انا بنت عمري 22 سنه مخطوبه من سنتين ومش كنت اعرفه من قبل واتقدملي و والدي كان يعرف اهله وقاريبه وقال انه انسان كويس وعارفين اهله طيبين واللي نعرفه احسن من اللي مش نعرفه ووافقت عليه لاني واثقه في اختيار والدي ولما اتقدم مش دخل دماغ ماما وقالت عليه مش حلو وشكله عيل ومش عارف ايه ومش عايزاه وبابا قال لا اللي نعرفه احسن واتخطبنا ولما عرفته لقيته انسان كويس وطيب وهو اول واحد في حياتي وحبيته وخدت عليه واعتبرته صديق وحبيب واخ ولما ابقى مضايقه اول واحد بلجأله هو وكان يخليني اضحك وانسى اللي فات واللي مشكله اللي احكهاله مشكلتي ان بعد ما اتقربتله واهلي حسوا بتقربي ليه بداوا يغيروا عليا جدا والدتي تحكم عليا اني احكيلها كل حاجه بتتقال بيني وبينه ولو عنده مشكله مع اهله احكيهالها حتى لو قالي بحبك عايزاني اقولها ولو مش قولتلها تزعل مني وتقولي انا مش كنت كده مع امي وكنت بحكلها كل حاجه مش زي خبيثة وكلام كتير مش يتقال ولو دخلت غرفتي وانا بكلمه وقفلت الباب عليا تزعل وتروح تشتكي مني لبابا وقريبي ويطلعوني غلطانه ولما اسيب الباب مفتوح عشان ارضيها تسمع كلامنا وتقولي لما قولتيله كذا قالك ايه ورد وقال ايه ولو قولتلها مش فاكره تقلب عليا وتزعل، ولما اكلم مامته تضايق وتتخانق معايا وتقولي خليها تنفعك دي اصلا مش بتعرف الواجب ولا الاصول سواء هي ولا ابوه محدش فيهم اتصل بيكي ولا مره يطمن عليكي ولا حتى في اعياد ولا مواسم بيقولولك كل سنه وانتي طيبه وانتي اللي بتطاطي ليهم بكره يخدك ليهم خدامة ويديكي بالجزمه هو واهله لازم تبقي شديه وشخصيتك قويه معاه شدي عليه يبقى خاتم في اصباعك الرجاله كلها صنف واحد كلهم مش يستهلوا بلاش الحنية اللي باديها دي وبلاش الاهتمام ده هو اللي يهتم بيكي ويجبلك كل حاجه مش كفايا بيجي ايده فاضيه مش بيجبلك حاجه معاه ولا حاجه ليكي حتى ولما يجبلك حاجه يبقى معاكي بره عشان يبقى مستفيد منها مش في حد يستفيد غيرك انتي وهو اصله بخيل واستغلالي زي امه لما بتحب تستغلنا واللي يجي منكم احل من عينكم هو تربية امه ابن امه وبيحكي لامه كل حاجه مش زيك وامه مدياله الدرس صح عامل فيها راجل عليكي وهو بيسمع كلام امه ولا بيجبولك مواسم ولا الشحن بيفكر يشحنهولك فالح بس يروح يجيب وياكل وينزه نفسه انما عليكي لا مع العلم انا خطيبي مش بيشتغل بسبب الجيش لانه في الجيش بيقضي الخدمة واذا كان مفكر نفسه عدل بالشقه فهي شقه ايجار مش تمليك يعني دول بخله وكلام كتير جدا غير انها غير كده مع اختي الكبيره اللي اتخطبت بعدي واتجوزت قبلي شوفتي جوز اختك بيشحنلها، شوفتي جوز اختك جبلها الموسم ،شوفتي جوز اختك مش بيجي ايده فاضيه شوفتي جوز اختك بيتمنالها الرضا ترضى شوفتي جوز اجتك بيعاملها ازاي قدامنا وبيدلها برستيجها ومقارنات كتير جدا تعبت منها غير دب الكلام اللي تقوله لخطيبي لما بيجي ولما اقولها نعمله عصير وكده تقولي ليه يعني شايفاه بيعرف الواجب اوي ولا بيجي وفي ايده حاجه عشان نقوم له بالواجب انتي لو طولتي تديله اكلنا هتدوله وتستخصري فينا مع ان لما جوز اختى يجي قبل ما يتجوزوا بتبقى مش عارفه تعمله ايه ولا ايه وذوقك وعصير لا عشاا لا فاكهة وانا اللي اعمله كمان عشان اختى مش تقوم وهي قاعده معاه انما انا لا اقوم واعمل واسيبه قاعد لوحده بره ده بالنسبه لماما بالنسبه لبابا غيران عليا منه مش عايزني اخرج معاه ولو خرجت معاه يحرق دمي ويهزءني لو اتأخرت غير المعامله اللي بيعاملهالوا مش حلوه خالص غير قبل كده هزئني قدامه وشتمني ويحرجني وهو شال من اهلي وكل شويه اقول هانت كلها شويه ونتجوز والامور تتحل نيجي ونا بختار العفش عملت ماما مشكله هو عايز اوضه النوم شكل وهي عايزه حاجه تانية هو يختار حاجه تقوله لالالالالا ايه القرف ده الاوضه لازم تبقى حلوه دي اوضة عروسه وانا مش قادره اختار عشان مش اصغرها قدامه والاوضهه اللي مختارها مش حلوه اتفقت انا وهو نقول ان الاوضه غاليه ومش في امكانه ونجيب اللي نختارها انا وهو قعدت تقول ده لوئم ده بيتنصح عليكي عشان يجيب اللي هو عايزها ده تاسيس امه ده بيستغل طيبتك عشان