السلام عليكم
انا طالبة فى الصف الثالث الثانوى علمى علوم الثانوية العامة…بدات دروسى اخر شهر 8 وكنت ماشية تمام جدا لمد اسبوعين وداخلة بحماس رهيب لانى حلمى انى ابقى طبيبة وابر اهلى وافرحهم بيا ..حصلى ظروف مرضية صعبة جدا وعملت عملية ما واستغرقت فى الشفاء شهر !!!!! وطبعا ضاع منى دروس ومذاكرة كتير جدا ال كنت بقدر اعملة فى الشهر دة انى احضر بعض الدروس او اسمعها على الانترنت واحنا دلوقتى فى شهر 10 ومذاكرة 9 مش عارفة اعمل فيها اية :/
قدر الله وما شاء فعل !!
المهم انى دلوقتى نفسيتى مدمرة محبطة جدا وشيفة زمايلى ما شاء الله عليهم متفوقين وانا معاهم زى خيبتهم 🙁
وكل اما اجى اذاكر افتكر المذاكرة المكدسة ال عليا ال مش عارفة اخلصها ونفسى تتقفل من المذاكرة خالص ….فقدت الامل انى اقدر اعمل حاجة فى السنة دى واقدر الحق بزمايلى والمدرسين فى المذاكرة والدروس وفقدت الامل انى ممكن اخش الكلية ال نفسى فيها اصلا ….
انصحونى اعمل اية وازاى اقدر الحق المدرسين المنهج وال مر بتجربة زى دى نوعا ما وعدى منها على خير يقولى :/
وجزاكم الله كل خير
مشاكل الثانوية العامة
بدات بداية مش حلوة فى الثانوية العامة
اضيف بتاريخ: Wednesday, October 15th, 2014 في 05:20
كلمات مشاكل وحلول: الثانوية, الثانوية العامة, بنت
حاولي انك تمشي مع مدرسين الدروس في المنهج عادي وخصصى وقت لنفسك (مثلا يوم في الاسبوع) وذاكرى فيه جزء قديم من
كل مادة واللى يقف معاكى ما تسيبيهوش اسألى فيه المدرسين بحيث انك بعد فترة تلاقى نفسك ماشية كويس فى القديم والجديد وربنا معاكى ان شاءالله.
انا ثانويه عامه بردو علمى رياضه بصى هاتى مدرسين فى البيت يشرحولك اللى فاتك وامشى بردو مع المدرسين اللى بره لغايه ماتحصليهم وبعد كدا سيبى المدرس اللى فى البيت او خلى ولى امرك (والدك او والدتك ) تكلم المدرسين اللى بره اللى بتاخدى عندهم درس ويشرحولهم حالتك واللى مريتى بيه ويعملولك مثلا حصه مراجعه كل اسبوع لغايه ماتحصليهم بردو
الف سلامه وربنا يوفقك ان شاء الله