اريد ان اساعده للتخلص من اكتئابه

فى اولى جامعه حبيت واحد زميلى اكبر منى بسنتين من فتره ومقلتلوش وبعدها هوا كان بيتعامل مع واحده وانا قلت انه مرتبط بيها ودا اللى خلانى اتجنب التعامل معاه , بعد حوالى نص سنه حصل موقف ان واحده زميلتى اغمى عليها واننا كنا عاوزين نوديها المستشفى فلقيتهم نادوا للولد دا وكان هوا اللى هينقلها بالعربيه بتاعته للمستشفى فرحنا المستشفى وبعدها قرر اننا لازم نروح نوديها بيتها , ( هيا من بلد جمب البلد اللى احنا فيها ) ورحنا انا وزملتى وواحده زميلتنا كمان وواحد زميله وديناها بيتها وبعدين رجعنا انا وهوا وزميله على الكليه اخدنا حجاتنا من هناك وكنا مروحين فزميله نزل وبعدها فضلت انا وهوا , وصلنى على مشوار انا كنت رايحاه وبعدها وصلنى على البيت , واحنا فى الطريق لقيته بيقولى مالك ؟ , فانا استغربت السؤال لانى كنت طول الطريق بضحك بس انا كنت متدايقه وبضحك عشان مبينش حاجه فقلتله مالى وحكيت الحاجات اللى كانت مدايقانى , وبعد ما روحت لقيته بيتصل بيا يتطمن عليا انى وصلت , وتانى يوم رحت الكليه لقيته فى وشى صدفه , كان مستعجل فقالى هكلمك بعد ما اخلص المحاضره , وبعد ما خلصها وكلمنى انا كان عندى سيكشن ومكنتش عارفه المكان لقيته بيقولى روحى السيكشن فى المكان كذا , فأستغربت ازاى عرف وهوا مش قدى , وبعدها قالى انه عرف بالصدفه من ناس كانت معديه , وكل المواقف اللى بتحصل بيننا بتحصل صدفه وحاجات غريبه بتحصل , ولما سألته هوا جاب رقمى منين قالى انه كان واخده من فتره كبيره وقالى انه يعرف عنى حاجات انا متخيلش انه يعرفها يعنى , وبليل كلمته عشان اطمن عليه لقيت صوته متدايق قلتله مالك قالى مفيش قلتله صوتك متغير قالى عرفتى منين , وبدأ يتكلم ويقول ماله وقعدت اضحكه , وهوا كان مستغرب وبيقولى انتى طلعتيلى منين وانتى جايالى فى وقت غريب وقت انا عندى كميه مشكلات والحاجات اللى بتحصل دى غريبه ولولا انى عارفك لكنت قلت انك مرتبه كل الحاجات دى مع انها صعب انها تترتب اصلا .
والكلام جاب بعضه وقلتله انى بحبه وهوا قالى انه هوا كمان بيحبنى , تانى يوم فى الكليه اتكلمنا وقالى انه عرف بنات كتير اووى وانه عمرة ما علاقه من علاقاته ننجحت وحسيت انه عنده كميه مشاكل هوا نفسه مش عارف يحلها وانا نفسى انى اساعده فى انه يحلها بس المشكله انه مش مديلى فرصه انى اساعده , وبيحكم عليا بذنب البنات اللى عرفهم مع انه هوا نفسه كان كل شويه يقولى انى مختلفه تمام عنهم وانى عاقله بكتير , بس هوا مصمم ان العلاقه نهايتها هتبقى الفشل من قبل حتى ما يجرب , وحسيت انه فى بنت هوا لسه بيحبها لانه حاطط صورتها على الموبايل ولما جيت اساله عنها وشه قلب وانا احترمت رغبته ومردتش اعرف تفاصيل عشان مدايقوش , وقالى كلمه انه عنده مشاكل عامله زى الجرح اللى لسه متعوز واى كلمه هتبقى زى اللى بيخربش فى الجرح دا , وانا نفسى انى اساعده انه يتخلص من كل المشاكل والحاجات اللى مدايقاه دى وانه يبدأ صفحه جديده معايا ويبطل يفكر بسلبيه وبتشائم وان النهايه هتكون فشل زى كل اللى فاتوا , بالرغم من انه عرف بنات كتير بمعنى كتير الا انى واثقه فيه جدا وبحبه وواثقه انه من جواه شخص جميل جدا ونفسى اساعده انه يبدأ معايا صفحه جديده وانه يطلع من التشائم اللى هوا فيه دا بس مش عارفه اعمل ايه او اتصرف ازاى ؟ ., هوا دلوقتى بيتجنب التعامل معايا او انه يكلمنى عشان خايف انه ميحصلش نصيب وانه يخسرنى كصديقه بس انا وعدته انه مهما حصل انا هفضل جمبه وهساعده , بس هوا مش مدينى اى فرصه انى اساعده , وانا نفسى جدا انى اساعده . وكل لما اقوله كدا يقولى انا عمرى ما اتعاملت مع حد الا وكان عاوزنى عشان مصلحه عمر ما حد اتعامل معايا كدا من غير مصلحه , بس انا فعلا مش عاوزة منه اى حاجه ولا اى مصلحه كل اللى عاوزاه منه انه يدينى فرصه انى اساعده وابقى جمبه ومش عارفه اتصرف ازاى !!!!

مشاكل وحلول ذات صلة

• حبي لابن خالتي تعبنى
• بحب بنت معايا فى الكليه بس اكلمها ازاى
• كيف احب وانا لا اتحب؟
• احلام رأيتها بعد رفض اهل حبيبى ارتباطنا
• هموت من الشك في حبيبي
• حصل تجاوزات بينى وبين حبيبى
• احببته لكنه استغلني جسديا وماديا