السلام عليكم… انا ما لجأت الى هنا الى اني تعبت وانتهيت ليلي نهار ونهاري ليل انا عمري 23 احب شاب من 3سنين بالجامعه هو اكبر مني بسنه وعلاقتنا الكل يعرف فيها وبعد تخرجي اجت اخته على حفلة تخرجي احنا من نفس العائلة تقريبا او العشيرة وفي قرابات بعيدة كثير بينا… المهم بعد ما اجت انتو على حفلتي صار كتير بينا مشاكل على اتفه الاسباب ويوم لما رحت أيدي قسم المهنه عرفت انو كاين باعت لبنت من الكليه وانو بدو يحكي معها طبعا انا عرفت وضليت ساكته عالموضوع 3ايام لحد ما شفتو ويعلم الله اني كنت بموت الف موته لاني اعرف واثقه انو يحبني… يوم ما شفتو صورتلو المحادثات مع البنت وقررت اعطيه اياهم وانزل من السياره وفعلا شفتو وكان حاسس اني بعرف… رميت الورق بوجهو ونزلت وكنت قبل اضل اسئلو بتحبني او لا وكان يجاوب ويحلف… بعد مانزلت ورميت الورق وانا منهارة بكى بالشارع راح بعتلي مسجات قال فيها انا ماخنتك وانا عملت هيك عشان اخليكي تبعدي لانو اهلي بعرفو بقصتنا وانو بدي اياكي ولما صار الحكي جدي ما سمعو الا كل شي سيء عن اهلك واخواتك وماحدا نصحني فيكي… طبعا انا انصدمت من الكلام وانو كيف هيك الناس تحكي علينا مع انو امي وابوي متدينين واخواتي كمان وانو احنا مشكلتنا انو الناس تكرهنا لانو امي فلسطينية وهما عندهم عنصريه لا توصف ولليوم احنا مشاكل مع اهل ابوي وما نحكي معهم… انا ماقدرت استوعب الي صار وضلينا بعد هالمشكله نحكي ونتخانق وهو يحكيلي انا بحبك وبدي اياكي لكن انا مو قادر اعمل اشي… وحكتلو انا مابقدر ابعد عنك وبحبك وخلينا مع بعض بس بدون ما اكون الك ولا انت الي وانا مع الايام بتقبل هالفكرة ومارضي وحكالي بدي تضلي معي وتكوني الي ومرتي…. سالتو كيف قدرت تعمل هيك قلي ماحدا بيسمع هيك عن شريكه حياتو وعن نسبو وبعرف شو بدو يعمل… وسالتو شو رجعك عن قرارك بعد ما اخدتو حكالي هاد الاشي الي جد مابعرفو… وانا بحبك وهيني معك وبدي اياكي ومابتعرفي شو ممكن يصير لقدام وهو طبعا لسا بأسس حالو يعني مابقدر يجي يطلبني حاليا واهلك ما بقدرو يجوزوه هما وهو مو قادر يحكي مع اهلو اشي وحتى هما مو طايقينو لانو بعدو بحكي معي بس انا يشهدالله علي اني حبيتو وصنتو ومالفيت ودرت وحبيتو من قلبي والله مت بنام الليل ولا بروح عالشغل ولا بحكي مع حدا كل تفكيري وسؤالي انو ممكن ارجع اخسرو مرة تانيه وممكن وقت مايجي اليوم الي نخطب فيه يكونو اهلو لسا مش موافقين وهو يستسلم والي مخوفني اكتر انو يكون هو كمان مقتنع بالفكرة هاي بس ازا هو مقتنع انو مابدو اياني اكون مرة الو ليش يرجعلي ويكمل معي وهو مابدو اياني…. انا تعبت من التفكير مابعرف شو المفروض اعمل اما بعرف انو مابقدر يجي يطلبني حاليا ابدا لانو مو جاهز خايفه اضل معو زي ماهو بدو وانو لوقتها مابتعرف شو بصير او اتركو واتعذب وهو كمان يروح ومايرجع… ارجوكم احكولي الحل الصح مع العلم انا مابقدر احكي مع اهلو او اروح عليهم عندنا عيب واهلو ما اتوقع انهم بيتقبلوني لو حكيت مع حدا منهم… ومن الناحية التانيه افكر بانو هو رجعلي عشان يجبر خاطري وعارف انو رح يرجع يلاقي غلط علي ويتحجج ويروح او انو كان خايني وغطى موضوع الخيانه بهالموضوع….. ارجوووووووووكم احكولي بشو اتصرف انا تعبت من التفكير وعم بخسر حياتي شوي شوي
الاخت العزيزة باين انك من اهل الاردن الحبيبة اهلا بك وبكل اهلنا في الاردن شوفي ياعزيزتي الحب شي عظيم بهذة الحياة لكن انت غلطت لماعطيت قلبك لواحد مايستاهل كهذا الشخص نعم تلك الحقيقة اللي حاب تعرفيها لانو مايستاهل ظفرك ولادمعة من عيونك الحلوين شو بدكي بواحد خاين وله علاقات مع البنات احيانا يكون الحب اعمي يعمي الواحد عن معرفة الحقيقة الحمدلله انك عرفت حقيقته وانه خاين وكداب ومخادع ولاامان له بدو يتسلى فيك ويضيع وقته معاك وهذا مالاحد يرضى به على الاطلاق اقطعي علاقتك به نهاية وللابد واياك والاستمرار معو في هذة العلاقة حافظي على خلاقك وشرفك وسمعتك وسمعة اهلك وكرامتهم وثقتهم فيك واياك والتفريط فيهم مهما كانت الظروف انت زي القمر والف من يتمناكي ياست البنات هتلاقي نصيبك جاي يخبط على باب داركم وربنا بيكرمك ان شاء الله باحسن منو مليون مرة تمنى لك كل التوفيق في حياتك وان الله يرزقك بالزوج الصالح اللي يستاهلك ويقدرمشاعرك ويسعدك العمر كله