حبيتها من كل قلبى بس للاسف اتخطبت

بسم الله الرحمن الرحيم
الصلاة والسلام على اشرف الخلق اجمعين سيدنا محمد النبى الامين .. اما بعد
انا شاب 19 سنه وداخل فى ال20 اهو اولا ..انا مش عارف ابدا ازاى انا عرفت بنات كتير
حبيت واتحبيت المهم انا ايه دلوققتى والله وانا ندمان كل كل ده … ومش عارف ربنا بيعاقبنى ولا ايه ؟
يا جماعه انا مشكلتى بكل بساطة …
انى حبيت .. اتعرفت على زميله ليا فى الجامعه الكلام ده فى بدايه الترم الثانى فى السنه الماضيه
المهم قعدنا نتكلم ونحكى مع بعض حوالى 7 اشهر منهم اربعه بتوع الترم الثانى وثلاثه الاجازه
المهم من غير اطاله انا بجد حبيتها وكنت بلمحلها بس مقولتهاش صريحه كده ( بحبك ) كنت بلمح
المهم انا حسيت انها تبادلنى نفس الشعور وعلاقتنا كانت كويسه جدا المهم قبل بدايه هذه السنه
فى الجامعه باسبوع واحنا بنتكلم فحصلت مشكله واختلفنا فيها المهم زعلنا ورحنا الجامعه طبعا
بعد الاسبوع واحنا متخناقين .. جت سلمت عليا .. وبعدين انا بقيت لما اشوفها مبقتش عاوز اكلمها
ومثلا وانا واقف مع زمايل ليا وهما فى نفس الوقت زمايل لها بتيجى تقف فانا بتحجج واسيبهم وامشى
فضل الموضوع ده ثلاثه اسابيع بعد بدايه الدراسة يعنى قعدنا تقريبا شهر متخناقين المهم اتصالحنا
والحمد لله بس بعد ما اتصالحنا وواقفين بنتكلم مع بعض قالتلى مش هتباركلى قولتلها مبروك بس
على ايه يا ترى قالتلى اتخطبت طبعا انا مكنتش عارف اقولها مبروك ولا اقولها عملتى ليه كده ؟؟
المهم قولتلها الف مبروك وان اشء الله تبقى تمام فى حياتك .. المهم احنا لحد انهارده اصدقاء
وبنتكلم مع بعض عادى وبنقف نتكلم فى الجامعه عادى بس طبعا ده فى حدود الزماله ..
المهم انا مش عارف اعمل ايه كل ما اشوفها .. ارجع احن لها وقلبى يبقى عاوز يقولها كل حاجة
ولما بتبعد عنى بفكر فيها ومش عارف انساها .. اعمل ايه يا جماعه لو سمحتم فى موضوعى ده ؟؟؟
والسلام عليكم ورحمة الله وبركاته …. واسف جدا ع الاطالة ..

مشاكل وحلول ذات صلة

• انا مريضة وممكن المرض يوقف بطريق حبي ليه
• لو حبيبى مجاش هل اقبل العريس التانى
• مقدرش اعيش من غيره وهو بيحاول يثبت انه مش بيحبني
• هل البنت فعلا بتحبني ولا هي مش محترمة
• الغربه بعدتني عن حبيبي
• بحب شاب اقل منى فى المستوى المادى
• لو كان فعلا بيحبنى ليه كلم البنت التانيه