هل خطيبي ها يفضل فاكر علاقته بحبيبته السابقة

انا ليا زميل كان خاطب واحده وكان بيحبها اوي كانت معاه في الشغل قبل ما انا اشتغل معاهم ولما اشتغلت اتعرفت عليهم هما الاتنين بس بعدين حصل مشاكل ما بينهم واتفسخت الخطوبه والبنت دي اتجوزت حد تاني وسابت الشغل وهو كان دايما بيتكلم معايا ويقرب مني وبعد سنتين اعترفلي انه بيحبني وانه نسي البنت التانيه خالص خالص ومعدتش يحبها وانا متاكده من كده وخطبتني ودلوقتي احنا مخطوبين والفرح بعد كام شهر انا كنت مبكلمش ولاد نهائي خالص وماليش في الجو ده بس انا كان عندي فضول اعرف علاقته بخطيبته القديمه كانت عمله ازاي هو قالي انو حضنها وبسها وانا طبعا ادايقت جدا لان مكنتش حابه ارتبط في واحد باس او حضن واحده قبل مني انا عاوزة اعرف هو ممكن ينسى البوسة والحضن دول او يحذفهم من حياته كانهم محصلوش طالما بيحبني اوي ونسيها خالص ولا هيفضلو معلمين معاه طول عمره كذكره حصلت في حياته ؟ حتى لو نسيها خالص واكتشف انه مكنش بيحبها وانا الي بيحبني بجد ؟ يعني سوال هو الراجل ممكن ينسى حاجه زي دي عملها مع حد في الماضي ونسيه ودلوقتي عايش الحب الي مبسوط فيه وحاسس انو بيحبني اوي اصل الموضوع ده هيجنني وانا مش عيزاه يفتكر حاجه في حياته حسها غير معايا انا وبس

مشاكل وحلول ذات صلة

• اعلم انى شاذه بما لا يخالف شرع الله
• خنت خطيبى مع اللى كان حبيبى
• خنت خطيبي مع جاري وحاسة اني ظلمته
• خايفه اتسرع في الجواز او اطول بالخطوبة
• امي ها تقاطع اختها بسببي واهل خطيبي بيطفشوني
• خطيبي متسلط اسلوبه بيخنقني
• خطيبي بعد ما حبيته بدأ يستقل بيا