انا بنت شاطرة جدا والحمدلله والسنه ال فاتت كنت ناقصه 5 درجات والسنه دى ف تالته اعدادى وانا كنت بعشق حاجه اسمها مذاكرة ودراسه جت السنادى كل لما اذاكر زى ما يكون ف حاجه بتخنقنى جامد وبقعد اعيط ومبعرفش اذاكر وكارهه حاجه اسمها مذاكرة وتعليم وقررت انى اقعد من التعليم ومش عارفه اعمل ايه؟ وناقص شهر ع الامتحان وبقالى شهر ونص مبروحش دروس ارجو حل لمشكلتى
بسم الله
باختصار
ارقى نفسك
– قولى اذكار الصباح والمساء قبل الشروق وقبل المغرب
– حافظى على الصوات فى مواعيدها
– شغلى سورة البقره فى البيت بصوت خافت
– ابدأى المذاكره ب بسم الله
– اعملى جدول بحيث كل يوم بالليل تبقى عارفه هتعملى ايه بكره
– اعملى وقت المذاكره انك تخلصى بدرى مش لازم تسهرى
– قسمى وقت المذاكره : 25 دقيقه مذاكره بعدها راحه 5 دقائق تعملى فيها حاجه تضحكك
– بعد ما تقرأى اقفلى الكتاب وسمعى لنفسك
– الطبيعى انك بعد ما تذاكرى تنسى ده الانسان الطبيعى
– عشان تفتكرى فى الامتحان لازم التكرار
– التكرار لا يكون فى نفس اليوم ولكن فى ايام متباعده
– لا تفكرى فى النتيجه فقط كل يوم فكرى ايه اللى فى الجدول اللى مفروض تخلصيه
– كل يوم الصبح أبدأى باصعب حاجه على نفسك ( كلى ضفادعك فى الصباح )
– وانتى بتذاكرى ابعدى عن اى حاجه تلهيكى .. اقفلى التليفون .. النت .. الراديو فى ال25 دقيقه متفكريش الا فى اللى المفروض تعمليه
– اخير ادعى ربنا فهم اللى فى ايديه يوفقك
شوفي يابنتي انت بنت شاطرة ومجتهدة والحمدالله احسن من غيرك من البنات والشبان بكثير ودي نعمة كبيرة من الله لازم تحافظي عليها جيدا وتصونيها فكري في كلامي ده وحطي حلقة في ودانك اوعي تخلي الموثرات اللي حولك تاثر على دراستك ومستقبلك او تستسلمي لها كل واحد منا معرض للي انت فيه لكن تغلبي على كلهذا بالاصرار والعزيمة والتوكل على الله قبل كل شي وارجعي ذاكري دروسك بجد واجتهاد ولاتضيع اوقاتك سدى لاتجعلي الاحباط يسيطر عليك والشاعر العربي يقول – من طلب العلا سهر الليالي – اتمنى لك دوام التوفيق والنجاح في حياتك الدراسية وعقبال الجامعة نشاء الله ياعزيزتي
بصى كل واحد مر ب اللى انتى فية صدقينى مش هيفيدك اللى انتى فية وانتى لسة صغيرة 🙂 امال لما تشوفينا احنا بنعمل اية ف 3ث 😀 دايما خليكى باصة للى اعلى منك وشوفى مشاكلهم هتعرفى ان كل اللى بيقابلك دا تفاهات وربنا معاكى ان شاء …. متيأسيش من الوقت قومى زاكرى والحقى نفسك 🙂 انا ذاكرت اخر شهر ف 3 اعدادى وجبت 98.2 اهم حاجة تكونى مصممة على نجاحك 😀 يلا سلام 😐