بعد كتب الكتاب عرفت انه بيحب بنت تانية

انا عمرى 24 سنه وحبيت واحد قريبى وانا ف الجامعه 4سنين وكنت بحبه جدا ومحصلش نصيب مابينا واتخطبت لواحد سنتين واختلفنا وفركشت الخطوبه ودلوقتى اتخطبت تانى وان شاء الله فرحى الشهر ده واختلفنا اختلاف جامد بعد كتب الكتاب واكتشفت حجات كتيره بجد صعبه اكتشفت انه بيحب واحده تانيه وبيفكر فيها وهى متزوجه واختلافات مابينا ف كل حاجه لدرجة انى مش قادره اتحمل وبجد انا حبيتوه وبتمنى فرحتى تكمل بس مش عارفه ليه بعد ماعقدنا القران بدا يهينى ويقلل منى ومن شانى وبجد تعبت فرحتى مش بتكمل ومفيش مابينا اى تفاهم مع ذلك انا بتحمل وانا بتقى الله فيه عشان ربنا يكرمنى بس انا حساه سلبى ف كل حاجه اتحول خالص ف طريقته بق يشتمنى من غير سبب ويطلب منى مااكلمهوش وبدا ينقدنى حتى ف الحجات اللى كان شايفها مميزات زى تعليمى وشغلى وحبى ليه ووقفتى جمبه ف اى حاجه بدا يقوللى كل ده عادى وبدا يفكر ف اللى كان بيحبها واتجوزت ع الرغم انه مكنش كده خالص معايا وعايز ياجل الفرح وانا الحمد لله بتقى الله ف كل تصرفاتى معاه وبحترمه ف وجوده وف غيابه ومع ذلك بيحاول يتلككلى لحد ماخلانى انسى طعم السعاده انا تعبت اووى من حياتى وانا الحمد لله ربنا كرمنى بثقه ف نفسى وف شكلى وف كل حاجه ربنا ادهالى حلوه الحمد لله بس مش مبسوطه من حياتى مفيش فرحه بتكمل عندى اعمل ايه وفرحى عايز ياجلوه كتير بعد ماكان الشهر ده

مشاكل وحلول ذات صلة

• بحب اخو خطيبى
• اسيب حب عمرى وارضى ابويا بأى جوازة؟
• كان نفسى اتستر واجيب اولاد زى اى بنت
• اتفقنا على الزواج لكن حبنا بيقل
• انا وهو قرايب وبنحب بعض
• اخاف ابن خالي يكون بيتسلى معي ولا يريد الزواج
• بحب واحد اكبر منى ومش عارفة اقرر