حابب يتقدملي لكنه مش فارس احلامى

انا بنوته عندى 21 سنة … زميلى فى المعهد اعجب بيا وكده فبعتلى بنت تقولى انه عاوز يتقدم البنت دى تبقى صديقه صاحبه المهم هو انسان محترم جدا ومتدين جدا ومن عيله كويسه … مشكلتى بقا انى حاسه انى مش مقتنعه بيه اوى او مش هو ده فارس احلامى الى بحلم بيه مشكلته انه قصير القامة بس مش اوى يعنى ومش مدردح كده عمره ماقالى كلام رومانسى زى ما بيحصل مع اى اتنين بيحبه بعض ولا ع الاقل كلمة وحشتينى ليكى وحشه مفيييش الكلام دة اطلاقا اكنه بيكلم واحد صاحبه يعنى بقيت بحس بملل فى علاقتنا هو كان عاوز يتقدملى على طول بس انا قولتله اما نخلص المعهد الاول مع العلم اننا لينا 3 سنين بنتكلم فون اوقات كتير فكرت انى ابعد بس خايفه اجرحه لانى حساسه اوى ومش بحب ازعل حد منى واوقاات اقول انا لسه صغيرة ليه استعجل دى عشرة سنين يتفلق … بجد محتارة اوى مش عارفه اكمل معاه اتغاضى عن كل دة وابص على انه محترم وبيحبنى ولا ابعد ولو بعدت عاوزة طريقه شيك اقلهاله يقتنع بيها غير انى اتخطبت لانه يعرف عيلتى من السهل انه يسال ويعرف انى كدابه …. بلييز ساعدونى فى حل لمشكلتى لان حالتى النفسيه تعبت اوى … وجزاكم الله كل خير

مشاكل وحلول ذات صلة

• انا انعزالي غريب الاطوار تسيطر علي افكار سوداويه
• بحبه وبيحبني لكن ام وابوه رافضين العلاقة
• حبيته لكن سيبته من عدم التقدير وسوء المعاملة
• بسبب شكي و غيرتي افترقنا ورجعنا بعد خيانتي لها
• بحب اخو خطيبى
• حب من اول نظره بس مش عارف اكلمها
• رجل مسيحي وقع في حب فتاه مسلمه