السلام عليكم انا بنت من مصر كنت فى ابتدائى مجتهدة جدا وكنت على طول بطلع ياما الاولى او التانية والتالتة جيت فى الصف السادس كان عندى مستر بيعطينا عربى وهو بتاع دروس واللى بياخد عندة درس بيعطية اعلى الدرجات وانا بينقصنى عشان مش باخد عندة وانا كان عندى صديقة قاعدة جمبى فى الفصل وهى مش مجتهدة اوى متلى ففى امتحان الاداء المستر دا اعطانا امتحان نقصنى انا 8 درجات وهى اعطاها النهاية وكل اللى بياخدوا عنده اعطاهم النهاية انا مش صدقت درجتى دى وعيطت وكنت زعلانة اوى فهى جت وقعدت تقولى انا مش مصدقة انك تجيبى الدرجة دى ابقى شدى حيلك بقى المرة الجااية وقالت كمان وااو انا مش مصدقة جبت النهاية انا هروح افرح اهلى وكل شوية تقعد تتكبر عليا وفى اخر السنة جبت النهايات فى كل المواد بس الاداء دا هو اللى نقصنى وجابت اعلى منى وهى طلعت الساتة وانا السابعة ولما دخلنا اعدادى انا شديت حيلى وذاكرت ونظمت وقتى بس بردك فى الاداء جابت اعلى منى بس انا جبت اعلى منها فى العربى انا جبت 18 من 20 وهى جابت 16 فى الدراسات جابت اعلى منى وفى العلوم جابت اعلى منى بدرجة بس الدرجات كانت غلط والمس منقصانى كتير رحت قلت للمستر بتاعى اللى بيعطينى درس علوم وقلتلوا على درجتى وحل معانا اسئلة الامتحان وراجعت معاه الامتحان وقلتلو على غلطاتى وطلعو ناقصين 3 درجات بس لما عرف انى جبت درجة وحشة فى العلوم زعل منى وقلى انتى شاطرة لية تجيبة الدرجة دى ووحليتلة الامتحان وعرف درجاتى طلعو 3بس وقلى خلاص انا هتصرف مع المس وانا هحطلك الدرجة بتاعتك الحقيقية ولسة هيراجع الورقة ويقلى وهى صحبتى دى تقعد تهزئنى وقلتلى انا مش قاعدة جمبك تانى انا مستوايا اعلى منك وفى وحدة وحدة صحبتى بردك هى بنت عمها قلتلى انها بتقول درجتى لامها وتقعد تقوول لجدها وجدتها انا جبت اكتر من اسيل انا احسن منها وقلتلها انا انهردة فى المدرسة انتى لية بتقولى درجاتى لاهلك انا مش قلتلك تقليلهم وقعدت تشتم فيا وتزعقلى وقالتلى انا اصلا مبكلمكيش ولا بتكلم مع ناس زيك وحدة صحبتنا سمعتنا وهى يعنى بتحل مشكلات وكدا فقلتلها اهدى حبة مش تزعقيلها كدا دى بردك صحبتك قعدت تزعقلها وتقللها ابعدى عنى مش عايزة اشوف وشكم اية كلكم بتحبوها كدا وقعدت تعيط راحت صحبتنا زعقتلها وقلتها ايوة احنا بنحب اسيل اكتر منك لانها لسانها مش طويل زيك ومفيش حد هيحبك على تصرفاتك دى والغرور اللى انتى فية وبعدين كلنا سبناها بصراحة انا انبسط اوى من اللى عملوه عشانى بس بردك عايزة ارجع مستواى اللى زى الاول تانى واغلبها واجيب اكتر منها فى الامتحانات قلولى اعمل اية ارجوكم انا قلتلك على قصتى كلها ياريت تردو باقرب وقت
الله الله صلى على النبي كيف سرقت مستواك فلوس هو ؟ ! هذا اجتهادها اجتهدي و ع قولها شدي حيلك
بس عجبني طموحك و حرصك على اعلى الدرجات الله يعلي درجاتك في الدارين وكل من قال امين
موضوع المقارنة بينك وبين اي زميلةفي الصف دي شئ مرفوض تماما الواحد منايبص لنفسه ويجد ويجتهد وماله دعوى بغيره صاحبتك دي بنت مغرورة وبلااخلاق ولاتربية ولاتستحق ان تكون صاحبة لك بعدكل اللي عملته معاك دعيك منها نهاية واهتمي بدراستك وتحصيلك في النهاية هواللي ينجحك ويعطيك التفوق والامتياز خليك واثقة من نفسك وماتفكريش باي احد ثاني اهم شئ يكون عندك طموح وهدف تريدي الوصول اليه وتحقيقه في الحياة ولاتنظري للاخرين بالعزيمةوالاصراروالتحدي والارادة تحققي كل امانيك واحلامك وتصلي الى الطموح اللي تسعي اليه اتمنى لك التوفيق والنجاح وعقبال الثانوية وبعدهاالجامعة نشاءالله
اولا المشكله بتاعتك تافه جدااا ومفييش داعي تكبيريها التنافس شئ حلو ولييه متعته طبعاا عشااان تيقي احسن من غيرك لازم متحطهمش مقارنه بيكي من اصله انا هحكيلك موقف حصل معاسا ليا صديق جااب اعلي مني ف سنه تانيه وانا طبعا زعلت بس لان اهلي كانوا دائما في مقارنه مابينه ومابيني وكان انا طبعاا بتكلم علطوول علييه كلام حلو او وحش مع صحابي اقاربي عيلتي من الاخر ف سنه تالته قررت اتغيير ومحدش يقارني بيه لاني كنت بتنرفز من كده وقررت اني متكلمش عليه ولا بحلو ولا بوحش ولا افكر فيه من الاساس واما اجي ادعي لنفسي ادعيله معاياا انه ينجح ويجيب تقدير حلوو عشاان ابت لنفسي انه مش ف دماغي هوا يجيب ايه ولا ميجبش تقدير والحمد لله جبت اعلي منه ف المجمووع كله بس اما كبرت عرفت انك عشان تنجح لازم متقارنش نفسك بحد ولا تتكلم عليه سواء حلو او وحش والدرجات متكنش هدفك سيبيها ع ربنا حتي لو جبتي تقدير قليل الحمد لله وساعتها مش هتزعلي ان حد جاب احسن منك لانك عملتي اللي عليكي وكل انسان ليه قدراات مش زي اي حد انتي كويسه ف مجال والتانيه كويسه ف مجال تاني وبالتوفييق دايما ان شاء الله