أنا أحب شاب منذ 6 سنوات أتى لخطبتي لكن أهلي رفضوه رغم ذلك ظل متشبتا بي وقال أنه لن يتخلى عني وسيحاول إقناع عائلتي ومرت سنتين وفشلنا في إقناعهم ونحن نحب بعضنا بجنون ولكن تفاجأت هذه الأيام وهو يقول لي كل شيء بيننا إنتهى وأنه لم يعد يتحمل وقال لي إن أقنعتي عائلتكي أنا معك إلى أخرالعمر وإن فشلتي كل واحد منا في طريق , وعائلتي لم تقتنع برأي وأنا لاأريد أن أخسر حبيب عمري
انا شاب وعانيت من نفس المشكله بتاعته واهل حبيبتي رفضوني لاني فقير مع العلم اني مهندس ولسه بادي حياتي واحنا كنا بنحب بعض لمده 5 سنوات ووقفت جنبها وقولتلها اني عمري ما هتخلي عنها ولما اهلها رفضوني قالتلي انساني وانا كمان هنساك وابعد عني لو بتحب ليا الخير وبتحبني وافترقنا …..الشاهد اني حبيبتي طلعت كدابه وانا نصيحتي ليكي اوعي تتركي حب عمرك مهما كان الثمن
هو الاول ممكن نعرف ليه اهلك مش موفقين..؟؟؟؟؟؟
ياريت الاول تصلى كتير ادعى ربنا فى سجودك واستخيره واتكلمى مع اهلك شوف مين كتير حد م اهلك مهم بيحبه وخليه يحول يسعدك فى الكلام معهم ممكن يقتنعو حول واثنين وثلاثه زى ما هو اتمسك بيكى انت كمان اتمسكى بيه اوى بس فى الا يرضى ربنا طبعا واهلك كمان مش تعمل حاجه من وراءهم وربنا معكى
انا متفق ان هذا الحب كبير ومن الصعب ان يتركة الانسان ولاكن البنت التى احبها كانت تحب شخصا لمدة 7 سنوات وتقدم لخطبتها اكثر من مرة وفعل الذي لم يفعلة احد ولاكن بعدما عرف ان القدر لا يجمعهم ومصيرهم الفراق ذهب وارتبط بانسانة اخري وهى احبتنى والان تندم على انها احبت قبلى وترا ان ال7 سنين الذي قالت عنهم لا يساوى يوم من الذي عاشته معى قالت بانها تندم لانها احببت قبلى وعرفت شخصا غيري هذا حقا ما حدث معى المقصود من الكلام اننا مسلمين ولابد ان نأمن بالقدر فلماذا نصلي صلاة استخارة لكى يبين الله لنا الخير من الشر ولاكن عندما يفرقنا الله عن من احب لا نريد ان يكون هذا الاختيار ولاكن الله يعلم ما فى الغيوب نصيحة منى لا تعارضي اهلك لانهم ولا تتزوجى ايضا من شخص لا تحبية ولاكن هذا الشخص الذي احبتية اعتبرية ماضى جميل كان فى حياتك
وابدأي من جديد ومحدش فينا بيختار الحب كل واحد منا لما بيضيع منة حبيبة بيحس ان عمرة ما هيحب تانى ولا هيلاقى الحب وبيفكر ان لو حب مستحيل حبة يعادل الحب اللى فات منة بس والله هذا ما حدث معى هى تندم الان لانها احبت شخصا غيري وتندم لانى اعرف بأنها كانت تعرف شخصا غيري لاكنها لم تقف امام اهلها قالت بان هذا نصييب واعلمى اننا نريد والله يفعل ما يريد
لو خيرك معاه هيجيلك غصب عن الكل ولو مش معاه مش هيجيلك مهما عملتي لأنه مش نصيبك
السلام عليكم