يجيب اللي على مزاجه وانتي موافقه ماشية وراه وبكره يديكي بالجزمه شايفاه نيقه اوي ولا عدل بس مش عارفه متمسكه بيه على ايه ده ولا يسوى وعماله تسمع من ناس عايزين يخربولي حياتي وقالتلي غاليه غالي\ة يجيبها ويقل من السفره والانترية ويجبها والا يجي ياخد حاجته وشبكته وكل واحد يروح لحاله ولما قالي رئي وانا اللي هعيش فيها قالتلي شوفتي رده قليل للادب لو امه مش هيرد عبها كده جابوا الالجفه ومش وروهالك مش بياخدوا رايك ما هو مالكك ما انتي سلبية ومش ليكي شخصية انتي اللي تعودية اللي تعوزيه يجبهولك ويتنفذ وكلام كتير اووووي تعبت منه وظلمته هو واهله وبدور على مشامل ومخصماني وقالتلي مش هديكي حاجه من جهازك غير نصها وخلية ينفعك هو وامه وخليكي ماشية وراه انا من راي ووجهة نظري غيرها ومش قادره تفهمها ان انا عندي ان الراجل راجل والست ست يعني كلمة الراجل اللي بتمشي والشقه انا وهو اللي نقعدفيها وبنتفق على كل حاجه فيها من غير حد يدخل ونتجوز وكل واحد متفق مع التاني الحياة مش عافية ويعني ايه لما اساعد حماتي مدام ست كبيرة وتحتاج مساعده ومش عندها بنات زيها زي ماما زي ما اساعد امي اساعدها انا صح ولا اهلي صح هو مش معاه اللي يخليه كل ما يجي يصرف اللي معاه على حاجه يجبها قبل ما يجي لانه في الجيش انا بجد تعبت ونفسيتي تعبانه والمفروض الوقت ده ابقى مبسوطه ان فرحي وتجهيز شقتي مش محسسني بكده على طوول مشاكل وهو عرف المشاكل ده لما قالتله لعلمك انا مش هاخد ايك في الصالون اللي هجيبه ولا هتيجي معانا وهو عرف باللي حصل كل ده وقالي انه شايل منهم وانه هيطلب اني اروح معاه هو ووواده وانا بشتر العفش ومش اخد حد من اهلي معايا وخصوصا ماما وماما مش عايزه تكتب الكتاب غير لما تجيب العفش كله اعمل ايييييييه ساعدوني؟؟؟؟؟؟
مش عاوزك تتاثري بكلام امك كله ده ولاتزعليش منها ابدا استحملي يابنتي واصبري طالما انك انت وخطيبك تحبوا بعضا ومتفاهمين على كل حاجة اوعي تخلي كلام امك يفسد عليك علاقتك بخطيبك وعاوزك تكون جرية معها وتقولي لها انك تحبي خطيبك ومبسوطة وسعيدة معو وكل شئ تمام واطلبي منها تقلل من كلامها عنه وبلاش تقلل من قيمته وقدره قدامك وقدام الناس الاخرين ومافيش ام ماتتمنى السعادة لابنتها بس هي تقول لك هذا الكلام علشان توعيك بس اسلوبها جاف وطريقتها في الكلام مش مزبوطة طالما ابوك راضي عن خطوبتك لهذا الشاب وموافق عليه تماما فتاكدي ان امك سوف لن تعمل حاجة لفركشت هذا الزواج وبيجي اليوم اللي ترضي فيه عن خطيبك هذا في ملحوظة هامة جدا عاوزك تخلي بالك منها وهي تخلي خطيبك يتقرب من الست امك اكثر ويعامل زي امه تماما وكلما جاكم للبيت يروح يسلم عليها ويبوس راسها اويديها ويجيب لها حاجة عليها القيمة ويقدمها كهدية لها مثلا ساعة يد فاخرة او زجاجة عطر من النوع الغالي وصدقيني امك سوف تغيير معاملتها لخطيبك للاحسن لانها من النوع من الستات اللي يموتوا في الهدايا واحد يقدم لهم شئ زي حماتي ام مراتي كانت زيها بالضبط عندما خطبت بنتها – مراتي – كانت تعاملني بنفس الشكل تماما وعمرها ماحبتني ولا تطيق رويتي وكانت تقول عني لبنتها زي الكلام اللي امك تقوله لك عن خطيبك الان وافظع من كدا ولكنني عرفت ازاي الين دماغ حماتي واخليها تحبني عرفت انها تحب الراجل اللي يدخل عليها محمل بالهدايا والاشياء اللي تحبها وكنت كلما ازورهم في البيت اجيب معي هدية معتبرة للست حماتي علشان ارضيها وخليها تحبني مرة شتريت لها ساعة يد ومرة جبت لها عباية وطرحة راس غالية الثمن ومرة اشتريت لها مجموعة عطورات فاخرة وسبحان مغير الاحوال صارت حماتي تحبني جدا وتعزني وتفرح لما تشوفني وتزعل اذا مااتصلت عليهم او ماجيت عندهم واتممنا الزواج مع خطيبتي -مراتي – وكنا اسعد زوجين في هذة الدنيا وصارت حياتنا مستقرة وسعيدة بعد الزواج حتى لو تشاجرت مع زوجتى وتخصامنا تجي حماتي وتزعق لها وتراضيني وتصالحنا على بعض وبقينا على هذا الوضع حتى يومنا هذا اتمنى انك استوعبت واستفدت من كل ماقلته لك وربنا يتمم لكم بالخير ويؤفقكم ويسعدكم في حياتكم القادمة ويصلح احوالكم جميعا