واحد زميلي من سني كان بيحبنى و اتكلمنا حوالى سنه و نص ع النت مع العلم انى فهمته اكتر من نفسي دخل كليه من كليات القمه و اللى كنت بتمنى ادخلها لكن جبت مجموعها و والدى مرضيش ادخلها بسبب السفر فهو اشتغل اثناء الدراسه و جه يتقدملى لكن والدى رفض لانه معندوش شقه و لسه بيدرس مع انه اخلاق جدا و كليته ليها مستقبل حلو اوى و ضغط على نفسه و اشتغل مع الدراسه عشان يتقدملى اتخطبت بعدها لواحد بس مرتحتش فسبته علطول و بعدها بفتره اتخطبت لواحد تانى هو كويس و بيحبنى و عايز يجبلي كل حاجه لكن اوقات كتير بنتخانق مع بعض لاسباب تافه و ساعات احس انى بحبه او احسس نفسي بكده مش عارفه.و ساعات مابقاش عايزه نتكلم و لا اقول كلمه حب. و كل ده لان ديما بيجي ف تفكيري الانسان اللى كان بيحبنى و اشتغل عشان يتقدملى.خايفه اتجوز و افضل افكر فيه و حاسه انى هبقى ندمانه اوى بعدين.كمان اى حد ممكن يسيب الخطيب بسهوله بس انا بحط ف دماغى هو هيبقى عامل ازاى لما اسيبه و كمان الحاجات اللى بتيجى ف المواسم اعمل فيها ايه.
اختي تصرفك غير اخلاقي بالمرة كيف تفكرين بالشاب بعد ما رفضه ابوك لازم تحترمي نفسك وتسمعي كلام ابوك اللي هواعرف وادرى بمصلحتك من كل الناس ويفكرفي اسعادك وايه المانع انك تقربي من خطيبك اللي تقدم ليك وفضلك على كل البنات واختارك تكوني شريكة حياته انت الان تلعبي بالنار ومش حاسة بفداحة ماتفعليه مع خطيبك الللي ممكن يتركك لو حس ان قلبك ومشاعرك وتفكيرك مع غيره وتضعي نفسك في الكثير من المشاكل والقيل والقال مع اهلك والناس من حولك استهدي بالله واتركي عنك التفكير في الشاب ده واهتمي بخطيبك وبادليه المشاعروالاحساس واقطع اي علاقة لك بذلك الشاب نهاية وللابد والله يتمم لك بالخير ويسعدك مع خطيبك وعقبال الفرحة الكبيرة اللي تتمناها كل بنت في حياتها
من رايي ابعدي عن خطيبك لانك بتوهمي نفسك بدا شيفاه حد كويس وهيدرو ع اي حاجه تبسطك والكل هيقلك خدي حد بيحبك بدل حد مبيحبكيش والكلام دا كله .. بس من رايي شايفه انك كدا هتظلميه معاكي هو بيبقى مستني منك حاجه محسوسه وانك تبادليه نفس شعوره لما يلاقي ان الحاجه دي قليله عندك هيقل الحب الي جواه مش هيفضل محدش هيقبل ع نفسه انه يحب حد والي قدامه مش مديه ربع دا الحب مش مجرد كلام وبس .. لازم تحسيه من جواكي ! مش محتاجه اوصفلك اكيد .. واقنعي اهلك مفيش اهل بيغصبو حد ع حاجه ف الزمن دا يعني ممكن ف الاول تلاقيهم مصُرين ع الموقف ولا يعني لا بس شافوكي قبلتي ببديل فمعنى كدا انك مش متمسكه بالتاني وانه كان مجرد فتره وحد عوزاه بس لما يجيلك غيره عندك استعداد توافقي . بس لو شافو اصرارك ع الي بتحبيه واصراره عليكي وقتها هيوافقو دا طبعا لو اختيارك انتي صح متختاريش حد لمجرد مظهره ومركزه ومستواه الي هيعيشك فيه او انه ف الظاهر انه محترم لازم تكوني متاكده من اختيارك دا حد هتكملي حياتك معاه الحب هيقل هيتبقى بينكو الاحترام مش هتعيشو ف حياه ورديه علطول يعني ! فلازم تختاري السند الي تحسي انه متقبلك بكل حالاتك وانتي متقبلته مش بس متقبلاه وقت الكلام الحلو !! قولي لاهلك يسالو عنه متبينيش انه بس عوزاه عشان بتحبيه ودا بس السبب الوحيد لان مش كل الاهالي هيحطو فكره الحب ف دماغهم اديهم اسباب مقنعه لتمسكك بالشخص دا ..
بصي انا هحكيلك ع حاجه ممكن تخليكي مصره عليه بعد ماتعرفيها
وحده اعرفها اهلها مكنوش راضيين غير بابن عمها وياما مش هتجوز وتعنس وعملو كل حاجه عشان تتخطب لابن عمها وهيا ف النهايه قالت طب هو مستواه كويس وزنهم خلاها انها توافق ع الحاجه دي بس هيا مش مقتنعه بيه من جواها فكلمت غيره وحبت غيره وكان عاوزها بجد وكانت بتعمل كتير مشاكل مع قريبها عشان يسيبها وقريبها دا واهلها يسحبو منها الموبايلات ولا خروج وكل حاجه عملوها عشان يضغطو عليها فضلت تحارب فيهم سنه مصره انها مش هتجوز قريبها وهتحوز الي بتحبه واتقدملها كذا مره واترفض والي هو ابوها قايلها ع جثتي اوافق وكدا ف النهايه لما شاف انه كويس وهيا فعلا مش عاوزه التاني وخلاص مصره فوافق .. الفكره انك حتى لو اتحوزتي اي حد غير اختيارك الي عيزاه هيجي يوم هتحسي ان مش دا الي كنتي عوزاه هتبتدي تدوري ع شخص تاني .. ودا سبب الطلاق غالبا بعد سنين طويله تقلك قابلت واحد وحبيته هو بعيدا عن انها خيانه للي متجوزاه بس الغلط عليكي برضه ف انك مختارتيش حد مالي عينك مخليكي مش عاوزه غيره .. اختاري صح وان شاء الله ربنا هيكتبلك الي فيه الخير ❤️