مشاكل البنات مع الشباب

احتاج لمساعدة قبل ان اضيع

اضيف بتاريخ: Wednesday, February 16th, 2011 في 13:20

كلمات مشاكل وحلول: الشباب, مشاكل البنات

18 رد to “احتاج لمساعدة قبل ان اضيع”

1. sama

   

   05/08/2013 at 12:37

   بص يا جميل كلنا بنغلط بس الغلطه بتفرق المهم انتى دلوقتى متفكريش ف انك غلطى ولا لا انتى تفكرى ف المشكله لازم يتقدملك ومتتخنقيش معاه خالص اوعى سايسيه لحد ما تتجوزه
2. نونا

   

   01/02/2012 at 20:45

   بصى ياحبيبتى عن تجربة فى شاب ياخد يحبك اكتر بس لما ياخد بعد فترة وفى واحد ياخد يتغير بس الحل انة لو طلب تانى مش تديلو شوفى هيفضل كدة ولا هيتغير انا عارفة انك اديتى لانك محتاجة معلشى وانسى وجربى
3. milky

   

   14/04/2011 at 04:11

   بصى كلوا عمال يقلك سبية سبية وعندهم حق بس الوقتى مينفعش الفاس وقعت فى الراس وانتى ادتيه كل حاجة
   متسبيلوش الدنيا بقى وتتحملى مسؤلية لاى حصل لوحدك لانوا غلطان هو كمان
   اطلبى انوا يتقدم ويتجوزك مرة واتنين وعشرة وشوفى ميته ايه وسرعى بالجواز دة
4. ندى

   

   17/03/2011 at 21:40

   انا مش هقلك غير كلمه واحده
   ابعدى عنه وبسرعه حتى لو بتحبيه
   لانه اولا مش بيحبك لانه لو بيحبك كان حافظ عليكى ثانيا لو بيحبك واتجوزك حتى والله العظيم هيزلك
5. صاحبة المشكله

   

   23/02/2011 at 15:09

   ميرسى ليكم كتييير انا كلمته وقولتله لازم تيجى تتقدملى وتكلم بابا قالى حاضر انا جى دلوقتى والله العظيم هاجى واقولهم انى بحبك وعايز اخطبك بس انا قولتله لا أجلها شويه وهو فضل يتحايل عليا ويقولى انا مصدقت انك قولتى كده بس انا حاسه انى مش مستعده نفسيا حاسه بجد انى اتعقدت لان بابا متجوز على ماما وبيخونها كتير اوى وانا قولت لنفسى كتير انى مش هجوز عشان ميحصلش معايا زى بابا وماما مش عارفه اعمل ايه ؟؟
6. يمكن دا الحل والله اعلم

   

   17/02/2011 at 11:18

   شوفي انتي بقالك اربع سنين مع الشخص دا واكيد انتي اكثر واحدة تعرفية واكيد انتي غيرتي فية حجات كثيرة جدا زي ما هو غير فيكي لانه من كلامك ان الحب بينكم مش من طرف واحد وعلي فكرةمش كل دموع الرجال دموع تماسيح زي ما الناس بتقول في رجال صادقين جدا بس يمكن ظروف هي اللي خلتة كدة عموما انا عايز اقولك اديلة فرصة من غير ما يلمسك وحاولي تخلية يهتدي بيكي ويبطل الكذب اديلة الامان وحسسية انك جنبة جدا ومش هتسيبية مهما حصل ومهما سمعتي منه خلية يكلمك كأنك نفسة اربع سنين بينكم عشرة طويلة وصعب جدا علي انسان انه يحب واحد اربع سنين ويبعد او ينساة بسهولة حتي لو كان كاذب انتي ممكن تغيرية رغم ان يمكن ردي معارض مع كثير بس انا يمكن شوية متخيل موقفك مع الشاب دا وكمان شايف انه بيحبك والا كان بعد ما شافك عملتي اللي هو عايزة كان سابك من اول مرة وماهتمش ودور علي غيرك اديلة فرصة اخيرة وخلية يبقي صادق جدا زي ما قولتلك ولو انتي شايفة غير كدة يبقي انتي ادري لانك انتي اللي عاشرتية مدة طويلة وتعرفي عنه اكثر
   في امان الله
7. جنه

   

   17/02/2011 at 03:40

   hتاحسن ليكى انك تبعدى عنه وتبصى لمستقبلك وربنا يرزقك بالحسن منه ويحافظ عليكى ان شاء الله والبت سمعه
8. ايمى زملكاوية

   

