نسي معايا خطيبته السابقة بعدين سابني

شفته من اكتر من سنه فى فرح و عرفت انه قريبنا من بعيد وكان ساعتها فيه 3 افراح ورا بعض شفته فيهم كلهم و كان بيبصلي كتير من بعيد و يركز معايا استنيته بعدها كتير اني ييجى يخطبني او حتى يسأل عليا بس مجاش ,, بعدها بحوالى 6 شهور شفته فى فرح تانى بس المفاجأه انى لقيته خطب عنيا فضلت عمالة تدمع طول الفرح بس برضه كان عمال يبصلي من بعيد
جيت شفته فى العيد الكبير اللى فات فى فرح برضه و كان لسه لابس الدبله – و على فكره انا طووول الفتره دى منسيتهوش خالص – لاقيته واقف مع واحد انا عارفاه يقربلنا برضه رحت بعدها جبت رقمه من تليفونه و كلمته بس مارضييتش اقولله انا مين لحد ما قابلته و كانت مفاجأه انه مكنش لابس الدبله يعنى كان ساب خطيبته هو اصلا كان قاللى و انا بكلمه قبل كده بس انا مصدقتهوش بس فعلا كان سابها ,, المصيبه انه طلع ميعرفنيش و قعد يحلفلى انه اول مره يشوفنى فى حياته !!! يعنى انا اتعلقت بيه سنه بحالها و كان قلبى بيدق بسرعه جدا لما اسمع بس اسمه و كنت بفضل اصلي و ادعى انى اشوفه و هو كل ده ميعرفنيش !!!
قعد يعتذرلى و يقوللى انتى وقفتى جنبي لما سبت خطيبتى و خلتيني انشغل و ما افكرش فيها تانى خلينا نفتح صفحه جديده خالص مع بعض و انا وافقت ..
للاسف مكملناش اكتر من شهر لما اطمن انه نسي خطيبته خاالص رمانى انا كمان و مبقاش يكلمنى و لا يرد عليا لما اكلمه
هو واحشنى قوى بس جرحنى قوى ….

مشاكل وحلول ذات صلة

• انا انعزالي غريب الاطوار تسيطر علي افكار سوداويه
• بحبه وبيحبني لكن ام وابوه رافضين العلاقة
• حبيته لكن سيبته من عدم التقدير وسوء المعاملة
• بسبب شكي و غيرتي افترقنا ورجعنا بعد خيانتي لها
• بحب اخو خطيبى
• حب من اول نظره بس مش عارف اكلمها
• رجل مسيحي وقع في حب فتاه مسلمه