مرحبا . لو سمحتو انا بحاجة لنصيحة بخصوص مشكلتي . انا عمري 32 . من خمس سنوات اتعرفت على شب و حبينا بعض و متفاهمين و كان بدو يخطبني لكن أهله رفضو زواجنا تماما تماما بسبب اختلاف جنسياتنا مع انه اهله عايشين هون و مستقرين من سنيييين . و الشب حاول كل الطرق لاقناعهم سواء بالتفاهم او الخناق او توسيط ناس كبار بالعيلة لكن دون فائدة لحد لما زهق و سافر يشتغل برة البلد و حاولت اكتر من مرة اقطع علاقتي فيه نهائيا لكن بنرد نرجع نحكي مع بعض و بيضل عندي أمل انه ممكن نخطب .. شو بتنصحوني ؟ شو في اشي ممكن نعمله مشان نقدر نتزوج ؟ ولا ارضخ للامر الواقع و احاول انساه تماما قبل ما يفوتني قطار الزواج ؟
باختصار اتركيه ودورى على ابن بلدك دايما .. افضل لك وحفاظا على كرامتك
اختي العزيزة الظاهر انك من سورية والشاب من وين مااخبرتينا عموما دام اهله رافضين زواجكما فلازم تحطي في بالك استحالة يتم الزواج بينكما وترضي بالامرالواقع وتحفظي كرامتك وكرامة اهلك وتقطع العلاقة به نهاية وللابد ولاتظني انك ب32سنة خلاص فاتك قطار الزواج لاياعزيزتي انتي بعزشبابك والف من يتمناكي ياقمورة اضرب لك مثلا اختي كانت ترفض العرسان اللي يتقدمون لها بحجة اكمال تعليمها حتى بلغ عمرها 40سنة واعتقدنا انه فاتها قطارالزواج وصارت عانس رغم انها جميلة ومثقفة وصارت معلمة في احدى المدارس الحكومية وشاء الله ان يكرمها بالزوج الصالح تقدم لها رجل ميسورالحال ومطلق وعنده اولاد من زوجته السابقة وعلى دين وخلق وحصل النصيب وتزوجت منه وعايشة معه في قمة السعادة والهناء والاستقرار في حياتها الزوجية والحمدلله على هذا اتمنى انك تعرفي انو الزواج قسمةونصيب وماحدش ياخد الا نصيبه والله بيكرمك ويعوضك بالزوج الصالح نشاء الله في القريب العاجل