   17/02/2011 at 03:12

   والنبى فى حاجة عايزة اعرفها انا بحب ماشى بس هوة انا عشان بحب واحد وبعشق التراب الا بيمشى علية اقوم استغنا عن نفسى بمعنى ارخص نفسى انت غالية بنسبال اهلك دة شرف اهلك احفظية وصونية لما تعلمى كدة وتنفذى طلباتة هتقلى من نظرة وبعدين جديدة حكاية العياط فى الشباب دى البنات مش بتعيط انا لاحظ دى 50 مرة بجد والله زمنا يعلم بية ربنا من كل حاجة مش هنطلع برة موضعنا المهم هوة لو عايزك وبيحبك اذن فية عندك باب للبيت صح يخش منة باحترام ولو اهلك وافقوا يبقا متتخطبيش الا لما يمر اسبوعين او اكتر عشان تعرفى تغيرية تشوفية او ممكن تغيرية وتشوفية لو اتغير قوليلة انا عندى باب للبيت خش منة احسن عشان نبقا رسمى هيكون احسن وبالنسبال للضم والحضن والبوس وى وى دى طلبات لللاسف الشباب عايزنها وخلاص مفيش خوف على حد مفيش امانة ولا الحاجة دى ليها وقت هقولك كلمة مترخصيش نفسك ولا تقلى من كرامتك لان محدش بيستاهل حد وكلة بتاع مصلحتة ابقى طمنينى عيليكى عملتى اية او هتعملى اية
9. HanyMoh

   

   17/02/2011 at 02:42

   طالما لم يحدث ما لا رجعة فيه….

   فقد انتهت مشكلتك تماما….

   أنت أخطأت ف حق نفسك وحق الله،،، وما زال باب التوبة مفتوح على مصراعيه أمامك….

   وطالما أنت كتبت شكواك هنا اعلمي أن الله راض عنك ويريد لك التوبة بلا شك….

   فالله يفرع بعودة العبد المخطئ ويغفر له كل ذنوبه،،، بل يبدل سيئاته حسنات…

   لا تقعي في تلك الخطيئة مرة أخرى،،، ولا تنظري لها على أنها صغيرة لأن النظر للذنب هكذا يجعله كبير عند الله……

   لو طلب منك هذا الشاب مرة أخرى فعل هذا الخطأ فانصحيه بعدم طلبه مرة أخرى وإلا فاتركيه….

   ولكن اعلمي أنه لا يجوز له أن يخلو بك في مكان ما….

   حتى لو تقدم لخطبتك فليس الخاطب زوج……

   اتق الله ولا تخشي سواه فله الأمر من قبل ومن بعد…..

   واطلبي منه أن يتقدم لخطبتك وإلا قطعتِ العلاقة معه،،، والحقي نفسك قبل الضياع في الدنيا والآخرة……

   وتزودي بالعلم الشرعي حتى لا تضيعي بغير أسباب….

   فخير الزاد التقوى…
10. ورد المنى

    

    16/02/2011 at 21:59

    اختى الحبيبة انتى طبعا غلطى غلطة كبيرة ووثقتى فى شاب واخد منك اغلى حاجة البنت بتملكها اللى هو شرفك يابنت الناس مش اى واحد يعيط ويعمل الحركات النص كم دى يبقى بيحبك لكن باين عليه اكبر الكدابين ده لو كان بيحبك صحيح كان حافظ عليكى لحد مايكون فى ارتباط رسمى بينكم لكن من الواضح من مشكلتك انتى رحتى لقدرك برجليكى ولو بيحبك الاخ ده بجد يبقى لازم يجى وفى اسرع وقت يتقدملك مهما كانت ظروفه ويستر عليكى ده لو فعلا بيحبك بجد قبل مالفاس تقع فى الراس والندم مش هيفيد بعده كده مينفعش الواحد يبكى على اللبن المسكوب ولازم تتقى ربنا فى نفسك ارجعيله يمكن يغفرلك ذنبك والله اعلم بالعباد وربنا يوفقك
11. توتا

    

    16/02/2011 at 19:54

    انا هسال سؤال هى اى بنت بتحب واحد بجنون عشان ترضية تغضب ربنا وضيع نفسها ازاى يعنى وبعدين بيعيط ازاى دى دموع تماسيح بيضحك عليكى بيها انتى لازم تخلية يجحى يتقدم رسمى ويطلبك من اهلك وبعدين اديتيلوا كل حاجة يعنى مبقتيش بنت لو اة يبقى لازم تشوفى حل وهو كدة كدة مش هيتجوزك مفيش ولد بيتجوز بنت نام معاها لو لسة بنت يبقى تبعدى عنة فوراااا
12. صوت الضمير

    

