اني بنت عمري ٢٥ سنه اول مرة بلغت صار وياي شي لكن بحكم الجهل ما اعرف اخطاره المهم من كبرت ودخلت عالم النت جان دائماً يراودني سؤال شنو يعني عذراء دخلت للنت بحثت وعرف شنو معناتها لكن اثناء بحثي شفت قصة بنت صاير وياها نفس الي صار وياي وشاكه بنفسها عذراء وترفض تتزوج اني صار عندي هذا الخوف لكن ما اهتميت وكلت لنفسي عادي ما اتزوج مرت سنين على هذا الشي واني متقبله فكرة ما اتزوج ولكن حبيت شخص لحد الجنون لكن خوفي وشكي بعذريتي خلاني اتهرب منه لان ادري ما اكدر اتزوجه وبيوم من الايام قررت اتركه للابد بس ماكتله شنو السبب هو بقه مصر يعرف واني بطبعي ما اعرف اكذب وفكرت من حقه يعرف السبب وهذي كانت غلطتي اني حكيت لاخته عن خوفي على امل توكف معاي وتساعدني لكن الي صار راحت وشوهتني يم اخوها (حبيبي) هو طبعاً تركني فترة ولكن رجع وكال اذا فحصتي وكنتي سليمة وعذراء راح ابقى وياج واتحدى اختي وهذا الصار رحت للدكتوره وفحصت وطلعت عذراء ولكن اخته من عرفت انه رجعلي فضحتني كدام امه ومنعت زواجنا للابد وهسة صار تقريباً سنه واحنا تاركين بعض … اعرف انو هذا الشي كان غباء مني واني لحد هاي اللحظة مافاهمة ليش هيج صار وليش اني حجيت هذا الشي حبي اله كان صادق وهو كذلك لكن ليش صار الي صار شنو الحكمة منه تعبت واني افكر وعايشه الندم يوميه لان كنت سبب فراقنا … ملاحظة سبب شكي بعذريتي ليس كون اني مو شريفه ولكن حادث صار كنت صغيره واللعب وهو يعرف هذا الشي كلش زين وسأل عني بكل مكان والكل مدح بيه لكن اعتراض اهله واني اعذرهم بس والله تعبانه لان خسرته بسبب غبائي
