انا شاب عندى 29 سنة بحب بنت هى 22 سنة وبحبها بجد وامنية حياتى انى ارتبط بيها بس خايف علشان هى مستواها المادى اعلى منى وكمان فى التعليم علشان كدة خايف بجد ان بعد الزواج تحس هى بلفرق دة وتحس انها اختارت غلط او تندم ودة اللى انا خايف منة هى ديما بتقول ان الفرق دة مش هيكون موجود بينا ومش يهمها وانى اهم شيء عندها وهتعيش معايا باى طريقة وفى اى ظروف وديما تشجعنى وانا بقتنع بكلامها بس سعات بقعد مع نفسى وبحس بخوف وبجد انا بحبها اوى لدرجة انى فكرت انى ابعد عنها علشان تحب حد تانى يكون فى نفس مستواها بس بردو بخاف عليها انها لو ارتبتط بحد تانى يعاملها مش كويس او مش يعرف يخليها سعيدة محتار جد جدا عايز رئيكم اتقدم لها ولا اعمل اية وفرق المستوى دة هيكون مشكلة بينا بعد الزواج ولا ذى ما هى قالت انها هتقدر تعيش معايا فى اى مستوى يا ريت يا جماعة تنصحونى وفعلا ممكن بنت تعيش مع حبيبها فى اى مستوى اقل من اللى هى كانت عايشة فية ولا دة كلام عاطفى مش اكتر والواقع هيكون غير كدة واسف للاطالة
شوف يااخي الحب الصادق يكسر كل الحواجز والفوارق الاجتماعية والتعليمية طالما في تفاهم وارتياح بين اثنان يحبوا بعض لاني بقول هذا لك عن تجربة حقيقية حصلت معي عندما تزوجت مراتي الاولى كانت من عيلة غنية واحسن مني في التعليم لكن الحب الكبير بيننا ازال تلك الفوارق في البداية اهلها عارضوا زواجنا لكن البنت قدرت تقنغهم وخلتهم يوافقوا والحمدلله تزوجنا وعاشت معي قرابة 16سنة حياة سعيدة حتى توفيت في حادث سيارة وكانت دي اصعب اللحظات اللي مرت علي في حياتي عندما فقدت حبي الاول وام اولادي وشريكة عمري ولكن ده قضاء الله وقدره ولانعترض عليه عاوزك ماتخسر البنت دي لو كنت فعلا تحبها وهي تحبك وتوكل على الله واستمر معها وربنا يكتب لكم اللي فيه الخير والصلاح ويسعدكم في حياتكم الجاية