ليه انا اتجوز حد كان متجوز وعندة عيال

أولا أنا مشكلتي ممكن ناس كتير تكون مرت بيها مشكلتي بإحختصار أنا واحدة مهندسة ومن عيلة كبيرة وبشتغل في مكان مرموق للآسف وأنا في الكلية كنت مستحيل أفكر إني أرتبط بحد من أصحابي لحد لما جة ميعاد فرح أختي وذي أي حد عزمت كل أصحابي بعد الفرح كل أصحابي قالولي ا معجب بيكي علي فكرة قلتلهم مستحيل كلكم عارفين طريقة تفكيري المهم من هنا لهنا فاتحني في الموضوع وأنا طبعا رفضت المهم حصل إن والدي توفي المهم هو كان أكتر حد وقف جمبي في الوقت دة المهم قولت ذي ما الناس بتقول اللي أعرفة أحسن من اللي معرفوش المهم وقتها كنت في سنة 3 طبعا أهلي رفضوا تماما الموضوع دة علشان تفاوت المستوي وإن احنا لسة في الدراسة وانوا لسة حيتخرج ويدور علي شغل والكلام دا كلة المهم صممت علي رأي رغم معارضة كل عيلتي وإتخطبنا وخلصنا كلية أعدنا سنتين مخطوبين ومخاتش أي خطوة المهم أنا طول الوقت بدافع عنة لحد لما سافر دبي علشان يدور علي شغل المهم بردو طول الوقت دة وأنا اللي لازم أسأل علية وعلي أهلة اللي عمرهم ما فكروا يرفعوا سماعة تليفون ويكلموني المهم انة المفروض كان قبل مايسافر المفروض يجي يقعد مع الناس اللي حيتجوز بنتهم ولا يمشي كدة وميقلهومش حتي هو ناوي يعمل إية المهم بعد محايلات مني جة هو ومامتو بالليل انهم يفتحوا حاجة مفيش المهم سافر قعد 6 شهور كل دة أنا اللي بكلمة لحد لما في البيت مبقوش قادرين حندخل في 3 سنين مخطوبين وحتي مجبش شبكة المهم كلمتوا قولتلوا أنا حجيب الشبكة وخلي بتباك يقابلني ياخدها مني وافق طبعا أنا مكنتش عايزة حد يعرف في البيت فكنت حاخد قرض من البنك علي الكلية معني إني أخد قرض يعني اسمي حيتشال من النقابة قلت مش مهم المهم الموضوع ده كان عايز ضامن قلتلوا خلي باباك يجي معايا قلي أنا محطش بابا في الموقف دة طيب أنا المفروض يكون ردي اية المهم سكت ومعملتش حاجة المهم قعدنا علي الحالة دي لحد لما بكلم مامتو في البيت بسأل عليها لقيتة هو اللي بيرد علي تليفون البيت قلتلة اية دة انت جيت قالي أه من امتي من يومين ومتصلتش لية مش عارف المهم سلمت علية وقفلت المفروض بقي يجي طيب بلاش يكلمني بعد أسبوع كلمني علشان يقولي إحنا مش ححننفع مع بعض المهم قلتلة معلش فكر المهم قعد أسبوع بعدين كلمني قلي نفس الكلام قلتلة يعني بعد ما وقفت جمبك تعمل كدة قلي انتي معملتيش علشاني حاجة قلتلة غلطتي اني كنت مستحملة وساكتة مش علشان حاجة بس علشان أنا اللي دخلتك البيت دة وسبنا بعض المهم بعد 4 شهور اتقدملي واحد كل الناس شيفاة كويس ومش المفروض اني أرفضة مستوي ومحترم وكل حاجة المهم قلت اللي أهلي حيقولوا علية حعملة مش حكرر الغلطة تاني المهم كتبنا كتاب لان الفرح كان بعد شهر وجبنا الشبكة وفستان الفرح وجهزنا كل حاجة وحجزنا الفندق فاضل علي الفرح 3 أيام وبالصدفة البحتة عرفت انة كان متجوز قبل كدة 3 مرات تخيلوا حالتي