حاسه بقهر وجوايا كمية حقد وكراهيه للناس

انا بنت عندي 23 سنه من بيت محافظ جدا بس قليلة الحظ كتير وحيده في كل حاجه صداقه واخوه وحياه حتي والدتي مش قريبه مني نهائي ووالدي متوفي وكان كل عمري(الله يرحم امواتنا) بحس بفراغ في حياتي هيقتلني
حبيت واحد حسيت معاه اني ملكت كل اللي ناقصني الصداقه والاخوه والابوه والامومه والحب وكل حاجه وملي حياتي عليا بس للاسف ماحصلش نصيب بسبب والدته ووالدتي والتقاليد والماديات والرسميات وكل الات اللي بتفركش اي جوازه واللي الاهل بيتعصبوا فيها وعملنا مشاكل كتير انا وهو مع اهلنا بس طبعا لا حياة لمن تنادي وكل واحد راح لطريقه خلاص حسيت اني مش عايزه غير اني اموت حسيت اني رجعت للصفر واسوء من الاول بكتير نفسيتي تعبت جدا …….. وعدت اياااام وكنا بنسال علي بعض من فتره للتانيه بس اخر مره قالي بكل قسوه اني ما اتصلش بيه تاني خالص معرفش بيكرهني فيه عشان اشوف حياتي ولا بجد وهو كدب عليا وماحبنيش وانه ماعملش حاجه مع اهله عشاني وكان بيكدب عليا وانه عمره ما ضحي عشاني الله اعلم المهم اننا مش بنتكلم خالص خلاص لان كرامتي انجرحت قبل مشاعري
عدت سنه وقدري خلاني احب تاني هو ممكن يكون مش حب ممكن تعلق او فراغ او تعود او عشان عايزه احب واتحب والقي حد كويس في الزمن ده زي اي بنت واي ولد بيخلصوا لبعض المهم حبيته والمفروض انه حبني كنا كل يوم مع بعض علي التليفون اكتر من 8 ساعات متواصله مش بنسيب بعض وسمعت منه اجمل كلام اتقال وسمعت حلفان ووعود خلتني طايره ولاول مره ابكي معاه من فرحتي بعد ما كنت ببكي من قسوة الدنيا عليا واتعلقت بيه جداااااا بقيت بحلم بيه اتنفس هواه اعيش علي امل يجمعنا بيت واحد كنت بسمعه بيكلم اصحابه بيقولهم انا بكلم خطيبتي كنت بفرح قوي انه اعتبرني كده وانه حبني كده وكلم والدتي في البيت وقالها انه بيحبني وعايز يتجوزني ومامتي قالتله اتفضل في البيت عشان هو من محافظه تانيه وجه قبل اليوم اللي اتفقنا عليه يتقدملي فيه بحوالي 5 ايام لاقيت موبايله مقفول ومش عارفه اوصله خالص حسيت اني بنهار وبتدمر لتاني مره حسيت اني المره دي هموت عشان تعبت من الصدمات وفجاه ربنا الهمني بواحد صاحبه سالته عليه شاف حالتي وبكائي الظاهر ان منظري كان يوحي بالشفقه لاي حد وبالفعل قالي بصي يابنت الناس ده واحد متجوز وعنده ولد وعشان انا خايف عليكي ومش عايز اظلمك حسيت اني مش في وعيي والدنيا بتلف بيا واغمي عليا وحسيت اني مش مصدقه كلامه بس اتاكدت من اكتر من مصدر موثوق فيه انه فعلا متجوز وعنده ولد واني مش اول واحده يعرفها علي مراته وانه متعود يلعب ببنات الناس وعرفت انه عرف اني عرفت الحقيقه بس مافرقش معاه تعبت قوووووي اتدمرت واتحولت لانسانه بارده مابقاش فيها احساس وعندها استعداد تجرح اي حد ولا بتفرق معاها حب ولا الكلام ده ولا مقتنعه اصلا ان فيه حاجه اسمها حب بمعني اصح اتعقدت من كل حاجه وبقيت بقرف من اي ولد لو حتي مش اعرف اسفه مع احترامي للولاد بس ده احساسي والحمد لله مر دلوقت شهر علي الموضوع واتحسنت كتير بس احساس البرود العاطفي اللي عندي لسه احساس الحقد لسه وكل الاحاسيس اللي توحي بالانتقام والشر لسه معرفش ازاي وصلت لكل ده بس حاسه اني كنت في سابع سما ووقعت لسابع ارض وانجرحت مرتين وانا مش قد جرح مره المهم واحد صاحبه كلمني من يوم بعد غياب شهر وبعد ماكان جرحي بدأ يهدي ويتلم اتصل بيا وقالي انه سال عليا وصدمني الصدمه الكبري انه قال لمراته انه كان يعرفني عليها وانه كان لعب ومراته بتضحك عادي وهو بيهرج علي الموضوع عادي بتريقه وقتها حسيت ان اهلي انضحك عليهم وانا انضحك عليا من واحد ولا يسوي حاجه وبعد ما كنت هديت صحيت جوايا احساس رهيب بالانتقام بس مش عارفه ازاي ارجوكم حد يساعدني سواء بطريقه لرد كرامتي وكرامة اهلي توجعه قوي لان اهلي مايعرفوش عنه حاجه غير ان واحد اتصل بماما وخلاص فانا عايزه اخد انا حقي من غير اهلي ارجوكم ساعدوني لاني وصلت لاحساس صعب حد يوصله بصعوبه بعد ما كنت هاديه بريئه طفله بقيت جوايا كمية حقد وكراهيه للناس تكفي العالم ويفيض_ ساعدوني ارجوكم اعمل ايه

مشاكل وحلول ذات صلة

• انا انعزالي غريب الاطوار تسيطر علي افكار سوداويه
• بحبه وبيحبني لكن ام وابوه رافضين العلاقة
• حبيته لكن سيبته من عدم التقدير وسوء المعاملة
• بسبب شكي و غيرتي افترقنا ورجعنا بعد خيانتي لها
• بحب اخو خطيبى
• حب من اول نظره بس مش عارف اكلمها
• رجل مسيحي وقع في حب فتاه مسلمه