حبيت شاب غيره وانا بكلمه هل هايسامحني

رجاء عدم السخريه والغلط ولا التريقه
انا (س) 24 سنه بشتغل شغل كويس اتعرفت على واحد من خلال الشغل اسمه (ع) حبنى اوى من قبل ما يكلمنى حتى واول ما اتكلمنا طلب انو يتقدملى وفعلا اتقدم بس اهلى رفضو الزواج منه بسبب ان شغلو مش ثابت فضلنا نتكلم سوا مده فى نفس الوقت اتعرفت على ظابط شرطه غنى ومستريح الصراحه انا حبيت الظابط بس محسيتش الحب من الشخص الاولانى ارتبط بالظابط فى نفس الوقت كنت بكلم (ع) كلمت الاتنين معرفش حسيت انى خايفه ان حد فيهم يضيع منى
يعنى الاولانى كويس وكل حاجه بس مستواه المادى من نفس مستوايا والظابط مستواه عالى جدا ومستريح اوى الظابط لما اتقدملى حاولت ابعد عن (ع) وكنت عارفه انو ميعرفش ومش فاهم وحاولت ابرر انى بعدى عنه انى مش مستريحه معاه وبعد ما الظابط اتقدم والدته ماوافقتش عليا معرفش معجبتهاش ليه بس رفضتنى انا الصراحه زعلت جدا واتاثرت جامد واتجرحت لانى كنت بحبه اوى الظابط ده فى نفس الوقت كان (ع) بيحاول يكلمنى مكنتش ارد كنت اتهرب بعد موضوع الظابط ده ما باظ كلمت (ع) ومن ضيقتى وخنقتى حكيتلو كل حاجه وصارحته بكل حاجه بس المفاجأه انى لقيتو بيقول انو كان عارف كل حاجه بس كان مستنى ان يجى اليوم واصارحه بس قالى الكلام جه متاخر لانى عارف الكلام ده من بدرى اوى بعدها بيومين اتكلمنا فى التليفون اتكلم معايا عادى اللى هو (ع) الظابط خلاص اتكل على الله و (ع) اتكلم معايا عادى ولا كأن فى حاجه حاولت اشوف اذا كان زعلان ولا لا فجأه قالى انا مسامحك ومش زعلان لانى بحبك وسكت وقفل معايا على كده انا مش عارفه اكلمه تانى ولا لا لانى جرحته وظلمته وانا عارفه انى غلط جامد بس عاوزه رايكو هو فى حد ممكن يسامح بعد موقف زى ده مايحصل معاه وياترى ايه رايكو فى الموضوع ——- اسفه على الاطاله

مشاكل وحلول ذات صلة

• بحب اخو خطيبى
• اسيب حب عمرى وارضى ابويا بأى جوازة؟
• كان نفسى اتستر واجيب اولاد زى اى بنت
• اتفقنا على الزواج لكن حبنا بيقل
• انا وهو قرايب وبنحب بعض
• اخاف ابن خالي يكون بيتسلى معي ولا يريد الزواج
• بحب واحد اكبر منى ومش عارفة اقرر