انا طالبه جامعي اتعرفت على شاب مسيحى من خلال محلات الاسواق المتنقله مع العلم انى مسلمه اخد رقم تليفونى على سبيل انه سوف يحضر لى
طلبات كنت محتاجاها ولم اجدها فى المحل وبدأ يتصل بى ويظهر حبه الشديد ليه واعجابه بيا من اول ماشفنى انا كنت فى الاول معجبه بيه فقط ولكن تحول الى حب بعد ذلك هو بيخاف عليا كتير ولكن بيطلب منى اشياء محرمه وانا بكلمه فقط فى التليفون وبيقول انه بيحبها اوى معايا وكان يكتفى بلمس ايدى فقط عندما اكون معه فى المحل بس انا مش بحب ده عشان بحس انه حرام وربنا بيزعل منى مع العلم انى عملت ده كذه مره فى التليفون بس وتركته فتره بسبب هذه الموضوع وقلتله ان من المستحيل استمرار حياتنا لان احنا مش هينفع نتجوز وانا كل يوم بتعلق بيه اكتر من الاول وكان رده ان الانسان ممكن يعيش عمره كله ومايلاقيش الحب اللى احنا بنحبه لبعض خلينا نعيش اطول فتره ممكنه من السعاده لحد انا مايجيلى العريس المناسب وتنتهى علاقتنا وتركنا بعض فتره ولكن اتقابلنا تانى وقالى انه عمره مانسينى ورجعنا لبعض تانى واتكرر نفس الموضوع ولكن انا بضعف وهو بيلح عليا كتير اوى وانا مش بحبه يزعل منى لانه عمره مازعلنى مش عارفه اعمل ايه ارجوكوه ردوا عليا
مشاكل الحب والزواج
اتعلقت بيه اكتر مع اننا مش ها ينفع نتجوز
اضيف بتاريخ: Monday, October 2nd, 2017 في 15:42
كلمات مشاكل وحلول: الجامعة, الزواج, حب, زواج, شاب, عريس
اولا- عاوز اسالك هل انت فعلا فتاة مسلمة اذا كان جوابك نعم فتاة مسلمة فلا يجوز ان تفكري في الارتباط بشاب مسيحي الموضوع مش عاوز له ايضاح او فتوى الله عزوجل حرم زواج المسلمة من المسيحي والادلة من القران الكريم والسنة الشريفة كثيرة في هذا الخصوص ثانيا- اقطع علاقتك به نهاية وللابد حتى تحافظي على دينك وشرفك وكرامتك وكرامة اهلك وسمعتهم ثالثا- لاتجعل الشيطان يفسد عليك دينك واخلاقك وتربيتك الحلال مااحله الله والحرام ماحرمه الله اصبري والتزمي بالحفاظ على دينك واداء صلاتك في وقتها وقراءة القران والصوم والتقرب من الله اكثر وسوف يرزقك الله بابن الحلال المسلم الصالح اللي تقري عيينك به وتلاقي الخيروالسعادة والاستقرار معه طوال حياتك