انا بنت عندى 17 سنة حبيت واحد اكبر منى بكام سنة كنت بعشقه مش بحبه بس قعدت مرتبطة بيه اربع سنين وبعدين سابنى عشان مامته كانت عايزاه يخطب بنت خالته وخطب من كام شهر المشكلة دلوقت انى نسيته خالص بس حاسة انى مش عارفة اعيش حاسة مليش لازمة اعيش من غير الحب افتقدت لانسان يهتم بيا ويحبنى واحبه وبما ان انا اللى رافضين تماما حكاية الجواز التقليدى فده تاعبنى اوى ارجوكو ساعدونى اعمل ايه احب تانى ازاى ولا مين ولا امتى
الحب الاول
مش عارفة اعيش من غير الحب
اضيف بتاريخ: Monday, October 4th, 2010 في 03:16
كلمات مشاكل وحلول: الحب, الحب الاول, الحب الاول, بنت, مشاكل, مشاكل الحب
مع احترامي لك دامش حب حقيقي دي مراهقة وحتعدي انشاءالله اوصيك بتقوى الله والمحافظة على الصلاة وكثرة الدعاءوالتضرع لله ان يكرمك بالزوج الصالح اللي يستاهلك ويقدرك ويسعدك في الحياة
على فكرة انتي ما نسيتة لسة لو كنتي نسيتية كنتي حبيتي غيرو وعلى قول اختي ما كنتي جيبتي سيرتة وعلى قول الفنان الكبير جورج وسوف علي ضاع من عمري ابلك
وعايزة اقلك كمان اهلى من العائلات الفاضلة جدا ومفيش خطوة ليا كنت بعملها الا وهما عارفين لانى عمرى مقابلته ولا خرجت معاه محافظة منى على نفسى واهلى كانوا عارفين كل شئ عنى وكانوا موافقين تماما عليه الكلام ده للبحر الثائر اللى فاكر انه هادى وشكرا لكل من نصحنى بهدوءويبقى هو ده الاسلوب عشان يبقى حد ميعرفش اهلى ويدخل كمان يعيب فيهم الى جانب العيب فيا
انا صاحبة الموضوع وعايزة ارد على البحر الهادى الحقيقة انه مش هادى ابدا المفروض انك بتنصحنى مش بتقطمنى وتعيب فيا يبقى الكلام فيه اسلوب احسن من ده انا مش داخلة طالبة نصيحتك انت وغيرك عشان تتريق عليا وبعدين مينفعش تحكم عليا بالشكل ده غير لما تعرفنى الاول وبما ان مش هتبقى فيه فرصة تعرفنى يبقى متحكمش عليا كده انت بتقلى مش عارفة معنى الحب انت عارف ايه اللى جوايا عشان تقول كده صدقنى يمكن انت اللى لسه فى مرحلة المراهقة ومش واخد بالك بس الناس اللى عدوا من فترة المراهقة دول ليهم اسلوب تانى فى الكلام بيكون احسن من كده اقبل انت نصيحتى دى
حاولي ان تعيشي مرحلتك وانتبهي للدراسه والصداقه المجرده تجدي معنى للحياه
هأقولك على حاجه
ولما أقولك عليها ، هتقولي بينك وبين نفسك انت مش حاسس بيا ومش فاهمني
مهما قولت ومها الناس قالت مش هتصدقي غير نفسك الا لو فكرتي كويس بينك وبين نفسك .
انا زيك كنت بحب والله وفي نفس سنك من وانا عندى 13 سنه ولغايه 18 وحصلت ظروف وسبنا بعض ، وساعتها والله العظيم تعبت أوى وحسيت اللى جواكى دلوقتى ويمكن أكتر ، ادرجه انى من كمية الحزن اللى كانوا جوايا والله العظيم كنت واقف مرة وسط اصحابي وأغمى عليا والدكتور قال ان ده بسبب ضغط عصبي ،، عارفه ايه حصل بعد كده
مرت فترة مش طويلة وفى الجامعه ولما سني بدأ يقرب على 19 عرفت بنت وعرفت يعني ايه حب بمعنى الكلمة غير الحب اللى فات ده خالص واللى كنت فاكر انه خلاص هيبقى نهايته الدنيا بالنسبه ليا ، وعشت معاها 4 سنين من أجمل سنين عمري وبرغم انى مكملتش معاها لإن والدها الله يرحمه كان ناهي تماما فكرة انها تتزوج واحد مش قريبهم أو جارهم ولدرجه انى والله اتقدمتلها اكتر من 5 مرات لكن محصلش نصيب وسبت مصر علشان انساها ومنسيتهاش وفات سنتين لغايه دلوقتى واتجوزت وما زلت جوايا مشاعر ناحيتها وبأروح لغايه النهاردة كل مكان كنا بنروحه مع بعض ومعتقدش انى هأقدر انساها فى يوم من الايام
أنت تتحدثين وكأمك في الثلاثين من عمرك……..
