اولا السلام عليكم انا بنت عندى 19 سنة انا كنت من صغري كتب ومسابقات وسفر وملتزمة مكنتش اتحب اتعامل مع الولاد خالص ولا احب مواضيع البنات وولا التفاهات دى مكنتش فاضية روحت الجامعة والحمدلله التزمت اكتر وكان معنديش وقت غير ياما اطلع ع الكتب يااما انام بعد كدا كفضول دخلت النت كنت بكلم بنات بس ومكانش بيأثر عليا وكنت بقول ندوات ومحاضرات بحيث استغل وقتى ناس كتير الحمدلله التزمت حبه ولاد وبنات منهم واحد كان مش بيناقشنى اقوله قال الله ينفذ قال الرسول ينفذ وكنت واثقة من تنفيذه لان قريبته كانت صحبتى بعد كدا الموضوع اتطور باختصار عرض عليا الزواج وفعلا كلم حد من قرايبي وشرحله ظروفه عشان كدا اطمنتله غيرلى نظرتى للولاد انهم اشخاص تافهين ومتعصبين وكدا التزم الحمدلله وابتدينا نتكلم واتطور ف كلامه كنت الاول حاطة حدود ابتدت تتلاشى وحده وحده بعد كدا وده ال حاصل دلوقت قلتله انا لازم ابعد عشان انا عرفت ان ده لا يجوز شرعا انك تكلمنى كان هيأذي نفسه وإلى الان بيتصرف تصرفات ممكن تضيعه انا مش عارفة اعمل اى انا قلتله وطمنته ان انا مستنياه بس عشان ربنا يرضى عنا لازم نبعد فهم ان انا كدا بتخلى عنه وتعب جدا ومش قادر يستحمل ولا انا بصراحه بس انا واثقة ف ربنا ال مدايقنى انه لما بكلمه ف رضا ربنا بيكلمنى ف رضايا انا وانا هبعد ولا لا حسيت كأنه ملتزم عشاني مش عشان ربنا انا مش عارفة اعمل اى انا مش عيزاه يأذى نفسه وعيزاه يتقبل الامر وف نفس الوقت عيزاه يلتزم لربنا ويكون رضا ربنا اهم مني _ممكن تقولولى اتصرف ازاى وبسرعة
الحب الاول
قلتله انا لازم ابعد عنه عشان ده لا يجوز شرعا
اضيف بتاريخ: Monday, February 21st, 2011 في 13:50
كلمات مشاكل وحلول: الحب, الحب الاول, الشباب, النت, بنات, بنت, مشاكل الحب
انت كداصح حافظي على نفسك وشرفك وكرامتك وماتفرطيش فيهم ابدا وراعي الله في كل تصرفاتك والواد ده خليه يغورفي 60داهية لانه مش محترم ولايخاف الله ولاعمره يستاهلك ابدا التمسي رضاالله عنك بسخط الناس ولاتكسبي رضاالناس بسخط الله عليك وربنايكرمك باحسن منه ويرزقك بالزوج الصالح اللي يخاف الله حقا ويقدريسعدك في الحياة
أختي الكريمة بارك الله فيك
لكن لا تستطيع حث شخص على الالتزام ما لم يكن له استعداد على ذلك ومن الواضح انه لا يستطيع أن يكون مثلك أو تساعد به على ذلك
لا ترابطي بشخص انتي غير مقتنعه فيه
توقعي صدور أمور لا تعجبك ولا ترضى الخالق من الشباب الغير ملتزمين حيث يصرون على الحرام
يابنتي خليك محافظةعل نفسك وشرفك ماتفرطيش فيهماابداوهولوكان صادق في حبه لكي وعاوزك بالحلال يتقدم لاهلك ويخطبك منهم غيركده اقطع علاقتك به وانشاءالله بيعوضك الله خير منه
خليه يولى يلتزم علشان رضاك انتى وفين ربنا خليه يولى ويموت احسن
