مشكلتي اني حبيت شاب كان من صحابي في الجامعة بس كلية تانية وابتدا الموضوع بإعجاب بيننا اخدت فترة كويسة و بعدين الإعجاب اتحول لحب و اعترفلي بحبه في بداية دخوله الجيش وارتبطتنا بس كل ما نقرب من بعض نبعد تاني خلصت فترة الجيش و قربنا أكتر من فترة الجيش دي هو انسان كويس جدا و بيخاف ربنا و متدين و دي طبعا حاجة كويسة جدا و انا واثقة فيه لأبعد الحدود لانه صريح معايا بس تدينه ده هو السبب في التذبذب اللي احنا فيه لانه شايف ان الارتباط الغير رسمي حرام و ماينفعش احنا بنقرب و بنبعد كتير اوي و كل ما بنقرب بنقرب أكتر من المرة اللي قبلها و كل ما نقرر نبعد ما بنعرفش يا إما مرة هو يضعف و نرجع تاني يا إما مرة انا اللي اضعف و نرجع تاني , ماما عارفة الموضوع و معترضه عليه لسبب اساسي و هو انه اتربى في بيئة مختلفة عننا شوية في منطقة ريفية إلى حد ما و كمان شقتنا المفروض انه عايزها تكون هناك السبب ده انا كمان معترضة عليه إلى حد كبير خصوصا موضوع الشقة ده انا عايزة ابقى قريبه من ماما و بابا او في اي مكان تاني غير هناك انا بحبه اوي و مكنش في دماغي خالص ان هيبقا فيه كلكعة كده دلوقتي احنا المفروض اننا بعاد عن بعض عشان نرضي ربنا بس بردو بنتكلم بس كل فترة و خايفة نعيد نفس الدايرة و نرجع تاني مع اني نفسي نرجع بس خلاص بقيت متأكده اننا لما هنقرب تاني من غير حاجة رسمي هنبعد تاني زي كل مرة و هو مش هينفع يتقدم دلوقتي خالص و قال لأهله على موضوعنا و موافقين عليا بس قالوله لازم تكون نفسك الأول و بعدين تتقدم والمفروض بقا يكون نفسه و مش مرتبطين انا بقا مش عارفة اعمل ايه خايفة حد يتقدملي و معرفش الاقي سبب مقنع للرفض و خايفة اتمسك بيه و استناه كتير هو بيحبني بس مش في ايده يعمل حاجة و انا بحبه و مش عارفة اعمل ايه ولا قادرة ابعد وانساه حاسة انه هيترفض لما يتقدم عشان موضوع الشقة بس مش قادرة اخد قرار في اي حاجة احنا الاتنين تايهين جدا مش عارفين ناخد اي قرار
يا ريت من الردود تكون من غير أي تجريح في حد من فضلكم