لست أول من يرتبط بشخص ويتركها،،، فأنت أخطأت بمعرفتك به وهو أخطأ أيضا….
واحمدي الله على تركه لك لأنه شخص ضعيف الشخصية……
وأنصك بالبتعاد عن قصص الحب واللقاءات غير المشروعة تلك،،، حتى يرضى عنك الله أولا….
وحتى تكون سمعتك جيدة ولا يشوبها أي علاقات،،، والناس تهوى نشر الفضائح دائما….
فليس من الضروري أن تنشغلى بأحد لهذه الدرجة إلا أن يكون زوجك…….
ولو قرأتي مشكلات الأخوات هنا لوجدتِ أن الكثير منهن وقعن في الخطيئة مع من أحببن أو مع من خدعهن……
وفي النهاية أقول لك أنك صغيرة في السن جدا،،، ولا تقلقي ستحظين بمن يحبك ويتقدم لخطبتك مباشرة وستحبينه أيضا،،، لأن الحب مرتبط بشكل كبير بالأخلاق والمعاملة وحسن المظهر،،، وابتعدي عن أي شاب يريد أن يكون بينكما علاقة من غير خطوبة مطلقا،،، لأنه سيتركك على الأقل أو سيخدعك كما خُدعت الكثيرات وفقدن أعز ما يملكن…..
السلام عليكم * الصراحة عمرك 17 سنة وتقولى حبيت شخص لمدة اربعة سنين يعنى كان عمرك 12 او 13 صح ؟؟ هنا يوجد شئ من الغموض وعدم الاحساس بالمسؤولية من طرف العائلة ولا يقربون بنتهم اليهم ويحسسونها بالحب والعطف العائلى يتركون البنت لوحدها تعيش فى متاهات ووووو حتى تجد واحد ثعلب يكبرها بكم سن يضحك عليها احمدى الله انكى خرجتى سليمة غيركى اعتدى عليهن جنسيا واغتصبن* ثم يعتبر سنكى سن بنت قاصر * حاولى تتقربى من عائلتكى واهتمى بدراستكى انتى لسا صغيرة * الحب الحقيقى بالفعل مكانه العقل وليس القلب الواحد لما يرتبط بشخص يعرف بمين يرتبط ومن هو لا يترك عواطفه تجره لمتاهى لا يعلمها الا الله سبحانه وتعالى * احمدى الله انكى صح سليم ولا يفعل بيكى امور اخرى تبقى تندمين عليها مدى الحياة وبعدين بكاء وعويل وووو وصار لي وحصل لي اعطونى حل اروح لمين اعمل ايش ومن هاذا الكلام وانتى تابعى المشاكل على هاذا الموقع ستعرفين بنفسكى ** انتى لسا فى سن مراهقة اشغلى نفسكى بهوايات عديدة حتى يبعد عليكى هاذا الوسواس قالت مااعرف اعيش من غير حب انتى عارفة ايش هو الحب ؟؟؟؟ لما تكبرى شوي تعرفين ماهو الحب ** تقبلوا تحيات أخ تونسى مغترب ** والسلام على من اتبع الهدى *
انا هقولك على حاجة
دلوقتي انتي عمرك 17 سنة يعني في سن مراهقة
بمعنى ان فترة الحب الي انتي عديتي بيها دي مكنتش حب فعلا كانت مراهقة بالنسة ليكي على اساس ان انتي لسة معدتيش سن المراهقة ومش انتي لوحدك الي عديتي بالمرحلة دي اغلبية البنات بردو عدة بالمرحلة نفس مرحلتك بس الحمد الله ربنا كرمهم واتجوزوا وحياتهم استقرت ونصيحة اقولها ليكي يا ريت تقبليها
انا عايزك تهتمي بدارستك وبحياتك وبعدين ان شاء الله لما تخلصي الثانوية العامة او ما يعادلها وتخلي الكلية هتشوفي حاجت تانية كتير وهتخطلتي بناس تانية وهتنسي الي فات كلة
وممكن تقعي في حب انسان زميلك في الكلية وحاتك تبق جميلة ان شاء الله
وربنا يوفقك في حياتك يا رب
***
وشكرا