انا هكلم بكل صراحه وامانه وصدق والله لانى مش عارفه اعمل ايه محتاجه نصيحه كويسه بس ياريت مش عايزة قسيه فى الرد لان انا عارفه ان اللى بعمله غلط بس غصب عنى والله العظيم انا ضعفت ياريت تنصحونى برد مناسب لانى انا مش بتكلم مع حد خالص ومفيش حد قريب مني فى الدنيا دي انا بنت سنى 29 سنة معايا مؤهل عالي جدا وقد أحببت انسانا اكبر مني الي درجه كبيره ولكن لا أحد يعلم بهذا سوي الله سبحانه وتعالي بحب واحد اكبر منى ب32 سنة بحبه اوى اوى هو كان رئيسي فى الشغل هو متزوج ولديه اولاد كنت ساكتة وكاتمة مشاعرى لمدة سنتين وما صرحتش ليه بأي حاجة بالرغم انه كان بيعاملنى عادى ومش قادرة ابعد عنه انا بروح الشغل علشان اشوفه وممكن اعمل اى حاجة يقولى عليها واوقات بيكون شديد عليا بس مش بقدر اخد موقف منه او ازعل برجع واكلمه عادى ولما بيتاخر او مش بييجى ببقى قلقانة عليه جدا وبغير عليه بصراحة لما بشوفه مع اى وحدة تانية انا بحبه فعلا وكل يوم كنت بقرب منه اكترواكتر وكنت على طول زعلانة وبعيط وحزينة لانه كان حب من طرف واحد ومش قادرة اصرح له وعارفة انه مش هيكون ليه خالص فى مرة من المرات كده لاقيته بيتقرب منى وبيسالنى انتى مالك فيكى ايه انتى فى حاجة عايزة تقوليها بس ما اتكلمتش خالص وكان مصر على انى اتكلم بس مرة في مرة كان بيقرب منى وانا ما كنتش مصدقة نفسى انه ابتدى يحس بيا وبدا يقرب منى اوى لس كنت حاسة بحاجة غريبة انه بيقرب منى عشان حاجة يعنى حسيت انه عايز منى حاجة كنت حاسة بحركاته فبدأت اخاف هو حس انى خايفة منه اوى وبدا يغير معاملته معاي ويقولى ما تخافيش منى وبدا يقرب منى اوى وكان بيقولى انا عايز احسسك بالحب والحنان وانا كمان ضعفت ما قدرتش استحمل بصراحة لانه هو اللى صارحنى بحبه وقالى انا كنت عارف انك بتحبينى بس كنت ببعد وفى الاخر ما قدرش فصارحنى انا كنت اسعد واحدة بالكلام ده ومع ذلك كنت عارفة انى اكيد مش هتزوجه لانه متزوج واكيد محدش هيوافق بس صارحته بحبى وانى مش قادرة ابعد عنه ولا اقدر استغنى عنه وهو كمان بعد كده لاقيته بيكلمنى فى حاجات بصراحة تانية خالص وللاسف انا ما صدتوش انا كنت بسمع له يعنى وكنت سعيدة انه بيحبنى وبدأت اقرب منه شوية شوية وكان بيكلمنى كل شوية ويكلمنى فى كلام حب وبدا يكلم معايا فى حاجات جنسية انا ما كنتش بقدر احرجه او اقوله لا بس اوقات كنت اقفل السكة وكان يكلمنى برضه بس والله كنت دايما بقوله ان الكلام ده ما ينفعش نتكلم فيه لانه مش متجوزين وحرام انا كان كفاية عليا انه بيحبنى وكان دايما يقولى انتى مش بتحبينى انتى باردة انتى شايفانى زى بابا عشان مش حاسة بيا زى ما انا حاسس بيكى لازم تبقى عايزانى زى ما انا عايزك بس كنت بتخانق معاه وبقوله لا بس الكلام ده غلط ان احنا ازاي نتكلم فيه واحنا مش متجوزين بدات مكالماته تقل معايا بس وكنت اما بتصل بيه كان بيقفل معايا على طول لما كنت بشوفه كان بيتكلم معايا بصراحة كنت بقرب منه اكتر واكتر وبصراحة فضل يتكلم معايا ويشرح لى كل حاجة