض بس انا زميلاتي من كليات عاديه وظروفهم اقل اوي وجمالواهل وكل ده اقل وبسم الله ماشاء الله اتقدملهم ناس دكاتره وظروفهم حلوه جداااااا ربنا يهنيهم
هيجي اليوم اللي كل البنات تقف فيه تقول ((انا عايزه اتجوز))
ومتزعليش نفسك الظاهر ان كل البنات الدكاتره حالهم زيك,,,هما ال3 او ال 4 كليات شكلهم كده كليات العوانس 🙂
والله نفسنا نفرح ونفرح اهالينا بس مشش اكتر
بجد شكرا أوي لكل الناس اللي ردت عليا وفعلا بجد أنتوا أديتوني أمل بس فكرة أن بابايا ممكن يدخل دي صعبة أوي أنا أصلا عمري مبتكلم في الموضوع دة أنا بكون محرجة جدا أني أتكلم حتي لو سيرة الخطوبة جت بالصدفة بسكت أو أضحك وخلاص وفعلا ممكن تكون الناس بتخاف تتقدم لأن كذا مرة قبل كدة حد يلمح أو يبعت ناس من بعيد يقولوا لو ممكن توافقوا علي فلان أنا ممكن أجيبهولكم بس لو جه حد يكلمني فالموضوع بسكت أو بقول لما يبقا يتقدم أبقي أقول رأيي لأني بخاف أرد لحسن ميتقدمش وأبقي كسفت نفسي وخلاص أنا عارفة أن نصيبي هيجيلي ان شاء الله وحتي لو مش هتخطب خالص يبقي هوه ده نصيبي وأنا راضية بيه بس أنا اللي بيضايقني لما أحس اني مش بتخطب لأني محترمة وطول عمري أعرف ان الولد اللي بيكلم بنت و بيمشي معاها كتير عمره مبيخطبها الوضع دلوقتي أتقلب و بقي الطبيعي أنه يفضل مصاحبها سنين وبعدين يخطبها
والله كلام الاخوة كله مظبوط 100% بس احب اضيف شئ بالبلدى وهو ان طالما حضرتك فيكى كل المواصفات والمقومات دى صدقينى اى شاب يفكر يختارك هيكون قراره من اصعب القرارات التى يمكن ان يأخذها فى حياته.
اولا جميله
ثانيا من اسرة طيبه
ثالثا الوضع المادى كويس خالص
رابعا مركزك مرموق
خامسا اخلاقك عاليه
سادسا الى يفكر يتجوزك لازم يكون على الاقل عنده نفس مقوماتك ويستحسن يكون اكتر منها كمان
ماتزعليش من صراحتى لو قولتلك إن إختيارك كزوجه من أى شاب هيكون صعب شويه بس بصدق إنتى بإذن الله هتكونى زوجه صالحه وهيكون زوجك عمله نادرة مثلك بس زى ما الاخوة قالوا مش عيب إن والدك يسعى فى تزويجك .