اولا السلام عليكم اختى ارى ان موضوعك مثير للغاية لدرجة ان انا فى نفسك موقفك تعرفى عليه عن طريق كلامى معاه على النت بس انا كنت وضعه امامى فكرة ان معرفة الولاد مشاكل من كل النواحى بس اقسم بالله بيه اقربنى الى ربنا اكتر من الاول وتاهيله الدراسى اقل منى بس والله بنكمل بعض فى كل حاجة انا هقولك حاجة انتى عايزة تساعديه من بعيد صح لاانا مش معاكى فى النقطة دى لو عاوزة تساعدية بجد اديه الامان وانا على فكرة فى نفس سنك بس يعنى الحمد لله بقدر اوزن امور نفسى والله اتمنى ان ربنا يوفقك مع الانسان المنسب ليكى بس لو عن نفسى الانسان دة مناسب جداجدا وربنا يوفقك انشاء اللة فى قرارك الاول والاخير وربنا يحفظك انشاء الله
انا عارفه ان رايي مش هيعجب ناس كتير بس بسم الله ماشاء الله انتي ملتزمه وباين عليكي كده بتحبي الشخص ده .. انتي بتقولي كنتي حاطه حدود وهو تخطاها بانه قالك كلمه بحبك تمام ؟ ممكن بالنسبه ليكي هو تخطاها بس بالنسبه ليه هو بيعبر عن مشاعره وبما ان باين انه التزم عشانك فلازم تفهميه الكلام ده .. اعتبريه طفل وعلميه واحده واحده وعوديه على طباعك .. وكمان واضح انه مش بس بيحبك ده بيعشقك يابنتي .. لو بجد معجبه بشخصه وعايزه تحافظي عليه خليه يجي يتقدملك .. عشان تبقى ريحتيه وريحتي نفسك وممكن تستبدلوا كلام الموبايلات بانكم تتكلموا ع النت مثلا بس برضه بحدود وعايزه اقولك في الاخر تمسكي بالشخص ده لان قليل جدا جدا انك تلاقي واحد يتغير عشانك وافتكري ان الحب ده سلوك فطري وانك مش بتتحاسبي على حبك انتي بتتحاسبي على السلوك اللي مبني عليه وبما انك ماشيه تمام الحمدلله فمتقلقيش من حاجه وربنا يقدملكم اللي فيه الخير ان شاء الله
السلام عليكم ورحمة الله وبركاته…..
أسعدني ما قرأتُ من شكواكِ التي بها من الكام ما هون عليَّ ما أقرأه من مشكلات وأخطاء ينزف لها القلب دما…
هنيئا لكِ أخيتي على ما تفعلينه وهنيئا لخطيبك بك إذا أراد الله وأتم زواجكما…..
حمدا لله على حكمتك البالغة التي لا يتمتع بها إلا نسبة لا تذكر من بني البشر عموما….
أنا شخصيًا أؤيد ما فعلتينه معه بل وأنصحكِ أيضا ألا تُقدّمي تنازلات في فترة الخطوبة أيضا….
قد يلتزم شاب من أجل فتاة ملتزمة،،، مثل أن يلتزم الصلاة من أجلها أو أن يمتنع عن التدخين من أجلها…..
ولكن ساء ما يفعل إن كان التزامه من أجلك،،، فمعذرة أخيتي مهما كانت درجة حبه لكِ فسيأت الوقت الذي يقل فيه أو يزول وبذلك سيكون لا حاجة له بالالتزام…..
ولكن قد يلتزم في بادئ الأمر من أجلك،،، ومع الالتزام يوما تلو الآخر قد يزداد علمه الشرعي الذي يحول بينه وبين الرجوع للطريق المعاكس مرة أخرى…..
اثبتي على رأيك وقرارك،،، واعلمي أنه لا طاعة لمخلوق في معصية الخالق….
ويكفي أن تخبرينه أنك تنتظرينه وقتما جاء،،، فإن أبى وخيركِ بينه وبين الله فاعلمي أنه اختبار من الله عز وجل،،، ولا تفوتي الفرصة على نفسك في النجاح في الاختبار،،، ولعل الله يرزقك بمن هو أفضل منه بكل تأكيد…….
