انا بنت عندى 32 سنه وبكالوريوس تجاره ومن عائله الى حد ما ميسورة الحال وكلها مؤهلات عليا وبحب شخص فى نفس عمرى كان زميلى فى احدى شركات السياحه كنت بشتغل فى الحسابات وهو كان بيشتغل سائق كله تعامله مع الافواج السياحيه من عائله متوسطه ووالده واخوه بيشتغلوا فى نفس المهنه و غير انه مؤهل متوسط و اخواته واقاربه منهم مؤهلات عليا وفى المتوسط …. المهم انه وعدنى يكمل فى الجامعه المفتوحه فى جامعة القاهره وانه هايشوف شغل تانى وقابل والدتى واخويا وبعد المقابله هما رفضوا وقاله انه مش مناسب فى كل ظروفه مع مستوانا وان الجواز مش حب وبس وان الفروق اللى بينا هاتعمل مشاكل كتير بس هو مش قادر يبعد عنى بس طبعا ظروف الشغل صعبه شويه دلوقتى فى مصر … هو محترم ومتدين واهله متدينين وبيراعى ربنا فى شغله واهله وفيا ومظهره كويس وطريقة كلامه محترمه فى كل معاملته مع اى شخص لان فى ناس طبعا بتشوف ان السواقين بيئيتهم مش كويسه و انا مش عارفه افكر ولا اقرر استمر معاه ولا ابعد .. مقتنعه من جوايا انه بيحبنى وانا مافيش حد هايعاملنى زيه وفى نفس الوقت مقتنعه ان الجواز ليه حسابات تانيه وان الحب مش هو لوحد اللى بيبنى بيت وخايفه يحصل مشاكل بسبب الفرق اللى بينا
عايزك تاخذي العبرة والعظة من تلك القصة فهي حقيقة حصلت لبنت خالي كانت في سن 30سنة ومن اسرة ميسورة الحال وتعمل في احدى البنوك الخاصة في وظبفة مرموقة وكانت ترفض الزواج من شباب على مستوى عال من التعليم منهم الطبيب والمهندس وخلال فترة عملها تعرفت على شاب يعمل سائق في احدى الشركات الكبرى واعجب بها الشاب واراد الزواج منها وعندما اخبرت اهلها بالموضوع رفضوا الاهل هذا الشاب لاختلاف الفوراق الاجتماعية بينهما ومن ناحية التعليم فهواقل منهافي المستوى التعليمي والاجتماعي و لكنها اصرت على الزواج منه وتحدت اهلها حتى وافقوا ورضخوا لرغبتها وتم الزواج بينهما وبعد مرور اكثر من سنة بدات المشاكل تطفو سطح حياتهما الزوجية لم يستطع الشاب ان يوفر لها الحياة الكريمة ولا السعادة التي كانت تحلم بها معتمدا عليها في الصرف عليه وعلى البيت ومتطلباته وايقنت الفتاة انها فعلا اخطات الاختيار وان اهلها كانوا على حق عندما عارضوا زواجها منه لكن بعد فوات الاوان صارت حياتها جحيم لايطاق والادهى انها عرفت انه بيتعاطي المخدرات ويخونها مع بنات اخريات وعندما طلبت الطلاق منه والخلاص ساومها على ان تدفع له مبلغ من المال قرابة 200الف ريال س حتى يطلقها واهلها لم يرحموهالانها لم تستمع لكلامهم من الاول واصرت على الزواج فماكان منها الا ان اقترضت هذا المبلغ من البنك وبعض زملائها في العمل حتى تطلقت منه واستردت حريتها وندمت على الغلطة التي وقعت فيها ولاتزال معقدة من الزواج ومن الرجال بسب مالاقته في حياتها من ذلك الزوج وسوء اختيارها له
دعينا من العواطف والمشاعر وفكري جيدا هل تظني ان هذا الشاب هو الزوج المناسب لك وبيحقق لك كل السعادة التي تحلمي بها طوال عمرك تكوني واهمة جدا وغلطانة اوي واهلك معاهم كل الحق فيما قالوا لك الحياة مش كلها حب وعواطف فقط بل في امور اخرى اكبر من كده ولاظن ان ده الشاب المتواضع في امكانايته سوف يحقق لك الحياةوالعيش السعيد اللي تتتمنيه الفوراق الاجتماعية بينكما لها تاثير كبيرجدا على حياتكم ولن تكوني سعيدة معو طوال حياتك اسمع كلام اهلك وارفضي الزواج منه وتاكدي ان نصبيك هتلاقيه مع ابن الحلال اللي يستاهلك ويوفر لك الحياة السعيدة طوال عمرك