يا حبيبتى حاولى معاهم كتير وصلى صلاة استخاره ولو فى نصيب ان شاء الله هتكونوا لبعض ولو مفيش نصيب مهما تعملى عمركوا ماهتكونوا لبعض
هو رد صعب جدا ان الواحد يعملة بس على فكرة يعنى لو اتجوزتو بعض و بعد كدا روحتو قلتو ليهم بس جواز فعلا بين شهود و كل حاجة ادام انتو بالغين سن الرشد و كل تصرفاتكم متحكمين فيها عند مأذون شرعى خلاص ممكن تتجوزو و بعد شوية تقول لاهلها انكو اتجوزتو بس دا شئ ممكن يكون صعب انكو تعملو بس على فكرة دا مفهوش حرمانية او غلط او حرام و اللة اعلى و اعلم
نصيحة منى ليكى اوعى تضيعى منك اللى انت بتحبيةلانك عمرك ما هاتكونى سعيدة واهلك مش هاينفعوكى بحاجة لو اتجوزتى حد ع مزاجهم فى كل الاحوال علاقتهم بيكى بتنتهى بعد جوزازك من اى شخص يبقى الافضل تتجوزى اللى بتحبية
انا عملت زيك بالظبط وخضعت لرايهم وفى الاخر اتجوزت حد هما موافقين عليه بس للاسف ماشفتش اى اختلاف فى حياتى يعنى لو اتخانقنا ماشلوش عنى الزعل او لو اشتكيتلهم منه نصفونى ولا اى حاجة وحقيقى ندمت ندم عمرى كله على انى وافقتهم وسمعت كلامهم لانهم مش هما اللى بيعيشوا مع حتى اللى هما بيختاروه للواحد
يبقى الافضل الواحد يتجوز اللى هو هاوزة ويتحمل اختيارهوربنا يوفقك ويسعدك يارب
طب هوة قالك كدة خلاص مفيش نصيب يا بنت الناس وهيجى الاحسن والا هتكونى معاة متقوليش مقدرش اسيبة زى المخدرات فى ناس بتقول لا مقدرش اسيب المخدرات وبتموت مش هينفع نعيش كدة وهوة يدوس على كرمتك ويقولك خلاص كل واحد فى طريق حاولى معاهم تانى وتالت ولو ليكى نصيب بعد عمر والله هتكون لبعض طب هقولك شوفى نقطة ضعفهم اية وحاولى تعملى حاجة
شوفى ياقمر انا زيك وحاسه بيكى اعرفى ان الفراق صعب اوى بس اكيد فى اسباب خلت اهلك مش توافق شوفى ايه هيا واوعى تقفى ادام اهلك علشان يوم مايحصل كده ربنا مش هيوافقك فى حياتك هوعنده حق انه يتعب لانك بتقولى سنتيين فحاولى تصبريه ونصيحه صلى كتير وبالتزام واوعى تضعفى ولوهوفعلا يستاهلك ربنا هيوافقكم واعرفى لوهوخيرليكى هتخديه ولونصيبك مهما حصل هتخديه بس انت محتاجه لربنا انه يكون معاكى وهومش بخيل وباذن الله هيحصل الخيرفسبيها على الله وربنا معاكى ياقمر
لابد ان هناك اسباب ادت الى رفضهم له لو عنك الاسباب قوليها ونساعدوكى لانى مافيش حاجه وبس وربنا يختار لكى الخير
اكيد ليهم اسباب على رفضهم
اعرفي السبب وفكري ممكن يكون كلامهم فيه مصلحتك
عزيزتى السائله موقف هذا الشاب ايجابى وصحيح ولكن المشكله عند أهلك
وكلامه واضح انه لا يستغنى عنكى ولكن بشرط أن يوافق أهلك حلى مشكلتك مع أهلك
ولا تخسرى أهلك مهما كان الأمر ولا تعاندى القدر فربما فى علم الله أنه ليس من نصيبك . تقربى الى الله بالدعاء والاستغفار والأستخاره لعل الله أن ينير لكى الطريق