حبيت واحد وحبنى الحقيقه مقليش انه بيحبنى غير لما قال لوالده انه عايزنى فى الأول والده رفض بسبب انه مكنش عاجبه عمل جدى من ناحية الأم مع العلم أنه كان عمل شريف ولكن بسيط ومع العلم أيضا انى أعيش الآن بين اسره ميسوره الحال المهم فى الآخر أقنعة وقال لكل اللى عنده ومع العلم أن أهله كانو على اتصال بيا فى الحياه بسبب زواج أخوه من صديقه عمرى ..المهم كله عرف حتى والدتى لكن والدى الله يرحمه المهم عرفت ماما وبقيت انا خطيبته اللى هياخدها وكله كان عارف كدة واتفقنا أننا هنعمل خطوبتنا بمجرد مايخلص جيشه. .استنيته سنه وكنت مستعده استنه اكتر واخلصتله والله وبقينا بنتعامل مع بعض على أساس أننا خلاص احنا لبعض وفجاه والده قاله مش هينفع تكمل معاها فى الأول حارب وقال لا لكن بعدين كان القرار أننا نسيب بعض خاصه بعد رفض والدتى كمان بعد موقف والده وسيبنا بعض وكانت حياتنا عباره عن تعب وعياط دايما دخلت المستشفى اكتر من مره وهو حرام برضو وبقينا نبعد ونرجع تانى لكن لما كنت بقوله يفتح الموضوع تانى كان بيتحول لإنسان تانى مابين عصبية واكتر من كده كمان ونسيب بعض …اسبوع ولا اتنين بالكتير ونرجع تانى ودايما كانت بتبقى اول مكالمه بينا بعد كل خناقة زى ماتكون هى دى الحاجه اللى رجعتنا للدنيا انا مش عارفة اعمل ايه انا جربت أبعد عنه لدرجه انى كنت هتخطب لكن مقدرتش وادى سنه تانيه عدت علينا واحنا على نفس الحال وعمرى ماكرهته بالعكس يمكن بحبه اكتر انا مش عارفة ايه الحل انا حياتى اتدمرت بقيت انسانه تانيه معندهاش طموح أى بنت بتتمنى انها تتخطب وتتجوز لكن انا بمجرد مابسمع السيره دى مابحسش بنفسى غير وانا ببكى بكاء شديد انا عارفه انه بيحبنى لسه وبشوف وبحس بغيرته عليا بس هو عايزنى اشوف نفسى حتى لو ده مش من قلبه بس لازم يقوله انا بجد محتاجه حل غير انى أبعد عنه لانى قررت بسبب تعلقى الجامد بيه انى هفضل معاه كل لحظه لحد ماشوف ايه اللى مستخبيلى انا عمرى ماتوقعت انى أواجه حاجه زى دى ولا انى ألجأ لعرض مشكلتى عالنت بس خلاص مبقتش قادره استحمل كل يوم بخسر حاجه حلوه فيا مش قادره أعيش من غير اللى بحبه وادفع تمن حاجه معملتهاش ومعشتهاش مع العلم أن جدى توفى من تلاتين سنه وفنفس الوقت مقدرش احاسبه لو عايش لانها ظروف وجد نفسه فيها وانا مؤمنه أن أى عمل شريف ميعبش صاحبه حتى لو بسيط ..أسفه عالاطاله
غالبا العاطفه تكون سبب فى انهيار احاسيس الانسان فلا يرى الا ما يريد فقط حتى لو كان الطريق ده فيه ازلال وفيه تضحيه بحاجات كتير الا ان العاطفه تتغلب على الكرامه — لاكن لو عاوزه نصيحه بجد انتى كمان لازم تثبتى لنفسك انك عندك كرامه وكبريائك يمنعك انك حد يجيب سيره جدك او اى حد من اهلك —- هو لو راجل بجد كان حافظ على الحب ده ووقف جنبك — لاكن هوا كل شويه يروح وييجى يروح وييجى وكانك لعبه فى ايدو يجيلك ويرجعلك وقت ميحب ويبعد عنك وقت ميحب وفى كل الاحوال بيلاقيكى مستنياه — انسى الحب ده شويه واقعدى مع نفسك واسئلى نفسك ليه هوا مش محسسنى انو راجل ويتحمل المسئوليه ويكون قد كلمتو ؟— اسئلى كمان نفسك وقولى ليه انا كمان ميكنليش شخصيه ؟— اسئلى نفسك لو هو اتجوز وسابنى وانا بحبو الناس هتبصلى ازاى وهيقولو عليا ايه ؟— انتى لازم تاخدى قرار جريئ جدا اول ميتصل عليكى هتواجهيه بكل شجاعه انت عاوزنى ولا لا ؟ لو قالك ايوا عاوزنى قليلو انت اكيد عارف البيت الى انت دخلتو قبل كده انا مش سلعه رخيصه عشان تسبنى اعيش العذاب لوحدى ؟ اما لو مش هتقدر تضحى عشانى يبئى اكيد طريقنا مختلف معاك شهر كامل تفكر فيه وتراجع فيه حساباتك عشان كل واحد فينا بعد كده يختار طريقو والحل فى ايدك —- اما غير كده يبئى كل الى بتعمليه ده هو الى هيدمر حياتك وهتكونى عرضه للكلام ونظرات الناس اعملى لنفسك كرامه هتلاقي اى حد بيتمنى رضاكى
انا برايي انك تخلي هذا الشي للزمن ركزي ع دراستك او شغلك او اي شي اخر وخليه للزمن وانتبهي ترتبطي بشخص اخر وانتي مازلتي تحبيه لانك بترتكبي غلط و لو في نصيب ربي بيجمعك بيه وادعي انه ربنا يقدم اللي فيه الخير لكي