    16/02/2011 at 17:51

    السلام عليكم ورحمه الله وبركاته
    يااختي انتي اخطاتي ومازلت مستمره في الخطا وموهومه بحاجه اسمها الحب…وده اللي ضيع اغلب الشباب …البحث عن الحب…الحب ده مش نفس اللي في الافلام …ده وهم …الحب هو انو الشخص يحافظ على محبوبه من اي وصمه عار …ومن اي ذنب يغضب ربه…مش انه يجردها من حشمتها وحيائها ويجرها للحضيض…ويعيط لها حبتين ..ويحلف…فهي بسذاجه وسطحيه تصدق…انتي ..لو مازلتي باقيه عليه خليه يثبت حبه المزعوم ويتقدم ليك ويصلح غلطكم…يعقد عليك…وبعد كده يحبك زي ما هو عايز…نعم انتي خاطئه…فسارعي وتوبي…لعل الله يصلح شانك…
    والخطا الاكبر ليك انك تياسي من رحمت ربنا…ده باب التوبه والغفران مفتوح ليوم القيامه…ومن اكبر دليل لرحمه ربنا انه ما زال ساترك امام الجميع…توبي اليوم قبل الغد…وربنا بيفرح بتوبه عبده …وبيفتخر بيه امام الملائكه….مش نفسك ربنا يفرح بيك …توبي…ولا تعودي للخطاء ده….ما سمعتيش بقصه الرجل الذي قتل 99 وبعديها تاب…وربنا قبل توبته…كتير غلطو زيك واكتر منك ورجعو لربنا صح…واهتمو بدنهم وحفظو القران وبقو ناس كويسه جدا…واتهدوا على ايديهم ناس كتار جدا…انتي شكلك كويسه بس مصاحبه ناس….شوفيلك صحبه طيبه تعرفك ربنا كويس
    ربنا يسعدك ويصلح امورك ويتوب عليك
    نتمنا لك كل خير
13. سوسو

    

    16/02/2011 at 16:00

    حبيبتى يمكن كان بيختبرك واما لاقاكى بتحبيه خد عنك فكرة وحشه وقال يبقى ممكن تكون كده برضه مع غيرى حاولى تكون للعلاقه حدود واللى انتى اديتيهوله امنعيه تماما يمكن يتراجع وبرضه صلى استخاره
14. صاحبة المشكله

    

    16/02/2011 at 15:51

    سهام هو بيقولى مفيش شاب بيعيط عشان واحده مهما كان لكن انا عشان بحبك مبهدل نفسى وكرامتى علشانك بس انا حسه انو كل دا كدب هل انا مخطئه ؟؟؟ ولا التجربه اللى مريت بيها عقدتنى ؟
15. صاحبة المشكله

    

    16/02/2011 at 15:48

    بالنسبه لرد زائر هو اصلا معملمش حاجه وحشه يعنى هو قالى انا عايز منك كل حاجه الا انى امس شرفك بس اهم حاجه هو مشافش جسمى هو عمل حاجات صغيره يعنى ضمنى و كدا انا بنت خالتى كانت عارفه وبتقولى دى حاجات صغيره جدا مينفعش تندمى عليها فى بنات بتتعمد انها تعمل اكتر من كدا بس هى لحظه ضعف والله وانا بالنسبالى دى مش حاجه صغيره انا بس كل همى ربنا خايفه اوووى
16. زائر

    

    16/02/2011 at 15:17

    للأسف استطاع هذا الشاب أن يخدعك ويأخذ منكى أعز ما تملكين وهو شرفك وليس بالضروره أن تفقدى عذريتك حتى تفقدى شرفك ابحثى عن الانسان اللى بيخاف من ربنا ويحافظ عليكى فهذا الشاب مخادع وكاذب وأكيد هتفقدى عذريتك او ما رجعتيش
17. سهام

    

    16/02/2011 at 14:37

    حبيبتى انت بتقولى السؤال وبتردى على نفسك وواضح انك فاهمه كويس غلطتك بس المهم انك ماتكررهاش تانى واوضعى حل لهذه المشكله وعلاقكتم لو مش رسمى انا مافهمتش من كلامك لازم يتقدم لك لا يبعد عنك خالص لازم تقررى ويكون فى وقفه مع نفسك كفايه اللى عدا وايه بيعيط ده فى راجل كده غريبه والله وعمل ايه ماحدش بيعمله عمل علشانك ايه
    كفايه رخص بقا وغالى نفسك
18. تائب الى الله

    

    16/02/2011 at 14:31

    انتى غلطتى انك ادتيله اللى هو عاوزة لان فى كتير اوى بيدورو على مصالحهم واحتياجتهم بس
    وكان لازم يتغير بعد ماخد ده منك لانك فى نظره مش زى الاول بس البكاء بتاعه دليل على حبه ليكى
    بس الحب يكون فى حدود الحب مش فى حدود علاقه الازواج بس ازاى يعنى كداب ؟ امال بيجيب الدموع دى منين
    انتى ادرا منى بيه وحاولى انك ترجعى لربنا وتتوبى ربنا بيقبل التوبه والله ولو عملتى حاجه اتقل من كده ربنا حيسامحك لو توبتى بلا رجعه
    ربنا معاكى ويبين لك الخير فين