السلام عليكم ورحمة الله وبركاته الاولا انا بنت عندى 20 سنه وفي جامعة وفي شاب كنت بشوفو مع اصحابي البنات مكنتش بكلمو والشاب دا اعدت فتره كل امه اروح في حتة اشوفه بالصدفه كذا مره وهو كمان بيتخنن اروح عند اختي اشوفو واروح عند اختي التانيه اشوفو واروح الجامعة اشوفو وفي مره شوفتو فالجامعة سالتو انت كل امه اروح في مكان بشوفك هو انت ولا انا بيهيالي قالي فين الاماكن فقلتلو قالي اة انا ساكن في مكان منهم ونزل الاماكن التانيه مع اصحابي ومن هنا اتعرفنا علي بعض وبقينا بكلم بعض فالموبايل بس هو الايام دى مهتم بيا اوى وفي مره واحده من اصحابي بيغير من علاقتو بيا واعدت تشتم عليا وانا مش موجوده وهو اتخانق معاها وهزقها وكذا مره ينخانق مع اصحابنا بسببي ومش بيجي يحكيلي واحد من اصحابنا هو اللي بيحكيلي المهم احنا بقينا بنتكلم كتير فالموبايل بس في حاجا مضايقاني وحصلت مني غصب عني اننا واحنا بنتكلم دخلنا في موضوع الجنس دا واعد يشرحلي حاجا عشان انا معرفش اوى واعد يقولي عادى دى ثقافه وانا كنت خايفه يفهمني غلط وجيت اتكلمنا تاني فالموضوع دا وبعدها قولت بلاش وبرجع اتكلم تاني وغير كدا امبارح اعد يقولي انا لو اتجوزتك و امه اقول حاجا عن اللي هيبقي جوزى يتعصب عليا وياخد الكلام علي نفس اكن في بينا حاجا مع ان انا قولتلو انا مش هحب حد انا عايزه اتخطب وساعتها هاحب خطيبي وهو يعد يقولي انا هخلص وهتشغل سنه في السعودية وبعد كدا هاجي اتجوز علي طول ويعد يلمح وهو اصلا مايعرفش اني كنت بكلم شب وبعد سنتين طلع بيتسلى بيا ومن ساعتها خايفه احب حد تاني وانا مش هقدر اقول الكلام دا طبعا بص انا ممكن اقولو اني كنت هتخطب لشب ومحصلش نصيب بس فانتو اى رائكم
مشاكل البنات مع الشباب
زميلي في الجامعة وتلميحاته الجنسية محيراني
اضيف بتاريخ: Thursday, January 6th, 2011 في 19:16
كلمات مشاكل وحلول: البنات, الجامعة, الجنس, السعودية, الشباب, الموبايل, بنت, شاب, مشاكل البنات, مشاكل البنات مع الشباب
شوفي اناكنت طالب جامعة في مصر في كلية الهندسة وكنت لسه شاب جديد على الجامعة ومش من البلد من احدى الدول العربية وكانت في فتاة من كلية تانية تلاحقنى وين ماروح وين ماكون وبعدفترة من الملاحقة دي قلت اوقف واسالها فانتظرت عند بوابة الجامعة وسالتها انت تعرفينى قالت لا ماحصليش الشرف قلت طيب ليه تلاحقينى قالت بعدين اقوللك ومشيت وبعدها لقيتها باعته رسالة مع وحدةصاحبتها تقولي انهامعجبة بي ونفسها نتعرف علىبعض فمارديت عليها وبعدفترة لقيتهامع واحدشاب سافل ومنحط ويبوسوا بعض وتحاول تغيضني فمااهتميت لها وفي يوم كانافي اجازةمن الجامعة ولقيتها تخبط على باب غرفتي وكنت ساكن في حي شعبي بالقاهرة ماخذالغرفة باللايجار وفتحت الباب لقيتهاقدامي قلت انتي ايه اللي جابك وايه عرفك عنواني قالت اللي يسال مايتوه واصلك وحشتنى قالت ايه مش تقولي اتفضل والا تخلينى عل الباب قلت تفضلي قلت لها مين الواد اللي كنت معه في ساحةالجامعة قالت واد مين قلت انت تستهبلي ولا ايه حكايتك قالت اه دا واد تافه يفكر اني احبه وخلاص كل شي انتهى وقطعت علاقتي به وانابحبك انت من اول يوم شفتك فيه وصورتك ماراحت عن بالي ابدا دي كل