مشاكل الحب الفاشل

خسرت كتير بسبب الحب

انا شاب عندى 20 عاما اعمل فى سوبر ماركت ولازلت اكمل دراستى ومن سنتين جائت فتاه لم اكن اعرفها ولاكنها شاغلتنى وتشاكل فيا لحد ما خدت رقم تلفونى واتصلت بيا وكلمنا بعض ولاكن بعد 2 مكالمه اعترفت انا بحبى لها لانى مبحبش اللف والدوران وبعد كده قعدنا على الحال ده شهرين وبعد كده حسيت ان الى احنا بنعمله ده حرام فقررت انى انفصل لانى كنت خايف من ربنا وبعديه بفتره كده حسيت انى حنيت لها واشتقتلها وكنت قاعد مع واحد صاحبى باحكيلو راح متصل بيها وخلانا رجعنا تانى لبعض بس حسيت انها بتكلمنى بطريقه مش كويسه قولت معلش استحمل يمكن بتدلع عليك علشان الى حصل واستحملت وهى ساقت فيها روحت انفجرت فيها راحت هى مهددانى وانا سمى موتى الى يهددنى وسبنا بعض وبعدها باسبوع هديت ورجعت لقيتها بتقولى للاسف انااتخطبت لحد غيرك اتمنالك حظ سعيد قولتلها يعنى ده اخر كلام قالت ايوه قولت اوكى وبعدها عشت ايام وشهور بل وسنتين فى حاله من الضغط النفسى لدرجه انى والحمد لله خسرت جزء من دراستى وهديت كل الى بنيتو ودلوقت هى بتحاول تلفت نظرى من تانى ماكدبش عليكو لسه بحبها ولاكن بسبب الحب ده انا خسرت كتييير اعمل ايه وايه الى المفروض يحصل مع العلم انها الحب الاول وانى انا من الشباب الى يخاف ربنا جدااااوخلال شهرين الى هما الفتره الى قعدناها مع بعض كان ممكن انى اعمل فيها اى شيئ هيا كانت موافقه ولاكن خوفى من ربنا وخوفى عليها هو الى خلانى ابعد مع انى دلوقت حاسس انها ندمانه بس مش عارف اعمل ايه