عمري ٢٥ و تعرفت علي زميل لي في اولي سنين الكلية لكني تفاديته و بعدت عنه تماما للتركيز فالدراسة خلال سنين الدراسة كنت اراه صدف السلام فقط حتي ظهر لي اخر سنة و صرح بحبه و تكلم عن ظروفه المادية و الاجتماعية انها اقل مني ،اول كلمة بحبك كانت منه ضعفت قدامها و اتعرفت عليه اكتر عن طريق الشات ساعدني اكون احسن فمهنتي و ساعدني اثق في نفسي اكتر و احبها و بعد سنة من معرفته و مقابلته فالكلية فقط حدد ميعاد لكي يتقدم لي كنت انتظر حلوله بفارغ الصبر حتي جاء قبلها باسبوع فقط و اعتذر قائلا ان اخته متقدم لها عريس و احتمال ترتبط لكن هذا الموضوع لم يكتمل لاحقا يومها حزنت جدا و جاء في تفكيري انه يتلاعب بي و قال انه لن يحدد ميعاد تاني حاولت ابتعد عنه لكني لا استطيع حاليا اعرفه و بكلمه اون لاين بقالي اكتر من سنتين بذاكر معاه اونلاين علي جروب مذاكرة لاننا حجزنا لامتحان سوا فلا اجد طريقه لتركه ابدا تعلقت به كثيرا و مخلصة ليه لدرجة اني لا اري احد غيره و افكر فيه طول الوقت كل ما يفتح موضوع الارتباط يقفله لاسباب تافهة حاليا طلب مني الحجاب عشان ييجي علي الرغم من تفكيري فالحجاب كخطوة انوي عليها الا اني اجد اهانة انه يشترط لكي يتقدم ليه و عندي احساس اني حتي لو اتحجبت سيجد عذرا اخر مثل الامتحان و الجيش حاليا اختيار اني اسيبه مرفوض لاني عايزة اخلص الامتحان حتي لا يفترض اني بعطله لكن من داخلي اجدني حزينة جدا من واحد فضل نقضيها شات علي انه حتي يقرا فاتحة مع اهلي حاسة بقلة تقدير و مهانة و اجد تانيب ضمير في كل كلمة بحبك بيقولها تلمس قلبي و تغضب ربي ،اعمل ايه و هتعلق كدة لغاية امتي بعد اكتر من سنتين كل يوم برتبط بوجوده في حياتي اكترو بتمني لو ربنا يعجل لي الحلال معاه
يااختي العزيزة ارى انك تضع حدا لتلك العلاقة مع الشاب زميلك وتعرفي صدق نواياه هل هو فعلا عايزيتقدم لك اما انه بيتهرب مثل عوايده كل مرة ماينفعش انك تظل تتكلمي معه من خلال الشات او عبر الموبايل كلدا مرفوض جملة وتفصيلا البنت المحترمة ابدا ماتعملش كدا ولاتسمح بهذا الوضع على نفسها او على اهلها وكرامتهم وسمعتهم انصحك بالاهتمام بدراستك ومستقبلك والتركيز فيهما جيدا وصدقيني انت بنت محترمة وكويسة والف من يتمناكي ياقمر ماتشغليش بالك به ولاتعبريه خالص وربنا بيكرمك ويؤفقك طوال حياتك