الحقيقة وطلبت مني نتعرف اكثر على بعض وافهمتهااني جيت هناللدراسة وماليش في الحب ابدالامعهاولا مع غيرها وانصرفت وبعدمرور اكثرمن 4شهور جاني استدعاءمن قسم شرطة وفيه اتهام لي باغتصاب طالبة جامعية ولماسالت الضابط من اللي رافع الدعوى قال لي على اسمها وقلت ياحضرةالضابط انابري صدقني والبنت دي كدابة قال انت من حقك ترفض وتطعن في الشكوى لكن بعدماينتهى التحقيق وتم استدعاها وحضرت وكانت مرتبكة لماشافتنى قال لها الضابط هوده الشاب اللي اعتدى عليك قالت اه هو فعندها جن جنوني وفقدت اعصابي وكنت عاوز اضربهابالقلم على وشها فمنعي العسكري وقال ايه رايك في الاتهام ده قالت ماحصلش يابيه كدب في كدب وانامصر على اقوالي واطلب الطبيب الشرعي عندها بدات البنت تخاف وكاديغمى عليها لماعرفت انها سوف تنفضح قالت ياحضرةالضابط بعداذنك ممكن تخلينانتكلم معه على انفراد فقام الضابط وخرج من الغرفة وهي قعدت تبكي وتقول استر علي ربنايخليك كله ولا الطب الشرعي قلت ايه خايفة من الفضيحة ومش هامك انا كنت حتورطينى بعمالك السوده مين اللي عمل فيك كده قالت توعدني ان اللي حقوله لك يبقى سر حتى نخرج من المصيبة دي قلت اوعدك قولي من هو قالت الواد زميلها في الكلية ورجع الضابط وقلت له خلاص بلاش من الطب الشرعي انامعترف انوالشيطان لعب براسي وخلاني اعمل كده ووعدتها باني اصلح غلطتي وتزوجها وعاوزك تساعدنافي الموضوع ده وطلع الضابط انسان محترم وقدرظروفنا واكتفى بعمل تعهد بعدم التعرض لهاوافقل المحظر وخرجنامعا وقالت لي انت انسان نبيل وشهم وصدفني انومافيش من ده حصل قالت ايه برضه تكدبي قالت عشان اخرج من الورطة اللي كنا فيها وعمري مافرطت في شرفي لحدابدا واذامش مصدق نروح لاقرب طبيبة عشان تتاكداني بنت عذراء وكل اللي عملته ده عشان بحبك ومش قادره ابعدعنك نهايا ولماجاء موعد الاجازةالكبيرة قررت ارجع لااهلي اخبرتها اني حفكرفي الموضوع ده وفعلا حبيتهاوتاكدت انهاتحبنى بجنون وانهاصادقة المشاعر معي ولكن الحلو مايكملش ابدا جاني خبر هز وجداني وصدمنى صدمة العمر وهوانها توفيت بسبب ماس كهربائي في بيتهم وقطعت اجازتي وحضرت العزاء مع اهلها وحزنت اشدالحزن على فراقها ربنايرحمهاويغفرلها امين يارب
من الآخر إستغليه فى الكلام عن الدين والأسلام
لورفض يبقى وضحت لكى الصورة
وانتى اللى هاتجاوبى على نفسك
ولو مش معاكى فى الكلام ده ووافقك يبقى مبروك قدرتى تغيريه وهايتمسك بيكى
ولوطاوعتيه فى الجنس يبقى العوض على الله فيكى وفيه
وصدقينى هايتسلى بيكى ويكشف أسرارك مع أصحابه وده طبع الولاد فى الجامعة
وإسألى مجرب
مثال :النهارده أنا كنت مع بنت وقعدنا بنعمل كذا وكذا
وبنت ……اللذينا عملت معايا كذا وكذا
وبكره هاتموت وتشوفنى
واتصال تليفونى للمباشرة بالليل
وهااشوفك امتى بكره
وخلاص اتعودتوا على بعض
ولو بص لواحده تانيه هاتعوذى تكليه بسنانك
وهو من وراكى بيكلم كثير غيرك
بدليل لو الواحد قاعد مع صاحبه بيقولوا ده انا بتكلم مع فلانه الفلانيه بيقولوا لا ابعد ده محترمة
يعنى الولد اللى مش كويس أساسا بيدور على المحترمه
ولو اتكلمتى معاه فى الجنس
ايه رايه بقى هايكون فيكى
اظن كلامى واضح
وشكرا
وأكيد البنت ملهاش الا سمعتها ولا غلط…..
