حكايتي اني بصلي وملتزمة جدا في صلاتي واستغفاري وبحب ربنا أكتر من اي شي تاني دخل في حياتي شاب اتعلقت فيه وحبيته يمكن لانو او مرة احس بالاهتمام والحب واحس بأنوثتي وبرأتي هاد الشخص كتير حبيته وهوا ذات الشي كمان حبني وكتير كمان من لما اتعرفت فيه وهوا بيعرف انا شو كنت دائما احكيلة بصلي وبقرأ قرآن مشان مابفكر لمجرد التفكير انو يلعب فيا وان يعرف هوا مين حب حب بنت محترمة وعفيفة وبتفضل رضا ربها ئبل كل شي وهوا كان معايه علي هاد الاساس حبني لاحترامي لنفسي لصلاتي لطيبتي وعفويتي وحبني لانو لو لف الدنيا كلها مارح يلائي متلي يحبه ويصونه ويخاف عليه ويحترمه المهم صرلي شهرين معه وكنت بكل مره يحاكيني فيها كنت اجيبله سيرة انو نفسي اعيش معاه وكون زوجته وام اولاده واو نفسي ارتبط فيه اليوم ئبل بكرا وهوا كان ذات الشي يحكيلي عن انو نفسه كون زوجته وام اولاده وانو نفسوا يكون ئريب مني بس انو شويه ظروفه مش مساعداه ولاني بحبه وئفت معه وئولتله مارح اتخلي عنك وبكون مش بنت اصل لو ما وئفت معك كمان كم شهر المهم كنت دايما جيبله سيرة الارتباط مره شي شهرين ونص وبعدين حبنا اطور وصار يحكيلي نفسي فيكي وانتي مرتي وزوجتي ومابتخلي عنك نفسي احضنك وابوسك واشمك واضمك وكلام في الجنس بس في بدايته طبعا هاد الحكبي ع التلفون انا بالبدايه ادايئت وازعلت انو بيعرفني انا مين ليش حكي معي هيك وتركته فتره يومين مشان يراجع نفسه كان يتصل فيه ماكنت ارد وكان يبعتلي مسجات اعتذار بس مائدرت ما ارد عليه لاني بحبه ومابتخيل كون لحدا غير انا ئولت ببعد لحتي يفهم غلطه بس يوم عن يوم رومانسيتنا وحكينا وحبنا كان عم يطور ويوصل للكلام هداك انا بطبعي خجوله وكان لما يحكي معي في هيك مواضيع كنت بحس اني اني بمسك في حالي مشان ما اكون في عالم اللاوعي معه بس مائدرت ظل ماسكه حالي وانجرفت معه في الحكي وهوا كان يعلمني شو احكي وشو اعمل وكنت لما بنععمل هاد الشي كان استغفر ربنا وادعي انو مايحرمني ومنه والح في دعائي انو ربنا يسامحني لانو بعمل شي غلط انا كنت هيك احس وكنت بدعي ربي لاتملني بما لا أملك انو مش بايدي بحبه وكنت حبيبي احكيله ما بدي اغضب ربنا افهمني كان يفهمني وكان كتير يوئف جمبي بس بنلائي حالنا هيك من غير شي بندخل علي هاي المواضيع تلقائيا كنت بحس انو صلاتي مش مئبولة وكنت بحس بالزنب … اجاني عريس وكانوا اهلي موافئين كتير لانو فيه كل المواصفات انا حكيت لحبيبي هوا ادايئ كتير وحكتلوا انت بدك اياني ولا لأ انا بابا رح يزوجني اعمل شي المهم هوا لسه ماكن جاهز ومامعه غير ألف دينار وانا زنئته وحكتله دبر حالك انا رح من ايدك وكون لحدا غيرك وكنت ابكي وانا بحكي معه وانا كمان كان يحكيليي خلص لاتبكي ولك بحبك وانشالله بنكون لبعض المهم هوا حكي لاهله انو في بنت بحبها وبدي اياها وساعدوني امه بدها