الْخَبِيثَاتُ لِلْخَبِيثِينَ وَالْخَبِيثُونَ لِلْخَبِيثَاتِ وَالطَّيِّبَاتُ لِلطَّيِّبِينَ وَالطَّيِّبُونَ لِلطَّيِّبَاتِ أُوْلَئِكَ مُبَرَّؤُونَ مِمَّا يَقُولُونَ لَهُم مَّغْفِرَةٌ وَرِزْقٌ كَرِيمٌ [النور : 26]
انا اتعرضت للموقف ده زيك بالظبط وقعد يقولى انى مبحوش وانى عملت الحجة دى عشان اسيبو وقالى برضو لو سيبتينى هاعمل حاجة ف نفسى بس انا مخدتش بكلامه وتوكلت عله الله وقطعت علاقتى بيه تماما وقولتله لو بتحبنى فعلا ساعدنى اننا نبعد عن بعض وربنا لو كاتب لنا اننا هنكون لبعض يبقى من غير شك احنا لبعض ومفيش حد بيتجوز امرأة حد وربنا يوفقك وتوكلى ع الله واعملى زى ماعملت واحنا بقالنا 6 شهور بعيد وكل شئ تمام الحمد لله وعايزة اقولك راحتك عمرك مهتلاقيها غير ف رضا ربنا
لازم تعرفى ان فعلا من ترك شيئا لله ابدله الله خير منة انا عارفه انك بتحبيه ومهما جاهدتى نفسك وبعدتى عنه لو شفتيه بتتكهربيى لانك بتحبية خلية يجى البيت عادى جدا حتى لو معندوش حاجة ووالله لو هو كويس وجد ابوكى هيوافق وكدة تبقو اخذتو بالاسباب ولو ربنا كتبكو لبعض الموضوع هيمشى ولو انتم مش لبعض خلاص انتم مش هتحاربوا اللى خلقكم
هقولك حاجة جامدة جدا لو عملتيها هترتاحى
1صلى ركعتين لله
2ضعى يمناكى على صدرك وادعى الله وقولى
اللهم املاء قلبى محبة لك واقبالا عليك وحياءا منك .اللهم اشرح صدرى وحصن فرجى واملاء قلبى محبة لك.وربنامعاكى وحاسس بيكى بس اهم حاجة اياكى تخونى الله ثم اهلك ويارب تشوفى رسالتى
بوصى ياحبيبتى انا عايزاكى تؤمنى بالحكمة اللى بتقول اذا اردت شيئا بشدة فأطلق صراحة فان عاد اليك فهو ملك لك وان لم يعد فهو لم يكن ملكا لكى من البداية مش هقدر اقول كلام اكتر من كدة هى شرحة نفسها
انا احتارت ليكى بجد كل واحد داخل هنا برأى شكل
انا هقولك رايى هى جات عليا بئة انتى خلية يتقدم ليكى حتى لو بدبلتين وحتى لو فترة الخطوبة قعدت سنتين تلاتة وربنا يحلها من عندو
انا شايف انكم مابطرحوش حلول مفيده هى الاخت ملتزمه والحمد لله وهو ملتزم فما هى المشكله وحتى لو هو مش ملتزم او ملتزم علشانها ده ميمنعش انها تحاول معاه حتى ولو بعد الزواج لانه اذا ربنا هداه على ايها ده خير ليها من عباده الف سنه انا شايف انها تستمر فى حدود وذلك اذا تاكدت من صدق مشاعره واخلاصه لها فلو كان هدى فخير وبركه وربنا يجعله فى ميزان حسناتها اما ان كان العكس فوفقها الله لهدايته وده رائيي والله اعلم
دا مش حينفع يكون زوج جيد ولايمكن ترتاحي معاه في المستقبل لانه احب فيكي شيئا واحدا من اصل ثلاث اشياء والاثنتين الي تركهم اهم من الي حبك على شانه وهي الثالثة
اما الحب الاول والثاني الي هو تركهم وما بيفكرش بيهم هما حب القلب والروح هو ماحبش فيكي قلبك وروحك انما حب القامة الحلوة والبياض الجيد والهيكل المثالي وهذا مجرد زواج مضى عليه ستة شهور بيكون مل منك وتبدأالمشاكل على مايبدو مابعرفش الحب ايه
الناس ان اللي بيقولوا الحب مش حرام طيب يعني ايه الحب اصلا … وفي فرق بين واحد بيمشي بحياته بالمنطق ومنطق المجتمع ويقول الصداقه البريئه بين الولد ولبنت حلال وبين اللي بيسمع كلام ربنا زي ماهوه وبيطبقه زي ما هوه مستسلم لاوامر ربنا من غير نقاش من غير ما يشوف منطق المجتمع ايه فرق كبير جدا…….لا يستوون
اولا لازم تعرفي شيء مهم جدا جدا جدا قبل ما تعرفي ايه هو الحل……..