يا جماعة بجد فعلا كلامكم جميل اوووووووى اكنى انته فوقتونى من النوم اللى كنت فيه ياريت تقبله انى ابقى معاكم ع طول وبجد جميل جدااااا
شوفي يابنتي حنامن كلامك عن الشاب اتضح انو يحبك وانت تحبيه بس غلط تتكلموفي الجنس لانكم غيرمتزوجين وحرام بيجعل لكماطريق للوقوع في الرذيلة اصبري عليه حتى تتخرجو وخليه يتقدم بعدها لاهلك وربنايسهل للجميع
بتتكلمي معاه ليه اصلا
وازاي تتكلمي مع حد اجنبي عنك عن الجنس اساسا؟
حراااااااااام
يا حبيبتى انتى بنت مسلمة يعنى دمك حر كدة
اى حد يحاول بس يكلمك فى المواضيع دى تطنشية ومتحوليش تكلميه تانى ايا كان دة مين بالنسبالك
طول ما انت بتحفظى على نفسك هتفضلى غالية
متخسريش نفسك عشان اى حد
ابعدى عنه واتقى الله مافيش حاجه اسمها صديقى فى الاسلام بين ولد وبنت وتوبى إلى الله قبل نزول ملك الموت
والله الذى لا اله الا هو ما هو الا مخطط وتدبير لايقاعك فى الرزيلة يبدأ باكلام وينتهى بالاجرام يجع يجعلكى تحبى الجنس بكلامه الناعم المعسول حتى ما تقدرى تستغنى عنه ثم بعد ذلك يطلب منكى التجربة العملية بعد الكلام النظرى وقد عشقتى ذلك فلا تستطعين المقاومة فاتقى الله واقطع حبالك بهذا الشطان ارجيم الذى يحيك خيوطه لياخذ منكى ما يريد
علي فكرة صاحبةالمشكله اقسم بربي ازا اي حد كتب رايه في مشكله والله والله بتبقه خايفين علي صاحب المشكله وبنعطيه راينا لانناا اخوه في الله المفروض ماتزعلي لاني في مثل بيقولك يابخت من بكاني ولا ضحك الناس عليا واي حد كاتب رايه وانا واحده منهم لاننا اخوه واحبه في الله والله واي حد بيرسل مشكلته برد علي اساس انه زي اخويه ولا بنت بتبقه زي اختي واحنه مش مليكه اكيد اي انسان بيغلط المهم تعملي بالكلام
خافى الله احسن من الى انتى بتعملية وصلى يمكن ربنا يهيكى وتنسي كل اللى حصل ما بنكو استغفر الله العظيم
ياجماعه انا عمرى ماعملت حاجا غلط ولا هعمل ياريت بس اللي يتكلم مايحسسنيش انو فكيه اوى كدا وانا عمتن واثقه في نفسي اوووووى
حاليا يثقفك جنسيا شفوى وبعدها حتدخلوا فى العملى .. هية دايما بتبدأ كده …از كنتى خايفة بجد ابعدى عنه فورا …. طارق
انت على وشك السقوط في هاوية لذلك ارى أن تتجنبيه تماماً وتقطعي الاتصال به كلية , كما يجب ان تكون علاقاتك في الجامعة في إطار التخصص ويفترض تحاشي العلاقات الغرامية الزائفة التي عادة ما تكون غيرواقعية يقصد من خلالها الشباب في كثير من الاحيان أصطياد البنات والعبث بهن