كانت عاملة ازاي المهم اتطلقت قبل ما أتجوز لأسلسل بس للاسف إتحسبت عليا جوازة لاني طبعا كونت كاتبة كتاب المهم عديت المرحلة دي بس بعد اية معاناة المهم بدأت أخد كورسات واشتغلت في مكان أي حد يتمناة وشلت موضوع الجواز دة من دماغي لحد ما وصل سني 30 سنة المهم أي حد فينا بيكون محتاج حد يهتم بية يحبة علشان فعلا بيحبة مش علشان أي حاجة تانية اتعرفت علي واحدة ست كويسة جدا وحبييتها جدا المهم الست دي من عيلة كويسة وعندها 3 ولاد بنت و 2 ولاد كلهم متجوزين بنت وولد فيهم مسافرين برة وواحد عايش هنا بس دة بقة حكايتة حكاية اتجوز واحدة وخلف منها بنت المهم اتطلقوا وبعدين خاولت تتقرب منه علشان يرجعها تاني المهم رجعها علشان خاطر البنت المهم فضلت وراة لحد لما كتبلها الشقة بإسمها طبعا بعد لما عمل كده رجعت زي ما كانت الاول بل أسو أبدأت تكرهوا فيها بدأت تمشي مع ناس تانية يعني تخونة ومكنش هاممها يعرف ولا لاء لدرجة ان كل جيرانهم كانوا عارفين المهم طلقها بس لما استفادت منة المرة دي وطلعت بالشقة المهم ذية ذي أي حد طالع من موضوع ذي دة بيكون عايز واحدة تحافظ علية وعلي بيته لحد لما أخته جابتلوا واحدة أكبر منوا 9 سنين هو دلوقتي عندوا 34 وهي 42 المهم خلف منها ولد المهم هي كمان مطلعتش ذي ما كانت مبينالة طلعت أهم حاجة عندها الفلوس وحاجات تانية كتير المهم بقالهم 4 سنين عايشين مع بعض ذي الاخوات وانوا ناوي يطلقها بس مستني ابنه يكبر شوية المهم أنا لما اتعرفت علية للاسف حبيتة من غير ما أقصد أنا طبعا ميرضنيش إني لو كنت متجوزة جوزي يعرف عليا واحدة أنا بجد حد كويس ومش بحب أذي حد هو كمان حبني جدا بس أنا طبعا قولتلوا احنا اخوات ومش حينفع نكون غير كدة علي الرغم من اني بحبة لاني فغلا لاقيت فية الانسان اللي بتمناة وياريت محدش يقولي اني بس حاسة كدة علشان عايزة تحسي الاحساس دة علي فكرة أنا قلتلة انت حاسس انك بتحبني علشان أنا بعوض عندك حاجة انت مش لاقيها لاكن في الحقيقي انت مش بتحبني بس كانت اجابتة دة مش صحيح انتي أكتر واحدة عارفة مشكلتي عارفة الظروف اللي مريت بيه مش عايز اكرر اي غلط تاني أنا مش يقولك حبيني وأنا متجوز انتي عارفة اني متجوز شكلا بس بس كل دة حخلص منة المهم انا عايزة حل لاحالتي انا مش عايزة اني اكون الذنب في طلاق حد رغم اني متإكدة انة بيا من غيري هما حيسيبوا بعض بس برضوا أنا مش عايزة أخد ذنب حد دي حاجة الحاجة التانية لية انا اتجوز حد كان متجوز وعندة عيال بجد عايزة رأيكم أنا في كل الحالات رديت علية وقلتة اننا اخوات

مشاكل وحلول ذات صلة

• فسخنا الخطبة انا و خطيبتي بعد عامين بسبب القايمة
• افكر بالإرتباط بشخص لديه اعاقة بسيطة
• اسيب حب عمرى وارضى ابويا بأى جوازة؟
• فرحنا قرب ولسه مش عارف اتعرف على خطيبتي
• امي بتجبرني اكمل الخطوبة بسبب كلام الناس
• كذبت للتخلص منه وندمت ونفسيتي منهارة
• حاولت ابطل العادة السرية وفشلت