تعرفت على رجل متزوج خلال العمل وتشاركنا فى مشروع منذ اكثر من سنة والمشروع نمى بشكل غير متوقع بسبب تفاهمنا والاحترام المتبادل والتكامل فى التفكير وهو صرح بمشاعره تجاهى وهو متزوج ويشكر فى زوجته وانه تزوجها لدينها وانها تفعل ما يريد ولكن لا يشعر بالتفاهم معها ياخذ رايى فى موضوعات لا يفتح معها الموضوع اصلا عمره ما غلط فيها و هو كويس وهى كويسه بس مفيش اندماج بينهم ولا سعادة حياه عادية ليس لها طعم انا اكيد سالته عايز تتجوز عليها ليه؟ يريد الارتباط بى انا متعلقة بيه جدا جدا نفس الاتجاهات هو ده فارس احلامى انا ربنا يعلم انى عمرى ماحاولت افرق بينهم بلعكس دايما اقوله جيبلها هدية ومش بعيد تكون على زوقى انا صغيرة فى السن تحت ال 24 وبيتقدملى ناس كتير مش عايزة غيره هو سبب تقربى لربنا وسبب لبسى للنقاب وغير كتير منى للافضل مثل الاغانى والبرفان, مش عارفة قرار الزوجة الثانية ده هيبقى صح ولا لا انى ابقى زوجة تانية انا عارفة انه مش عيب ولا حرام انا بتكلم على نقطة الغيرة وشكل الحياة عموما خايفة من المشاكل وخايفة على مشاعر مراته بس مش هقدر استغنى عنه وهو عايز يرتبط بيا فى الحلال عشان ماتبقاش خيانة لمراته ومايرتكبش معاصى لو سمحتم افيدونى شكرا
مشاكل الحب والزواج
احب رجل متزوج ومترددة اكون الزوجة الثانية
اضيف بتاريخ: Tuesday, December 28th, 2010 في 04:01
كلمات مشاكل وحلول: الزوجة, الزوجة الثانية, النقاب, زوجة, متزوج, مشاكل الحب, مشاكل الحب والزواج, مشروع
انهن يفسدن ما احل الله عليهن اللعنة
الله يلعنكن بتخالفو الشرع والامر الرباني تزوحي اهتي الله يسعدم ومن يضمن ان الاعزب لن يكرر يا جاهلا
يا غاليةيا اختى انا اعانى من نفس المشكله مع العلم انى اكبر منه ب7سنين ايضا الايجابات التى جاءتك جيدة لكن لم احس ان فيها الحل ,,,,,,,,,,,,,اسال الله ان يصلح لنا الحال
لو كنا فى طاعةربنا ما كنا وصلنا الى هنا
ما كنا حبينا اصلا الا فى الحلال
يعنى حب بعد الزواج
حينها سيكون الاختيار صح حسب الضوابط الشرعية حتى و ان كنت زوجة ثانية
أكيد يكون الاوضع خير
لاكن اتهبلنا وحبينا والى كان كان
النسيان صعب الفراق اصعب و الوضع صعب و أخد القرار اصعب
اختي اوصيك عن تجربة ابتعدي عن المتزوج فانا احببت شخص متزوج خمس سنوات وكان يموت فيه وانا لدرجة اصبحنا لانستغني عن بعضنا وكان يخاف علي ويوصيني لدرجة اصبحنامتل عنترة وعبلة اكبر قصة حب كان يوعدني سوف يعيشني متل الملكة وخطبني وتزوجنا ويا لصصصدمة اكبر صدمة رجع لاولي وتركني انا ويعايرني انت حبتيني ولا كان كان في بيناتنا اي حب وفي الاخر طلقني بلاسبب وقال سامحيني وانا الان اتعالج عند طبيب نفساني من الصدمة وتخلي عن كل شيء علما بانني اخصائية اجتماعية وعمري27(حسبي الله ونعم الوكيل)
امدام يقدر يعدل بينكم توكلوا على الله.والاصل في الزواج التعدد. والله سبحانه وتعالي اباح هذا الشي لانه اعلم به مننا_فلنتوكل على الله
لا تبني سعادتك على تعاسة الناس يا اختي انتي فكرتي اد ايه هتجرحي الست دي حرام ! اوعي تغلطي انتي لسا في عز شبابك اكيد هتجيلك فرص كتير افضل من رجل متزوج وعندو اسرة اختي الكريمة ليه تدخل بمتاهات وانتي بعز شبابك والمستقبل امامك ؟ اتمنى لك التوفيق والستر ورعاية الله وامنه
ماتكونيش السبب في خراب البيت مهما إن كانت زوجته هي ست ضعيفة مكسورة ليس له حول ولا قوة ومش ذنبها تيجي انتي تاخدي زوجها منها وتكسري قلبها وتجرحيها كده وخلي بالك داين تدان..