عن الجنس واحدة واحدة وكنت دايما بقوله مش هينفع كده غلط وقولتله كتير ان ده عيب وحرام بس لحد ما قالى على كل حاجة بالظبط ضعفت وكان بيقولى كل كلامى مرتبط بالجنس الحب عندى هو الجنس اهم حاجة فى حياتى فكنت بقرب منه والله غصب عنى بعد كتير اوى ضعفت ما قدرتش استحمل بعده عنى وعملت معاه حاجات مش كويسة وكان بيقولى اعمل ايه مش عارفة بدأ كلامه معايا يقل وبدأ مكالماته معايا تقل خالص مبقاش بيكلمنى زي الاول خالص بس انا كنت كل ما بعمل حاجة والله كنت بانب نفسى بعدها واقول انا مش هكلمه ومش هروح له تانى بس ما كنتش بقدر انا بحتقر نفسى اوى والله ومش عارفة اعمل ايه بس انا بحبه اوى اوى وحاسة انى مش هقدر اعيش من غيره انا مش شايفة نفسى غير معاه وبس اعمل ايه انا لو اعرف انه هيبعد عن ما كنتش عملت معاه حاجة عشان ما يبعدش عنى انا كان كفاية عليا انى افضل جنبه والله كنت دايما بسأله واقوله انت بتحبتى بجد كان دايما يقولى انا لو مش بحبك ما كنتش اكلمت معاكى فى حاجة من دى اللى بيحب حد بيحب يعمل كل حاجة معاه كان دايما يقولى احنا هنعمل حاجات خفيفة عشان انا بنت وكان دايما يقولى انتى عارفة ايه اللى انا عايزه وعارفة ايه اللى هيسعدنى بس انا ما كنتش عايزة بس انا قدامه بضعف انا والله عارفة ان اللى كل الى عملته غلط وانا بعمله ماكنتش ببقى راضيه عن نفسى خالص بس كنت برجع اضعف تانى واوقات كنت بقوله انك بتحبنى عشان حاجة تانية كنت حاسة بكده وكان دايما يقولى ما تتأزميش اوى كده ايه اللى حصل يعنى وكان فى نظرة حزن فى عينى وبعد ما كنت اعمل معاه كده كان دايما يقولى امشى عشان محدش يحس ان فى حاجة بينا لحسن حد ييجى المكتب ولا حاجة والله انا اعرف ربنا كويس جدا انا الكل بيحلف باخلاقى والله انا مش عارفة انا ازاى عملت كده انا ما حبتش حد فى حياتى غيره حبيته حب غير طبيعى وضعفت والله بس مش عارفة اعمل ايه احنا العلاقة مابين الاسرة بابا وماما يعنى منفصلين وانا مرتبطة ببابا جدا اوى بحبه اوى وهو اقرب واحد ليا بس انا مش بحكى اى حاجة لاى حد فى الدنيا دى انا حاسة انى وحيدة حتى لما بكون فى وسط اصحابي انا اول مرة احكى مشكلتى لان حياتى اتحولت لجحيم وحاسة انى بعد اللى عملته ده عايزة اموت نفسى بس خايفة من ربنا انا عارفة انى رخصت نفسى اوى وما استاهلش انى اعيش بس انا بصراحة مكسوفة من نفسى اوى ومكسوفة منه كل اما بشوفه اكيد انا فى نظره رخيصة بعد اللى عملناه مع بعض لانى لسه بحبه انا على فكرة لسة بنت الحمد لله بس ده ما يمنعش انى حقيرة ورخيصة مش كويسة انصحونى اعمل ايه انا بعدت بس مش قادرة كل الدنيا بقت سودة فى وجهي وبقيت مش عايزة حد يشوفنى وبروح الشغل بالعافية وبخرج بالعافية وحاسة انى عاملة مصيبة وباين عليا
ربي غفور رحيم ودود يقبل التوبة بشرط أن تكون خالصة وتكون توبة نصوح فيجب عليك الإبتعاد فورا عن هذا الشخص وتقطعين كل الوسائل الموصلة بينكما
تعلقي بالله وتقربي من الله سيداوي الله جراح قلبك ويشفيها واقرأي القرآن ففيه شفاء