مش عارفه أحدد مستقبلى ..حاسه بلخبطه ومحتاجه حد ينظم حياتى …من بعد ما حلمى اتدمر ” كلية الطب ” مبقتش عارفه ادخل كلية إيه ..قدامى كلية حقوق وزراعه ومايليها من الكليات زى اثار وتربيه واداب …إلخ .إلخ …المشكله مش ف الكليات خالص …المشكله فيا انا ..مش عارفه ادخل كليه ايه بسبب انى جواياا حافز عاوزنى ادخل كليه اطلع منها حاجه كويسه ويبقالى كرير كويس وناجح …زائد انى حاسه انى معنديش موهبه ..يعنى ع الاقل لو كان عندى موهبه زى الرسم او الغناء او اى موهبه كنت هحس انى عايشه … انا بجد محتاجه لحد ينظم حياتى اكتر من اى حد جاى ينصحنى ويمشى ..انا اكتر وحدة أخدت نصائح ..وانا استاذه ف إنى انصح الناس ..بس باجى عند نفسى وبضعف ومش بعرف انظم حياتى …بس بحاول وحاسه انى مش هوصل ..زى مثلا بدأت ارجع لحفظ القرءان زى زمان وانا صغيرة ..حجزت ف جمعيه وبتابعنى محفظه وحاسه بفرحه كبيرة …وكمان أكتر ماده بحبها هى الانجلش أو بمعنى أصح انا بحب اللغات عامة اكتر لغه بحبها هى الانجلش وثقافتى فيها ع مااعتقد 89%..فا بدأت اسجل ف أكتر من موقع محترف ع الفيس والنت بينزلوا مساقات لدورات انجلش ولغات فا سجلت فيها وبدأت أتعمق ف اللغه الانجليزيه …طبعا اللى هيقرا ده هيفتكر انى كدة بدأت اغير من نفسى ..بس انا حاسه عكس كده وحاسه انى بردو مش عارفه اغير من نفسى …انا نفسى اريح ماما مش عاوزة أخليها تشوفنى مجرد بنى أدمه عادية ..نفسى احقق اى حاجه ف حياتى تخلى ماما واخوبا وجوزى وعيالى مستقبليا يفتخروا بيها 🙂