اولا هو لازم يقول اى كلام على زوجته وبعد كده هيتضح العكس واول ضحيه هتكون انتى اوعى ابد تكونى زوجه تانيه اوعىانا بندم اشد ندم انى وفقت انى اكون زوجه تانيه مع انى كتير نصحونى وقالو مش هترتحى بس حبى ليه كان مش مخلينى شايفه الصح من الغلط انتى صغيره وربنا هبعتلك الاحسن منه احسنى الاختيار علشان تنعيشى مرتاحه استحلفك بالله اوووووعى تغلطى غلطتى وربنا يسعدك وينور بصيرتك اختك فى الله ام نورهان
لاالا تتزوجي رجل متزوج مهما كان الحب بينكما فهذا حب ليس حقيقي اغلبه رغبه
تزوجت حبيبي رغم معارضه العقل و هو متزوج و بعد خمس سنين زواج كنت اراه فيهم مره كل شهر مثلا وبعد ان انجبت منه طفل دخل المدرسه الان و يعتقد انه ليس له اب
جاء لي زوجي الحبيبي انه اكتشف اننا اصدقاء و لم يكن لنا لنتزوج و ان حبنا العظيم الذي ضحيت انا في سبيله بكل شيء الصداقه افضل منه ….صداقه تمنيت لو انني وافقته علي الطلاق و طردته تماما من حياتي هذا الانسان الظالم ….لكني فكرت في ابني و ابتسمت لزوجي الذي يريد ان يكون صديقي
الاهم استخيري ربك وربك احن من العباد عليكي ثانيا كلمي اهلك وشوفي ايه رايهم ثالثا انتي لو مقتنعه انك مش هتاثري علي بيته يبقه توكلي علي الله بس من راي انه ياخد راي مراته ويشوف رد فعلها ايه
يا اختى اولا نتكلم من ناحيه الشرع هو ليس حرام ان تتزوجى من رجل متزوج ثانيا تعالى نتكلم فى الواقع انا اتفق مع ابو البنات لما هو عقله كده ليه مبيحاولش يقرب من مراته ويغير فيها هيا بدل ما بيقرب منك انت وبعدين صدقينى لو على كلامك انه بيحبك ومتفاهم معاكى يعنى عمره ما حيعدل بينك وبنها انتى ترضى بكدهوترضى انك تهدى اسره وبعدين ايه ضمنك ما يمكن بعد كده يتجوز عليكى انتى كمان ويقول اصلى مش متفاهم معاكى وبعدين فكرى فى نفسك وفى حياتك ابداى حياتك صح حياه فيها استقلاليه مش حياه مشتركهمع واحد تانيه وصدقينى انتى لو انفصلتى فى الشغل عنه واشتغلتى مع حد تانى واتعوديتى انك تتكلمى معاه وتشفيه كل يوم حتنسى ده خالص وتحبى التانى يعنى فى الاخر الموضوع تعود مش اكتر
يا بنت الكرام لا مانع من ان تتزوجي من شخص متزوج ولا يعيبك هاذا الشي لكن انا ارى انه من الافضل ان تتزوجي رجل تكوني انتي كل حياته وعائلته ما اجمل ان تكوني انتي ملكه بيتك وزوجك لا يفكر او يرى غيرك
بصى بلاش عن تجربة بلاش عارفة هو قبل ما يتزوجك هيكون فارس احلامك بعد كدة هتقولى ياريت اللى جرا ما كان وعن تجربة وابو بالين كداب وابو تلاتة منافق يعنى بلاش نتضحك على بعض طالما بحب مراته سبية احسن وبالنسبة شوفهولى يشاركنى انا كمان فى مشروع بجد طالما راجل كويس
ههههههه
ابنتي الكريمة السلام عليكم توكلي علي الله و تزوجيه لانك ترضين دينه و خلقه و طبعا الحلال و شرع الله لا نخجل منه و لا نرفضه و الاسلام الحنيف اجاز التعدد لمثل هذه الحالة فبالله عليك هل هو باخلاقه التي تمتدحينها افضل ام شاب عازب قد لا تعرفين عنه شيئا؟ و ما العيب في ان تتزوجي برجل فاضل لا شئ فيه الا انه متزوج؟ استخيري الله و ربنا يشرح صدرك للخير مع امنياتي لك و لمثيلاتك الفضليات بالسعادة و الهناء
استخيري ربك قبل فعل اي شيء
صلي صلاه استخارة 3 ايام متصل او اكتر حتي تتاكدين
والصلاة مش لازم يكون ردها ف حلم
ممكن يكون ف راحة نفسية للموضوع بعد الصلاه مباشرة
والله الموفق
عزيزتى دة مش حب دة تعود او انبهار بشخصيه لبقه او انتى شيفاها متواضعة وبيعدين هو لما عقله تمام كدة ما يبداء يعلم زوجته لغة الحوار
ثم ليه انتى تربطى نفسك بنصف راجل دة لو عدل بينكم
ومش تنسى اننا بشر مش ملايكه ويقول عز من قال ((فان خفتم الا تعدلو فواحدة ولن تعدلو))
ليه تبنى سعادتك على حساب اسرة تانيه
انتى لسه صغيرة ان شاء الله ربنا يرزقك بشاب تكونى انتى سبيله فى دخول الجنه