أخوكى إسلام
المشكلة تكمن فى انكى من اسرة ثرية وزات تعليم عالى وزللك المستوى من الشباب قليل لزلك يخاف من غير زات الصفات التقدم لكى للاحراج والرفض .. لاكن سيكون زواجك من زملائك بالعمل او اخوة اصحابك او الاقرباء والجيران .. اى كل ما يعرف انكى لا تنظرى للشاب من ناحيته المادية ولا كن تنظرى لصفاته الاخلاقية فيجب ان تنشرى هزا بأنكى لا تبحثى عن ما يماثلك فى الماديات ولاكن تبحثى عن ما يماثللك فى الاخلاق .. وربنا يوفقك
انا زيك بالظبط والله كانت البنات تتعرف علي شباب الدنيا وخروج وفسح وكانوا مسميني الشيخه اللي فيهم تعالي شوفي انا اتزوجت ايه وهما اتزوجه مستوي ايه
أنا مع الاستاذ بردة أنتى مش عندك مشاكل ممكن لانك مفكيش أى مشكلة تكونى صعبة المنال للشباب العاديين ويعنى الزمن دا بقى اللى ذيك من الشباب نادر بردة أنة يكون جاز من كلة وميسور ومن أسره راقية معاة دكتوراة وحاجات كتير وأخلاق وجمال يعى ممكن تلاقى الشبابا دا فى الالفية الرابعة ربنا يوفقك
يا بنت الكرام الدرر والجواهر لا يسعى لها إلا من عرف حقا قيمتها لا يمكن لأي شخص ان يذهب إلى محل مجوهرات واخذ افضل جوهرة فيه تلك الخطوة تريد شخص واثق من نفسه ويقدر قيمه الجوهرة التي سيأخذها انتي جوهرة فلا تقلقي سيأتي من يقدرك ويعطيكي حقك
السلام عليكم
انت خبرتينا انك من عايلة راقية ومستاوها المادي عالي وانت ما شاء الله دكتورة ودا هو السبب الخطيب لزمو يكون هو كمان دا مستوى مادي عالي يعني ان العرسان الي من طبقة متوسطة او ضعيفة بتخاف انها تتقدم ليكي وانتم ما تقبلو بيها
اهم شيئ هو التواضع حتى ولو كلمتي شباب ممكن تستفيدي منهم بس اتزمو يكون كلام محدود ومحترم
انصحك اد كنت بدك تتزوجي اتزوجي من نفس طينتك ومن نفس عملك عشان تكونو متفهمين مع بعض
تحياتي
اولا ابنتى العزيزه لاتقلقى من هذا الموضوع نهائا لان علمالغيب ليس بيدك واصبرى لعل وعسى يرزقك الله منحي لاتحتسبى
ثانيا احكى انتى واهلك انك طباخه ماهره وبديرى شؤن البيت عند اهلك لان كل راجل عاوز وحده تخدمو وتربى اولاده مش هانم وخدم وحشم
ثاثلا التواضع فى التعامل مع الناس مع وجود الحياء بالتعامل مع االاخر الى هو الرجل لان الحياء نصف جمال المرأه
وارجو من الله ان يفقك فى حياتك انشاء الله
الأخت العزيزة صدقيني ربنا ان شاء الله هيكرمك أحسن كرم وصدقيني نصيبك موجود وربنا يارب يوفقك أخيكي في الله
أختي الفاضلة لو أنتي زي ما بتقولي كدا اصبري فالطيبون للطيبات ومثلك في هذا الزمن والله جوهرة تقتنى ولكن لم يأت نصيبك بعد ونصيحتي لا تتركي باب الدعاء ولا تملي منه(قال ابن القيم رحمه الله في “الداء والدواء” ص 25 : ومن أنفع الأدوية : الإلحاح في الدعاء ). وأسأل الله أن يعجل لكي بزوج صالح يعينك على طاعة الله طاعة الله وأنت تكوني له كذلك.
اختى العزيزه انتى فيكى كل الموصفات المطلوبه لاى شاب فى الدنيا ولكن معظم الشباب حاليا تعبان واى واحد يخاف يتقدم ليكى ليترفض الحل ان اهلك هما اللى يسعو لزواجك وده مش عيب المثل بيقول اخطب لبنتك ولا تخطبش لبنك وحولى تتوضعى مع كل من حولك عشان ميفتكروش انك فى برج عالى صعب الوصول اليه وربنا يوفقق
كل حد بيقيم موقفه قبل ما يتقدم
الناس ليها حساباتها
والناس بتخاف من الرفض
ليس من العيب ان يسعي ابوك لتزوجيك
سيدنا عمر سعي لزواج ابنته ام المؤمنين حفصة
اذا قصدك بدكتورة طبيبة فخير من يفهم ظروف الطبيبة طبيب مثلها
ظروف عملكم صعبة قبل التخصص
انصحك بالزواج من وسطك العملي لانه يحتمل ان يكون اكثر تقديرا لظروفك
بالتوفيق