ئريبه بس هوا حاول مع امه لحتي تيجي تتئدملي واجت وامه كان جامده وحسيتها انها جايه علي عينها لحتي تتئدملي لابنها انا ادايئت بس ئولت كل شي بهون كرمال حبنا المهم مره تانيه اجي هوا واهلوا اتئدمولي وئعدوا مع بابا وهيك وصار خلاف في ئصه المهر وابوه لحبيبي بخيل بدو 3000 وابويا بدو 4000 لاني جامعيه المهم تركونا نفكر وهيك روحوا من عنا اتصلت في حبيبي مارد عليا وتركني اتصل فيه تئريبا اسبوعين وفي هالمده يوم عن كنت بموت لانو كنت بتصل فيه بدي اعرف شو صار شو حكولوا اهله شو بده اياني ولا لأ تركني اتوجع وأتألم شي شهر ماكنت اطلع من البيت حزينة علي حبي الي ماكتمل بالفرحه والنهايه السعيده وبعدين حاولت اتماشي في حياتي واروح جامعتي وهيك وكان لما يشوفني بالطريئ وانا اشوفه ألائيه بتصل فيا كنت احكي يالله تركني بموت في بعده وخزلني ليش بتصل لاكن رديت عليه وحسسته اني ئوية وانو ما انكسرت لساتني ئادرة وئف علي رجليا وحكالي انو بيحبني وانو بيدعيلي بالخير وانو الظروف والاقدار هيا الي منعتنا من انو نكون لبعض كنت بحس في صوته الوجع وهوا كمان كان بيحس نفس الشي في صوتي التنهيده والضيق والوجع وكان يحكيلي انت احلا شي صار في حياتي وانتي بتستاهلي كل خير وبتستاهلي احسن مني حكتله ليش شو سبب بعدك عني انت اذيتني وجرحتني وظلمتني احكيلي ليش عملت هيك لانو حبيتك هوا ما رد عليا كان متحفظ وحكالي ظروفي كانت اقوي مني ومنك اهلي ما وئفوا معي وكانوا حيزلوني عشان الفلوس الي رح يكملوا فيها مهري وانا بوئتها لو خطبتك كان كرهتك لانهم كانوا مدايئين عليا … انا اتفهمته وحسيت فيه وحكالي سامحيني انا ظلمتك بس انتي الي ضغطتي عليا لو ما اجاكي العريس ظلينا مع بعض لحد ما اجهز المهر واجي اتقدملك ووقف قدامهم كلهم واحكي انا بدي اياها انا رجعتله لاني بحبه وهوا كمان رجعلي وحكالي اعطيني وقت لحتي اجهز لانو انا بدي اياكي انتي مابدي حدا غيرك لو بدي كان اتزوجت الي كانوا رح يجوزوني اياهم بس انا بالي معك لانو ما نسيتك وبحبك هلأ رجعنا لبعض وكانوا ما في شي مر في حياتنا صعب لانو بدنا ننسي لحتي ربنا يوفئنا مع بعض لما بحكيلي بحبك بحكيله وانا كمان بحكيلي وين حرارتك وانتي بتحكيها وين لهفتك وكان لوعتك ارجعي متل ماعرفتك حكتلوا انا متل ما انا ماتغيرت بس انو احكي في الجنس مستحيل مابدي ربنا يغضب عليا ربنا وئف معي بكل شي حكاليولك انا بحبك وانتي مرتي وبدي اياكي ومابدي بهالدنيا غيرك حكتله لأ هاد في البدايه بس بعدين بديت احس انو بس صار يحكيلي ليش هيك صايره معي ارجعي متل ماكنتي ورجعي حبنا بكل شي من كلام وحب احساس وشوق وهمس وحنان وغرام وعشق وهيام والحكي هاد والا انت مابتحبيني حكتله والله بحبك بس بحب ربنا اكتر بدي ربنا يوفئني معك انا واثقه انو بحبني وكتير كمان بس مابدي رجع هالشغله في حياتي من