الدين هو عبادة الله واطاعه الاموامر وتجنب ما نهى عنه على اوامر الله مش على هواكي انتي يعني ممكن شيخ يكلم الف بنت ويختلي بيهم ويصلوا ويصوموا ويكون في غلط لكن الشيخ يبقى ف النار ليه لانه عبد ربنا على هواه هوا مش الصح ايه…….اللي انتي بتحكي فيه كان متوقع يحصل ولازم تفهمي ان الشيطان مكن يدعوا الانسان للخير ازاي يقول لولد كلم البنت دي في الدين وادعيها انها تصلي لان الشيطان عارف ان لو الحق اطلب بباطل هيبقى باطل….سيدنا ادم كل من الشجرة علشان يقرب من ربنا اكتر واكتر مش علشان يعصي ربنا لكن اكتشف انه عصى ربنا علشان اتبع هواه,,,لو اعظم شيخ بيكلمك في الدين فقط لوحدكم يبقى هو عاصي….. الامر محسوم من زمان ومش محتاج سؤال..معنى انك بتسألي انك نفسك حد يقلك انك صح علشان ترتاحي ولو بالغلط…المباديء ما بتجزاش
لست أعلم من زرع في رأسك أن على المرأة أن تعيش منفصلة عن الرجل في المجتمع !!! فالنساء شقائق الرجال !
الحب ليس محرما ، وهو أسمى ما يمكن أن يحمله الإنسان بين ضلوعه .. وما دام هذا الشاب صادق النية مخلص فعلى بركة الله ، أما قضية التزامه كرامة لك فهذا شيء إيجابي.. وشيئاً فشيئا يتطور الوعي ويتحول الولاء خالصاً لله عز وجل …
ربما ينتحر ، لا تستغربي ! فحالات الانتحار كثيرة من العشق .. لكن لا تحزني وقتها ، فلا ذنب لك ..
أنت لست صغيرة ، بل عمرك مناسب .. وعليك أن تقرري ، إن كنت فعلا تحبينه ، عليك أن تتخذي خطوة إيجابية تجاهه ، أما إذا شعرتِ بأنك لا زلت صغيرة وغير مؤهلة لمسؤولية الأسرة ، عليك أن تواجهيه بذلك .. وتصارحيه بكل مكنونات صدرك ، ولو انتحر بعدها ! فإنه مسؤول أمام ربنا عن تصرفه وإهداره لحياته بغير حق .. ولا يلومك في ذلك لائم
مدام فية بنكوا حدود فى الكلام ومش بيمسك ايدكى ولا بتشوفة بعض كتير
ونيتك ونيتة خير او تحاولى يجى البيت وتعملة خطوبة كدة علشان ترتاحى
واهم حاجة اعملى الحاجة اللى تخليكى مرتاحة من جواكى
السلام عليكم ازيك يا اختى بجد انتى كويسه لذلك اقول لكى طبقى حديث النبى من ترك شيئا لله عوضه الله خيرا منه ولا تحملى نفسك سبب انه سوف يضيع فانتى لست مسئوله عن تصرفاته وربنا يحكيكى واقول لكى انتبهى لدراستك
السلام عليكم ازيك يا اختى بجد انتى كويسه عشان فكرتى فى رضا ربنا وانا قصتى قريبه ليكى جدا رغم فرق السن بس اتبعى حيث النبى من ترك شيئا لله عوضه الله خيرا منه وكذلك اقول لكى انت غير مسئوله عنتصرفاته ابدا انتبهى لدرستك واستعينى بالله وربنا يحميكى
يا جماعة هوة اى مشكلة تقولو انتو لسة صغيرين اقروا الكلام كويس وبعدين انتو بتحرقوا كدة دم صاحب المشكلة وغير كدة حتة لو صغير كلموة بسنة مش لازم نضيقة ونقول انتو لسة صغيرين 19 و20 سنة صغيرين عن الحب اما هيقعدوا لامتة تانى
السلام عليكم ؟انا من راي انك تفضلى جانبة وتستمرى انك تقربية من ربنا وهو اكيد فعلا عمرة مايرجع الايام الماضية بس خليكى جنبة برضوة فيما يرضى الله وربنا يوفقو
بصي يا بنت الناس قصر الكلام لو بتحبيه وعايذاه يبقى تفضلي جمبه الاعمال بنيات مادام نيتكم نحيت بعض كويسه وسليمه ومعملتوش حاجه حرام أو غلط يبقى خلاص ولو على إنكوا بتتقبلوا أو بتكلموا بعض يعني فأن الله خفور رحيم
