انا مقري فاتحتي والخطوبة والشبكة كمان شهرين بالكتير مش عاوزة اطول عليكو بس الخلاصة اني كنت بحبو اوي وهو من اهمالو ليا وبروده معايا ابتديت اعاتبو يااما يقولي اسف ومفيش حاجة تتغير يااما يقلب الموضوع عليا وجربت كل حاجة معاه اعاتبه او اتقل عليه او اطنش الموضوع بس ابتديت اشيل ف قلبي اوي منو وف الفترة الاخيرة مبقتش عاوزة اكلم معاه ولا في كلام اقولو وصارحتو بكدة معملش اي تغيير ولا اي حاجة المشكلة دلوقتي اني بجد مبقتش شايفاه الراجل اللي ممكن اعيش معاه باقي حياتي بس اهلي ضاغطين عليا بكرا يتغير بكرا لما يدخل الجيش هتوحشو بعض بس انا مش هستني وهو ف نفس الوقت صعبان عليا وانا كمان عارفة قد ايه هتعب اما نسيب بعض بس مش عارفة اعمل ايه وعمتي بتقولي ماهو ليه حق يعاملك كدا انتي نكدية رغم اني كنت ع طول بدحك معاه وانا اللي بكلم بس مع الوقت من معاملتو نفسي اتسدت وقلبي ع طول واجعني ودماغي مبتوقفش تفكير وعيني كلها دموع ع طول مشاعري اتغيرت وع طول مخنوقة و بعيط الوقت قليل قبل الخطوبة مش عاوزاها مش فرحانة نفسي اي حاجة تحصل تفركش الموضوع ساعدوني اعمل ايه
اختي استهدي بالله والعنى الشيطان وارجعي لخطيبك الانسان اللي اختاردون كل البنات وتقربي منه وتحملي كلها ايام ولاشهور وتتزوجوا وتعيشوافي سعادة وراحةبال واستقرار احمدي الله انو الشاب ابن حلال واهلك راضين عنه وعن اخلاقه وتربيته ومش زي الشبان الاخرين بتعوا بنات وسهرات ومخدرات وبلاوي نفورك من الشاب ومعاملتك الجافة والقاسية معه تجعله يهرب منك وممكن يفسخ الخطوبة ويطير من يدك فكري بعقلك وبلاش تهور وجنان بتاعك وعاملي خطيبك بكل الحب والمشاعروالعواطف الصادقة وقدري ظروفه وانه مقبل على الخدمةفي الجيش واشعريه بالاطمنان من ناحيتك والوفاء والاخلاص له حتى يخلص خدمة ويرجعك بالسلامة وتكتمل فرحتكم بالليلة الكبيرة ياست العرائس والله ينولكم اللي في بالكم ويوفقكم ويسعدكم في حياتكم القادمة نشاء الله