تاني حسيت انو يوم عن يوم بيزعل مني كل لما اصده واحكيلي مابتوسني عالتلفون لانو البوسه بتجيب الحكي الجنسي بس صرت احس اني بمسك كتير حالي عنو وهوا نفس الشي بيلومني اليوم لحتي حكيت مع في الجنس بس ما كنت حاسه معه بشي لاني ماسكه حالي وكنت بعيط وبستغفر وبحكي لربنا سامحني يارب انا توبت وهلأ رجعت لزنبي اغفرلي يارب انا بحبه ومش عارفه كيف امنعه من هاي القصه لاني مابدي اتعب وخايفه افكر اتركه وانا مش عارفه لوين رح وصل معه في حبنا مابعرف اذا النصيب هاد المرة بكون في صفنا ولا لأ بس الي بدي وضحوا بحياته ماحكالي بدي اقابلك في مكان ولابدي اشوفك في مطعم او مكان خالي لانو بيخاف عليا كان يحكيلي بكفي اني اشوفك بالشارع مع امك مع اهلك بكفيني هاد الشي ارجوووكم ساعدوني شو ااعمل ؟؟؟؟؟
انا اراك علي حافة الهاوية نعم علي حافة الهاوية وما بعيد تسقطي في الهاوية واخشي من تاريخكم ما يكون زوجك بل يتركك وعندها لا ينفع الندم ثم منين خوف الله واستغفار وتخدعين نفسك كما نري الحل ؟؟ لا كلام ولا سلام ولا كلام بالجنس ولا قريب العيب الا بعد الزواج ؟؟ لو فيه زواج وتاريخكم ينذر بهذا
شوف يااختي باين انك اردنية اهلا بك وبالبلد اللي انت منها عزيزتي كل الكلام اللي حكيته عنك يؤكد انك بنت محترمة جدا وعلى دين وخلق وتربية فاضلة ومن عيلة محترمة واصيلة وصدقينى لوكان هذا الشاب فعلايحبك عنجد وصادق في نواياه ويرغب في الارتباط بك لاقنع اهله بان يوافقوا على المهراللي طلبه ابوك 4000 الف دينار ولااستخسرها فيك انت تستاهل اكثر من هيك يازينة الصبايا لكنه شخص مسلوب الارادة امام اهله ومش قادر يحافظ عليك ولاعمره بيحافظ عليك يريد يقضيها معك كيف مايشاء لايريد ان يعمل شيئا لاجل الارتباط بك انت غلطانة لمارجعت تكلميه من ثاني كان المفروض تقطع علاقتك به نهاية وللابد وتقوليله يابن الناس الزواج قسمة ونصيب ومالك نصيب معي حل عني بالذوق وكل منا يروح لحال سبيله والا قسما بالله العظيم مايحصلك طيب بقول لااهلك كل شي انك تلاحقني وماتتركني بحالي خلاص كل شي بيننا انتهى وصدقينى لوعندو ذرة من الرجولة والكرامة بعدما يسمع هالحكي منك لن يعترض طريقك وسوف ينهى تلك العلاقة من نفسه ويتركك بحالك وانت خليك قوية وحازمة معه ضعي حدا له لاجل تصوني كرامة وكرامة اهلك وسمعتهم والف من يتمناكي الشباب ماعدموا من الدنيا فيه اولاد الحلال كثار وربنا بيرزقك بابن الحلال اللي يستاهلك ويقدرمشاعرك ويصونها ويسعدك طوال حياتك هتلاقي احسن منو مليون مرة وحرام تضيع عمرك على واحد مايستاهل ابدا
انت بتغضب ربنا والي بتعمليه ده من مقدمات الزنا،،بعت نفسك برخيص،،هو كل غرضه الجنس،،وعمره ماحيتجوزك،،مش خيتجوز الاالي عزت نفسها عن الحرام حتى لو كان هو يرتكبه،،اتق الله واقطع ملامك معه فورا،،الشخص ده لن يتزوجك،،والذنوب تمحق النعم