جولييت الحب الاول لي كانت بنت الجيران الجميلة الرقيقة التى عندما تقف فى البلكون كانت الشمس بتغيب من نورها وجمال وجهها، كنت انا روميو الذى اسكن قصادها، فى بداية الامر مش بحب جولييت لكن كان العكس صحيح، وكنا احنا الاثنين فى نفس السنة الدراسية وكنا فى نفس المدرسة وفى نفس الفصل، وكنا لا نفترق ابدا فى المدرسة فى البيت فى الشارع فى الدروس الخصوصية كنا مع بعض على طول.
احنا بدأت قصة حبنا من سنة خمسة ابتدائى وانتهت فى السنة الثانية من الكلية، بدأت هى الحب من طرف واحد، وعندما عرضت عليا الحب وصارحتنى كنت انا صغير لم انظر غير قدام عينيا لم انظر الى عواقب هذا الحب الذى سوف يؤدى الى قطع العلاقة بين العائلتان اللذان كانوا لا يتفرقون الا عند النوم.
بس حبيت حكاية الحب والغرام وانا كنت لا ابادلها هذا الحب، وكنت انا بلعب بيها وكنت بكلم بنات تانية فى نفس الوقت الذى كنت اكلمها فيه والكلام ده استمر اكتر من ست سنين.
الحب يأتى من طرف واحد ولكن انا مكنش باين عليا حاجة خالص غير لما حست هى بعدم اهتمامى بيها مع انها كانت بتدينى كل شيء اطلبو منها وساعات من غير ما اطلب منها حاجة، اضطرت الى البعد عنى بسب عدم المبالاة التى كانت بتشعرها من ناحيتى وعدم الاهتمام الذى كان من غير سبب فعندما بعدت عنى حسيت بكل شيء كانت بتعملو زى ميكون كنت مش حاسس بيها وهى جنبى، ولما بعدت بدأت احس بانى ناقصنى حاجة وكنت بسأل نفسى انا بحبها ولا ايه؟ وكنت ارد طب لا ليه مدام هى بتحبنى كل الحب ده ونظرت لنفسى نظرة استحقار، يعنى معايا انسانة جميلة وبتحبنى وانا بس الى فى حياتها وعمرها ما حبت غيرى ولا عرفت حد غيرى وانا عمال اكلم ديه وديه ومفيش وحدة فيهم بتحبنى ولا نص الحب الى هى بتحبهولى، وقلت لازم افوق من كل الكلام ده واحس بيها شوية، وياريت ما حصل لانى حبتها قوى قوى وعشت معها ثلاث سنين حب حقيقي من الطرفين بكل انواع الحب والحنان، وكانت بتساعدنى فى المذاكرة وكنت بذاكر وكان املى الوحيد انى احصل على اعلى الدرجات لانى كنا احنا قصدى عائلتى كنا اقل منهم ماديا وكان ابوها يمتلك اكثر من 6 عماير ومصنعين واحنا مش نمتلك اى حاجة زيهم، غير انى ابى وامى كانو متفوقين على ابوها وامها فى التعليم، فكان الشىء الوحيد قدامى انى اكون فى كلية كويسة عشان اقدر اروح واطلب ايديها واقول انا فى المستقبل هكون كذا وكذا.
وكنت من صغرى برفض اى شغل مع ابوها فى اى شيء يمتلكو هو عشان كنت ببص لقدام وميكنش هو متفضل عليا بشيء، ولكن بعد ما ذاكرت وتعبت علشان اوصل لاعلى الدرجات ودخلت كلية الهندسة وهى كمان دخلت كلية لغات وترجمة، طلبت منى ان اتقدم لها قولتلها انا عايز اخلص الاول وبعدين اتقدملك لانى لحد الان مش بصرف على نفسى انا لسه بدرس ووالدى هو الى بيصرف عليا قلتلى لا لازم تتقدملى والا مش هستناك تانى وده طبعا من ورا قلبها.
ورحت اتقدملها وحصل الى كنت متوقع انا وانتو الرفض كان هو الرد على الطلب لانى لا امتلك اى شيء ولا ابويا يمتلك شيء، وكانت الكلية لوحديها مش شفيع ليا على الفقر الحنا فيه ولا نفعتنى اقدام ابوها باى شيء، وقال ممكن تقولى قدامك كام سنة على انك تكون نفسك وتكون قادر على انك تفتح بيت، وقلى تعرف بنتى عندها كم سنة وتعرف اخوتها اتجوزوا وهما عندهم كم سنة، طبعا لو حسبتها ستكون على الاقل 26 سنة على الاقل صح لغاية متخلص الكلية وتكون نفسك كدة اقل شيء، تعرف بقا اخوتها اتجوزوا وهما عندهم كام سنة 19-20 يعنى صعب اوى يبقى انا بظلمها لما اقعدها كل السنين دية وياعالم وبالاخر رفض ومش رفض وبس بل وقطع كل شيء يوصلنى ليها، خرجها من الكلية بعد سنتين امتياز وعزل من المنطقة خالص ومن المحافظة خالص، ومفيش اى صلة تعرفنا مكانهم تانى خالص، وانا من يوميها وانا منهار خالص ومش عارف اعمل ايه، حب حياتى ضاع.
