التهاب البشرة واحمرارها بشكل دائم

ياجماعة أنا بشرتى من إللى قرأته لاقيتها أقرب للبشرة العادية أو المختلطة الحساسة أوى أوى أنا بشرتى كانت صافية ناعمة و جميلة جدا و تحمر جدا جدا و لغاية دلوقتى عندما أضحك أو أبكى أو حتى أتكلم تزداد إحمرارا بس من شهرين وجهى بدأ يطلع فيه حبوب و مش بتروح و هى عند أنفى و الجزء القريب منه و بجد أنا خايفة أوى من إنى أحط أى كريم على وجهى نظرا إلى أننى قد إعتدت على أن أحط كريم كل يوم و مش من نوع و احد يعنى مرة أحط إيفا للترطيب و ساعات غارنيه أو إنجى للتفتيح و مش منتظمة و حاسة إن المشكلة بدأت من هنا و مش هينفع أروح لدكتور علشان إحنا ساكنين فى منطقة لا تذكر أصلا على الخريطة و قررت أن أنصرف عن الكريمات و ألجأ إلى الماسكات و الطبيعة بس مش عارفة إية إللى يناسبنى و مش عارفة أعمل إيه بجد أنا خلاص إتجننت من الموضوع ده أنا كل ما أنظر الى المراية أتخض من الحبوب مرة ألاقيها صغيرة و مرة كبيرة و غير كده أنا أصلا باعانى من مشكلة عدم توحد اللون بسبب الحجاب فالجزء الظاهر أكثر من قمحاوى و الاخر أبيض و بسبب إنى بطلت كريمات التفتيح ظهر أوى الفرق ده يارب حد يساعدنى

مشاكل وحلول ذات صلة

• صديقتي المفضلة تحدث شاب
• صديق اخوي بهددني وابصر شو رح يوصل
• اهلي يرفضون يسامحوني على اخطاء الماضي
• أنا وحشة مش مجرد اني شايفة نفسي كدا
• اختي بتشرب سجاير
• شخص بيهددني يأذيني يا يأذي أهلي عشان أفضل معاه
• جدتي تميز اخوتي عني