أنا مش هعمل زي أي حد تاني بيعمل ويبينلك نفسه إنه نبي إحنا مش أنبيا ولا مليكه غلط وحرام بس مادام إنت وطعه حدود وكل حاجه ماشيه صح يبقى خلاص مفيش مانع
تقريبا هو كان ملتزم علشانك
ويبدو من كلامك انك ملتزمة جدا وربنا معاكى
الحل انك تحاولى تخليه يلتزم علشان ربنا مش علشانك
ممكن تنصحى اهله او اصحابه يساعدوه يلتزم وده هيهديه ومع الوقت هيفهم
وصدقينى لما يهدى بس هيقدر اللى انتى عملتيه وهيحترمك جدااا
وبجد انتى انسانه تستحقى كل تقدير وقليل اللى زيك
وبالتوفيق
على فكرة انا صاحبة المشكلة ياجماعة انا بعدت انا بسأل ازاى دلوقت احميه من بعيد لانه فاهم ان الانتحار الحل الامثل وعلى فكرة هوا اكبر منى مش صغير زى ما الاخ قال *انتو لسه صغيرين* بس فرق سن عادى مش كبير عموما هوا دلوقت ممكن يأذى نفسه وعمل كدا فعلا بس ربنا ستر انا بسأل اساعده ازاى بس من بعيد من غير ما تكون في حرمانية وبالنسبة للخ ال قال اى حدود تجاوزه ان هوا نطق الكلمة ال هي من اربع حروف اللي فيها ح وب وانا عارفه انها لما بتتقال قبل الزواج بتأدي لمهالك عموما جزاكم الله خيرا ع ردكم وياريت تفيدوني اكتر بخبراتكم
اولا انتلازم تراجعي نفسك في بعض المفاهيم
انت قبل ماتكلميه كانت نظرتك في الاولاد انهم تافهين ومتعصبين …يعني لو ماعرفتهوش كانت نظرتك هتبقى على حالها
ثانيا
انت ماقولتيش انك بتكلميه بالشات ولا التلفون لان اكيد بتفرق وماقولتيش انت بتحبيه ولا لا وايه حدوداللي انت شايفة انه هو اتجاوزها..ماتفهمنيش غلط لان حسيت ان عندك مختلفة مفاهيم عن العرف..
ثالثا:هو انت ليه معتقدة ان هيرجع لايام اللهو بدونك لو هو التزم فعلا مش هيعمل الا لو هو واخدك كذريعة
السلام عليكم ,,
بدايتا اختى يجب ان تعى هذا الحديث جيدا : قال رسول الله صلى الله عليه وسلم فى معنى الحديث : من اسخط الله فى رضا الناس سخط الله عليه واسخط من ارضاهم , ومن اسخط الناس فى رضا الله رضي الله عنه وارضى من اسخطهم *** ضعى هذا الحديث امام عينك قبل اي شئ
التزامك هو لله وحب الله اغلى بكثير من الدنيا والعالم باجمعه
يمكنك ان تساعديه دون ان تغضبي الله , بان ياخذ خطوة رسمية تجاهك لو لم يكن هذا الشخص كويس مكنش التزم حتى لو كان بيتظاهر فقط لكنه سيتغير ويمكنك ان تدعيه الى بيئة صالحة واصدقاء خير هذا سيساعدة
لكن اياكي ان تبيعى دينك او تفرطي فيه بعرض من الدنيا او ان تعيني ابليس
ثقى فى الله وسيوفقك
يا اختى انتى وهو لسة صغيرين جداً ، يا بنتى ده مش اسمه حب لأن الحب بيكون فى الله ولغرض الزواج وبس، وصدقينى بعد الزواج حتكتشفى ان الحب والكلام ده كلام فارغ جدا وان اللى بيفضل هو المودة والرحمة وبس ، زى ما بتقولوا …كبرى دماغك وانتظرى شاب يكون متخرج وعنده شقة ووظيفة كويسة ودخل يقدر يعيشك بيه …وخلى بالك من نفسك…سلام
ليس الحل ان تدعوه الله فاهل الدعوه ومن الرجال كثير والحمد لله ولا تتركى مجال لابليس ان يلبس عليك الامر – اتركيه ولا داعى ان تفكرى فيه فما بنى على باطل فهو باطل – وان شاء الله يعوضك خيرا منه فقد قال رسولنا الكريم -صلى الله عليه وسلم – من ترك شيئا لله عوضه خيرا منه
والله الموفق