شوف ياابني الزواج قسمةونصيب وانت تقدمت لابوهاورفضك لانك لسه ماكملتش تعليمك ولاعندك وظيفة ارى انك لازم تجتهدفي تعليمك وتحاول تشتغل عشان توفق بين الدراسةوالعمل ولاجل تكون نفسك وصدقني تلاقي الخير والنجاح ولوعلى مسالة البنت اللي تحبهاخلي احد من اقرابكم اواحد يعرف ابوها من اللي لهم كلمةعليه ويقدرهم خليه يدخل في الموضوع ويحاول يقنع ابوهالاجل الخطوبة ونشاءالله حيوافق وربي يتمم لكم بالخير ويجعلهامن نصيبك ويسعدكم في الحياة
مفيش قدامك غير حل واحد الدعاء والاجتهاد فى المزاكرة أنت دلوقتى تجتهد فى المزاكرة وتدعى فى كل صلاة انها تكون من نصيبك وبكده تكون عملت كل اللى عليك والله لو من نصيبك هتاخدها لو مش من نصيبك ربنا هيعوضك بأحسن منها ان شاء الله
في الاول انا حقولك ان لو ربنا كاتبهالك حتكون من نصيبك لو الدنيا كلها وقفت قصادكوا لو ربنا كاتب ليك انت وهيا ان تكونوا لبعض بس اهم حاجه انك توصل ليها وتعرفها انك لسه معاها وانك بتحبها وحتعمل المستحيل علشانها
أنا مش حقولك أنساها لأنك مش حتنساها لكن مارس حياتك عادي إتعرف على ناس وكمل حياتك عادي لاتجعلها عثرة في طريقك وسبحان الله مش عارف حيحصل إيه بعد كده يمكن تكون حبت هي غيرك وإنت مش عارف أو إقتنعت بوجهة نظر أهلها برضو محدش عارف وترى لو حصل وتزوجت وحده أخرى مش حتنسى الحب الأول يضل كالحلم وحلاوته ماتتنسيش لأنه نفسيا لم يصطدم بجدار الواقع اللذي يقتل كل شيء جمييييل.
صديقي العزيز وإسمح أن أناديك بصديقي أمامك حل وحيد ولكنه خطر
روح المصنع بتاع أبوها ورااقبه ولما يروح راقبه حتعرف البيت
ده أبسط الحلول يا إما تحلي حد يتصل عليه ويعمل إنو عاوز يتقدم
لبنته بس مش عارف العنوان وأكيد حيدهولو أتمني ردي يعجبك
حاول تنسى وابدأ حياتك من جديد
الحب الاول اكثير صعب النسيان.بس حاول تنساها و تعرف على بنات تانيين و لا تنسى انو الدراسة هي الاهم
شكرا لكم انا الى عايز اقولو لكم انى المشكلة عندى دلوقتى مش انى هعمل اية فى حياتى المشكلة دلوقتى انى مش قادر اعرف مكنها خالص ولا قادر اتوصل اليهابقى طريقة ممكنة لو حتى بقيت اعظم مهندس فى الدنيا بردة هى ضاعت منى قولولى لو سمحتم هو ممكن انى اطلب من شركة التليفون انى اعرف مكانهم هل مسموح بذالك لانى بعد تجربة لكل النمر لقيت انى ابوها الوحيد الذى لم يغير نمرة التليفون وانا مش هقدر اكلمة دلوقتى خالص وخايف يغيرة بعد وقت وسعتها تبقى بجد انتهت الحكاية نهائيا وشكرا لكما والى [النبيل شارول انا بقرا ردك على اكتر المشاكل وبحييك على اسلوبك المميز وشكرا]
اخي انت ادرس واهتم واذا لك فيها نصيب فلا تقلق ستكون لك واذا لم يكن لك فيها نصيب فهمها سويت لن تكون لك قضي الامر
انت قدامك حل من الاتنين يا تشتغل وانت بتدرس بس للاسف ممكن لا قدر الله متجبش تقدير بس انت وقدرتك يا اما تدرس وتجيب تقدير وتشتغل شغله كويسه وتتقدملها حتى لو متاخر لان لو هى هتبقي من نصيبك لو اتقدمتلها بعد قد ايه لما يبقي عندها 30 سنه هتتجوزو دة نصيب انت كل ال عليك تعمل ال عليك تدرس وتشتغل والباقي على ربنا وهى لو بتحبك وتشوفك بتتعب عشانها هتستناك وعلى فكرة مفيش بنت بتجوز غصب عنها لان انا مش بقتنع بفكرة اتجوزت غصب عنها وربنا يوفقك يارب