انا وانا فى الابتدائية فى سنة 6 اعجبت بولد وتقريبا هو كمان اعجب بية وكمان انا مش اعجبت بشكلة انا اعجبت بأدبه واخلاقه وتفوقه واحترامه لنفسه ولغيره ولما كنا بننزل الفسحة كانو الولاد بيلعبو مع البنات وانا مكنتش بردا العب معاهم عشان عيييب وهو كمان كمنش بيلعب عاشان البنات الى بيلعبو وفى مرة قالى نلعب سوا قلتلو ازاى يعنى انت عايزنى العب مع الولاد قالى لالا ده انا وانتى بس قلتله على اساس ان انت مش ولد المهم فى الاخر برده لعبت معاه والمستر بتاع العربى عمل مسابقة بين صفين البنات وانا الى كسبت وعمل مسابقة بين صفين الولاد وهو الى كسب وجت المفجأة الكبرى عمل ماينى ومابينه منافسة وفى الاخر هو الى كسبنى بنص درجة وصفين الولاد قعدو يزلونى بس انا كنت فرحانه برده وفى الفسحة قالى متزعليش قلتله مش زعلانة هازعل على ايه واحنا بنتملى اتلغبط مرة وجاب تسعه ونص من عشرة وانا جبت عشرة من عشرة وبعدين المرة الجايه الحال انعكس بس هو حاول يغششنى وانا مردتش وخرجنا من لمدرسة الابتدائية هو راح مدرسة فى الشارع الى ورانا وانا كنت متابعة اخباره اول باول كان دايما يطلع الاول على مدرسته وانا كنت فرحانه اوىىى عشانة بس المشكلم فى ده كله انى مش قادرة انساه انا دلوقتى فى 2 اعدادى وبفكر فيه لسة وكمان مش عارفة هو بيفكر فية ولا لا وكمان تواريخ الميلاد بتعتنا زى بعض مش عارفة ده تسموه ايه ياريت ترده عليا وكمان لو حد عنده اقتراااااااااح يا ريت يقوله ؟؟؟؟
الحب من طرف واحد
حب من طرف واحد من الابتدائية
اضيف بتاريخ: Wednesday, March 16th, 2011 في 22:19
كلمات مشاكل وحلول: الابتدائية, البنات, الحب من طرف واحد, الحب من طرف واحد, بنات, مشاكل الحب
ممكن الي هاقولهولك ده مش منطقي بس لو انت بتحبيه بجد اتمسكي بيه حتي ولو كنت صغيرين في السن علشان لما تستغني عن حبك ليه وانا بتكلم عن الاقناع مش الكلام لو انت اقتنعت فعلا ان ده لعب اطفال ومكنش حب هتلاقي كل الي انت عملتيه ضاع ومش عارفة انتي عملتي ازاي اصلا علشان هو كان معمول علشانه اصلا اي حاجة انت عملتيها وانت بتحبيه كانت علشانه هو بس حتي دلوقتي اسالي نفسك كدة انا بذاكر ليه انا بسهر 4 او 5 ساعات علي يومي وبنام 4 ساعات ليه انتي دلوقتي لسة محدتيش حاجة لو ردك كان معرفش وانا كنت بقوم بس علشان ديه الدراسة منهج لازم يخلص فصدقيني مش هتتعبي زي متعبت كدة لو كان علي المنهج هيخلص يعني هيخلص بس انت حبيت تكون مميزة في المجال ده علشانه نصيحة مش لازما امشي في تفس طريق الناس علشان يقوله اني صح ديه حياتك مش حياه حد تاني انتي الي تقرري (ايوة انا هحبه وانا كنت متاكدة اني حبي ليه واحنا صغيرين مكنش لعب ديه مشاعر صادقة وتطورت وانا قررت ان اادي حياتي معاك رغم اي عائق اي حاجز يمنعني اوصلك هتمسك بيك مهما هيحصل الاهم اني هلاقيك جنبي في الخر) ساعتها تعرفي الحياه صح ازاي ديه حياتك انت الي تحتي القوانين انتي تحتي القواعد تقولي دايما انا دايما صح طلاما انتي شايفاه صح هو ده الحب
