مشاكل الحب والزواج

بحبه لكن بسبب امه ممكن اعيش اسود ايام حياتى

انا بحب واحد زميلى وكان المفروض انه بعد ما نخلص حسب كلامه يجى يتقدملى هو حبنى حب جامد اوى وساعات كنت بحس انه بيحبنى اكتر من نفسه مع انى ساعات ساعات بحسه لئيم لكن متاكدة انه بيحبنى اوى انا اهلى عارفين الموضوع وببيقول ان مامته عارفة وهو وحيد مامته بتحبه اوى وبتغير عليه جدا لدرجة ان هو اللى بيعملها كل حاجة بعد سنتين حب انا عندى 19 سنة فكرت مع نفسى انه لسة متخرجش ولسه قدامه مستقبل لسة مشتغلش ومكونش نفسه وانا مش هينفع اربط نفسى بيه وكمان لقيت ان بسبب مامته ممكن اعيش اسود ايام حياتى بسسب غيرتها وبعدين انا حاسة انها مش بتحبنى وكانها مش عايزة تتعرف عليا انا وعائلتى وكمان فكرت فى فرق المستوى الاجتماعى اللى بينا وموضوع انه هييتجوز متاخر على سن 28 سنة كدة او 30 وانا اهلى رافضين المبدا ده على العموم انا حاسة ان الموضوع متعقد والمشكلة الاكبر انى خايفة من مامته انا عارفة بتحبه قد ايه وعارفه هى مسيطرة عليه سيطرة كاملة مش بيرفضلها طلب انا مش هقدر استحمل المشكلة انى لسة بحبه بس حب من غير امل ولا شى هو انا كدة بظلمه معايا ؟؟ انا خايفة ارجع فى قرارى واعيش طول عمرى نادمة ارجو الرد سريعا

مشاكل وحلول ذات صلة

اضيف بتاريخ: Wednesday, June 6th, 2018 في 09:00

كلمات مشاكل وحلول: الحب, بنت, حب, شاب

ردود to “بحبه لكن بسبب امه ممكن اعيش اسود ايام حياتى”

ابوالبتول

06/06/2018 at 22:46

شوفي يابنت الناس طالما انك مش مرتاحة لامو وطريقة تعاملها معاك وفرضها السيطرة عليه والتحكم في كل شوون حياته فلااريدك ان تفكري في الارتباط منه ولااحد يجبرك على الزواج منه القرار بيدك انت وحدك وتاكدي انك تظلمي روحك لو وافقت عليه ولن تكون سعيدة ولامرتاحة في حياتك ان تزوجت منو لانو امه مسيطرة عليه وعلى كل شئ فيه ومتحكمة فيه وهو لايقدر ان يتخذ قرار في حياته الا بالرجوع اليها واخذ الاذن منها وشئ طبيعي بيكون بينكما خلافات ومشاكل في حياتكم الزوجية بسبب تدخلات امه المستمرة في حياتكم وقد يودي الى نهاية سريعة لهذا الزواج وفشله وتلاقي نفسك مطلقة وانت لسه في عزشبابك وهذا مافي حد يرضاه لك على الاطلاق ولااعتقد انك تتوقعيه يحدث لك فمن الافضل تركه ورفض الارتباط به وربك بيكرمك بحسن منو بابن الحلال اللي يستاهلك ويقدر الحياة الزوجية ويصون مشاعرك وكرامتك ويسعدك طوال حياتك