مش عايزه اتعلق بحد غير بعد خطوبة

الجامعة بتاعتى ف محافظة وانا ف محافظة تانية واول مرة نزلت البلد اتفجأت بانى وصلت قبل ما الشمس تطلع الدنيا شتاء شتاء يعنى وساعتها محدش كان مستنينى م اهلى وده كان سبب انى اركب قطر المفروض يوصلنى الصبح لكن وبكل احترام لقيت واحد بيقولى انا هستنى معاكى هنا وكلم ماما وقالها تسمحيلى استنى معاها و متخفيش عليها هى هنا مع اخوها وفعلا مرت تقريبا ساعتين واحنا ع المحطه وبسبب البرد قررت اروح عند بيت صحبتى اللى كان قريب م المحطة ولحد ما وصلنى لبيت حد م صحابى هناك ومشى وكان بالنسبالى كده “ذهب مع الريح” لا اعرف اسمه ولا حتى شكله ولا اى حاجة عنه وهو كذلك, انبهرت باخلاقة معقول ف حد كده فى الدنيا ياه ده حتى مقليش ادى رقمى ولو كنتى محتاجة حاجة والكلام اللى بنسمعه ديما موقف كان فعلا يستحق انه يحترم وتترسمله صورة جميلة ف خيالى ومكنتش اتخيل ابدا انى ممكن اشوفه او اكلمه تانى زى ما قلت “ذهب مع الريح” ومرت الايام والشهور لحد ما واحده صحبتى بتقولى حد بيسال عليكى ع الفيس سالتها مين فعرت انه هو وكلمته اتكلمنا عادى ع ذكريات المحطة وبعدين قولتله مش هينفع نتكلم تانى قالى انا عارف بس حبيت اقولك حاجة “انا معجب بيكى ولو مخطوبة ياريت اعرف” قلت له لا مش مخطوبة وقال متعمليش بلوك علشان لو ف نصيب اوصلك ودى كانت اخر الرسايل اللى دارت بينا,بعديها بفتره لقيته باعت رساله بتقول انه خلص كليه وجيش وبيدور ع شغل ومردش ع الرساله دى بس هو حب يعرفنى وبعدها بشهر لقيته باعت رساله بيطمنه عنه وبرده قال مش لازم ارد.
مش عارفة اعمل ايه ؟ هو مش غلط اللى بيعمله ده!! يعنى انه يعلقنى بيه كده ولا ايه ؟!! واحده قالتلى اعمليله بلوك بس انا رفضت بس قولت لو بعت رسايل تانيه هقوله ميبعتش تانى انا غلطانه ف حكمى ده ولا؟؟ اعمله بلوك وخصوصا فعلا انى رسايله ابتدت تاثر ع مشاعرى ساعدونى!!!

مشاكل وحلول ذات صلة

• فتاة عاشقه شاب متدين
• هل لدي أمل مع إبنة خاتي
• بحب اخو خطيبى
• كنت هاتجوز واهلي رافضين وانا نفسيتي صفر
• اهلي رافضين جوازنا وانا مش قادرة احب غيره
• بحب شاب اقل منى فى المستوى المادى
• اسيب حب عمرى وارضى ابويا بأى جوازة؟