القصه ديه بتتكرر كتير اوى فى السن ده اسالى مجرب بس لاز م الواحد يتغلب عليها وينتبه لدراسته لانها هى اللى هترفعه وتخلى اللى مش واخد باله منه يشوفه كويس اوى ويندم على اليوم اللى بعد فيها عنه واحسن حاجه انك ماتروحيش تكلميه ابدا ده لان البنت ملهاش الا سمعتها وهو لما يشوفك مش ساله فيه هيتغاظ وهيقول انه لما عرفك عرف بنت محترمه وندمان انه ماسالش عنها صدقينى وركزى فى مستقبلك ودراستك وربنا يوفقك ويعملك اللى فيه خير
انا برضو حبيت في 6 ابتدائي والولد كمان كان بيحبني وكان لية صحابة برضو بيحبو صحابي قاموا الولاد بعتوا مع واحد صاحبهم علشان يقولنا احنا طبعا اتبسطنا وفرحنا لاننا كمان كنا بنحبهم بس انا معرفش كنت بحبة ليه هو مكانش بيطلع من الاوائل او في اي صفة تجذبني كنت بحبة وخلاص وكنا كلنا بنقعد نتكلم مع بعض ونلعب سوا كانت زكريات جميلة لحد لما روحنا الاعدادي قعدت 3 سنين مش اشوفة وبعدين قابلتة صدفة في اختبار كاراتية اصل انا بلعب كاراتية وطلع هو كمان بيلعب كاراتية بس مش اتكلمت معاة ولا هو اتكلم معايا ولا قالي ازيك حتى مع انو بصلي وعرفني اساسا انا كنت نسيتة بعد لما رحت الاعداي لاني انشغلت في المذاكرة وحاجات تانية
بص استفادي من قصتي لان اللي كنتي تعرفيهم من ابتدائي اكيد اتغيرو لما راحو الاعدادي ممكن للاوحش وممكن للاحسن وانا لو كنت رحت قولتلو ازيك كان ممكن مش يرد عليا ويحرجني فالافضل انك مش تروحي وتكلمية ممكن حد يشوفك ويطلع عليكي كلام وهو لو عاوز يشوفك هيجي لحد عندك
القصة بجد جميلة جدا وانا رأيي انك تروحي فى يوم لو قابلتيه و قوليله انك جيت على بالى وافتكرتك قلت اجى اسلم عليك
و اللى يحصل يحصل
تشوفي هل هيفرح لما يرجع يشوفك
هل هيطلب رقم تليفونك او ان انتوا تتقابلوا تانى او يجى يزوركوا فى البيت
أكيد هيتلخبط لما يشوفك و ردة فعله من المفاجأة هتبين الحقيقة انه معجب بيكى ولا لأ
و متنسيش تاخدى معاكى صحبتك او اى حد وتقولى لمامتك لااازم ومتخافيش ده شىء هيسعدها مش يزعلها
وانا بقولك ان الولد ده لسا فاكرك و هو بنسبة كبيره اوي بيحبك .
وهو ممكن يكون خايف لو سرحك بحبه.فانت ترفضي وهو كده هيحس انك ضعتي منه خالص .
انا حصلت معايا نفس المشكلة دي وانا لحد دلوقتي لسا بحبها وعمري ما نستها بقالي 8 سنيين
وانتي اهم حاجة تدعي ربنا وهو ان شاء الله هيوفقك .
صحبتى حصل معاها نفس اللى حصل معاكى بس الفرق ان هى اللى راحت مدرسة تانية و هو لسة معانا و بتطمن على اخباره منى انا و اصحابنا و فرق كمان ان هو ماكنش بيحبها كانت ذى اخته يعنى
حكايه السن واحد صدفه المهم انه بيحبك ولا لا لو مش متاكده ابعتي مع وحده صحبتك تكلمه او حولي انك تعملي اي شي بس تكلميه وبعدين لما يكلمك متقطعيش معاه لان كده بيحس انك محبتهوش بس لو علي كلامك صرحيه لو معرفتيش قولي لوحده صحبتك او جواب بس يكون هوا مبيفشيش السر
بصى ياقمر حكاية التواريخ اللى زى بعض دى سطفة بتحصل معانا كلنا وخليكى محتفظة بحبك علشان احلى احساس بنحسه واحنا صغيرين بس برده انتبهى لمذكرتك وربنا يوفقك
حاولى مرة لو شفتية سلمى علية كانكوا اخوات واسالى على دراستة وعامل اة واكيد لوبيحبك هيفرح وخدى بالك من نظرة عينة لما يشوفك ربنا معاكى هدعياك من قلبى
السلام عليكم ورحمه الله وبركاته.