السلام عليكم الشاب ده مش محترم ابدا وماتصدقيش اى شئ يقولك عليه ده واضح من كلامه قوى انه بيتسلى وبعدين مين اللى بيتزوج واحده كلمها فى الموبايل وكمان كلمها فى الاشياء دى احسن شئ ليكى تبعدى عنه وتسبيه لصاحبتك تشبع بيه ياحبيبتى ركزى فى مذاكرتك وفى الجامعه وان شاء الله هيجى اللى احسن منه وربنا يوفقك ويسعدك
ابه لعب العيال دا وايه الهبل بتاعك وبتاعه داحاجه غريبه واحده فى جامعه وكل رسالتك غلطات إملائيه كأنك فى إبتدائى وتاعبه نفسك مع تلميذ لا عارف يحب ولا عارف يحترم اللى بيحبها دى حاجه تحرق الدم وشاغله نفسك بيه ليه ياهانم ؟؟وبتتكلمى فى جنس معاه ليه ؟؟سذاجه عبط هو فى ايه ؟الحياء يابنت الحلال الادب الاحترام كل دا اساسهم الدين وتعاليمه انتبهى لنفسك ودراستك وحبى وعيشى حياتك لكن مع من يقدرك ويحترمك //الله يهديكى وينور دربك آآآآمين
بصي انا حاسه بيكي وعارفه اللي انت فيه دلوقتي بس عاوزة اقولك علي حااجه هو ولد بعمر 20 سنه ممكن يتكلم في السكه دي بس المفروض انتي ترفضي ده تماما وتعرفيه انه لو تعدي حدوده في الكلام مش حينفع ترتبطي بيه انا مقدرش احكم عليه وقولك مش بيحبك او بيحبك انتي اللي تحسي ده وتشوفيه حيعمل عشانك ايه بالممواقف لان الحب مش بالكلام ومفيش داعي انك تعرفيه انك عرفتي شاب قبله خالص لان لسه مفيش ثقه فيه ولا حعمل اي حاجه عشانك ولو فضل يتكلم معاكي في الجواز وكده ابعدي عنه من غير تفكير لان ده مش حيبقي حب بالتوفيق
هي اي واحد يدافع عن بنت ويرد غبيتها يبقه بيحبها لا عادي وبعدين انتي كيف تتكلمي مع شاب في مواضيع جنسيه وهو عمو الامور عرف منين الا ازاء كان بيتفرج علي افلام وحاتجات مش كويسه او االه اعلم ليه علاقات انتي قولي ليه عاوزني يبقه تكلم اهلي في النور وانا هاستانك 10 سنتين ده لو كان نيته زواج من الاساس انما ده بيتسلي حبيبتي ابعدي وراعي ربك في حالك او قولي ليه انا هلاخلص جامعه وانتا تكون سافرت السنه الكبيسه الا هاتسافرها وبعد كده يبقه تكلم اهلي واتمني انك تتقلي عليه لانه ممكنن يكون بيختبرك ياقطه
لا تتسرعي في شئ هذا الشاب خيالي اكثر من اللزوم ولا تعلقي نفسك بأوهام – سنة في السعودية هل يعرف القدر ام هل يعرف رزقه الذي سوف يعطيه الله له في السعودية – ولا تقولي شئ عن حياتك الماضية حتي لا يشهر بك اذا لم تتفقوا وكان الرفض منك انت – لا تجعلي الامور تفلت من بين يديك وثقي في الله ان نصيبك سوف يأتي اليك في الموعد الذي يحدده الله فقط – لا تفرحي بالدفاع عنك امام الاصدقاء -اصلا ما الذي يأتي بسيرتك امام هؤلاء الاصدقاء -كوني حذرة