مشكلتى باختصار بحب شاب من محافظة تانية متسالوش ازاى حبينا بعض لانى لحد دلوقتى مش مصدقة كل اللى بنحلم بيه دلوقتى اننا نتوج حبنا بالجواز من ناحيتى اهلى معندهمش مانع انى اتجوز واحد من محافظة تانية بعيدة عنهم حوالي 700 كيلو بالعربية لكن اهلة مش مقتنعين بكدة علشان المسافة بينا كبيرة حاولنا نقنعهم مرات ومرات لكن مفيش فايدة خايفة ان كل يوم عن يوم تموت جوانة حجات حلوة تبعدنا عن بعض اكتر ماحنا بعاد متقولوش انة محاولش بالعكس المحاولات مستمرة وانا مش عايزة ابعد عنه انا بموت فية وانا حساة زوج صالح لكن مينفعش اتجوزة من غير رضا اهله لانهم من حقهم يفرحو . هو حاول كتير يقنعنى بانه يجى يتقدم من غيرهم بس انا رفضت كدة انا مش عارفة اعمل اية من فضلكم ساعدونى مش عاوزة اخسره
شوفي ياااختي موافقة الاهل لابد منها وهي ضرورية جدا ومن شروط الزواج الصحيح والشرعي وطالما ان اهل الشاب غير وافقين على جوازه منك لانك من محافظة او منطقة بعيدة عنهم وفشلت المحاولات لاقناعهم فكل شئ قسمة ونصيب ولازم تقطع علاقتك بهذا الشاب تماما وتبعدي عنه ولاتستمري معاه في هذة العلاقة مهما كانت الظروف وربنا بيكرمك ويعوضك خير منه هتلاقي نصيبك مع احسن منه مع ابن الحلال اللي يستاهلك ويقدرمشاعرك ويصونها ويسعدك طوال حياتك