الى صاحبه المشكله(كانك تحكى موضوعى…انظرى الى تعليقات اخواتك تجدى اكثرهم عندهم
نفس المشكله..اسؤالى مجرب ومش تسالى طبيب.وكل دول جربو…هتنسيه مع كبر سنك..ووعى تروحى تعبرى
على مشعرك ليه الان وقتها هتغيرى مبدئك الى انتى اتربيتى عليها..ركزى فى مذكراتك
ولو ربنا كتبه ليكى هيكون ليكى .وحفظى على نفسك.بقدر الامكان.)ربنا يوفقك
ياااااه رجعتينى 13 سنه لورا وفكرتينى بنفس حكايتى بس انا حبيته وانا فى 4 ابتدائى مش 6 _نحن نختلف عن الاخرون_هههههههه وبردو فضلت احبه لغايه 3 اعدادى بس لما لقيت مافيش منه اى رد فعل وانا خجوله بطبعى وكان مستحيل اصارحه طبعا .. تفكيرى كبر مع سنى و نسيته مع الوقت ومابقاش غير الذكرى يعنى بقيت كل مااشوفه دلوقتى افتكر نفسى وانا طفله واحس انى ببتسم لطفولتى من غير مااحس وعرفت انه كان مجرد اعجاب برئ وهو كمان اكيد كده بس طبعا بقى مجرد ذكريات طفوله بالنسبالى ومرحله طبيعيه وعدت على خير الحمد لله .انا مش هقولك انسيه ولا هقولك روحى كلميه ..لكل مشكله طبيعتها اللى بتختلف عن غيرها وانتى مش فى مشكله ابدا انتى بنوته جميله لسه قلبك اخضر وبرئ وبتعيشى اجمل فتره ممكن الانسان يعيشها ..بس صدقينى حتى لو كلمتيه وحسيتى انه مش مهتم متزعليش ابداااا انا كنت فاكره انى عمرى ماهحب غيره ومع الزمن اكتشفت العكس ..ياحبيبتى احنا جوانا قلب وكلمة قلب جايه من التقلب يعنى عدم الثبات يعنى ممكن مره تحبى ومره تكرهى ..عيشى حياتك طالما مصاحبه والدتك وبتاخدى بنصيحتها لأن محدش فى الدنيا هيحبك ولا هيخاف عليكى زييها وبردو حطى المذاكره فى اول اهتماماتك عشان مين عارف مش يمكن دى هى اللى تقربك منه فى النهايه لو فيه خير ليكى..دمتى بخير واتمنى ربنا يوفقك ويريح بالك..سلام
انا يمكن سارت معى هالقصة وهلا لما كبرت لسا حبوما نسيتووتقريبا بشوفو فى السنةمرة يمكن حب الطفولة يتحول لحب حقيقى
انتى ممكن تقوليلو او لو مش هينفع لمحيلو
شكرا اوى على الردود الى جاتلى واناهاسمع بنصحيتكو شكرا اوى يا شبابويا ريت الى عندو اقتراح معقول يقوله
الله الحب الطفولى دة جميل وعلى فكرة اطمنى هو مش بيحبك هههههههههههههههه انا بهزر معاكى ركزى فى مستقبلك وربنا هيجمعك معاة لو فى نصيب
حبيبتى ده تقدرى تقولى عليه انه حب طفولى ولما تكبرى هتعرفى ايه اللى احنا بنقوله ده طبيعى وحصل معانا بس لما تكبرى اكيد نظرتك لده ههتتغير المهم دلوقتى انك تركزى فى دراستك وبس وربنا معاكى
بصى يا حبيبتى انا اكبر منك بسنه وحصلتلى نفس المشكله بس انا كنت فى 5 ابتدائى ساعتها انا مش هقلك انسيه بس حاولى متشغليش نفسك بيه وركزى فى مستقبلك هوا دا اللى هينفعك
ربنا يهديكـــــــــــي فكري في الدراسة
الله
بجد قصة جميييييلة جدا
لو أنا مكانك كنت اروح فى يوم اقابلو و اقولو انت جيت على بالى وافتكرتك قلت اجى اسلم عليك
و اللى يحصل يحصل
تشوفلا هل فرح لما رجع شافك
هل هيطلب رقم تليفونك او ان انتو تتقابلو تانى او يجى يزوركوا فى البيت
أكيد هيتلخبط لما يشوفك و ردة فعله من المفاجأة هتبين الحقيقة انه معجب بيكى ولا لأ
و متنسيش تاخدى معاكى صحبتك او اى حد وتقولى لمامتك لااااازم ومتخافيش ده شىء يسعدها مش يزعلها
شيء جميل قوي الحب والإعجاب البريء ده ، بس يابنتي ماتتعامليش مع الحكاية دي على إنها حب حقيقي ، إلا لما تحسي انك شفتي الدنيا كويس ، لأن المرحلة اللي انتو فيها دي سرعان ما هاتتغير بعد ما تدخلوا الجامعة ، بس اتمنى الشعور الجميل قوي ده يفضل في قلبك ، أنا باقولك كدة ليه ، لأن الناس بتتغير وخايف هو يتغير بعد ما يكبر ويشوف الدنيا أوسع ، وهم الرجالة كدة ، قخايف عليكي من الصدمة ، بس احتفظي بالمشاعر البريئة دي ، لأنها نادر ما بتكون موجودة ، حاولي تشوفي مستقبلك ودراستك واشغلي نفسك بيها ، وماتفكريش في الموضوع ده كتير . ربنا يوفقك وتكوني دايمًا من المتفوقين انتي وهو .
اختى الصغيرة عايزة افهمك ان انتم لسه صغيرين يعنى دى مشاعر طفولة نصيحة منى متفكريش فيه وحاولي تفكري في دراستك وبس واهتمى بمذاكرتك وانتى لسه ادامك مشوار تعليم طويل ولسه هتدخلي الجامعة واكيد في المرحلة دى تفكيرك ومشاعرك هيتغيروا وبعدين الولد اللي كان معاكى في المدرسة دة انتى مش حبتية لا انتى اعجبتى بشخصيتة وتفوقة الدراسي والاعجاب حاجة والحب حاجة تانية لكن المهم دلوقتى فكري في دراستك وبس وربنا يوفقك