انا عندى 25 سنه وبحب واحد من سنه وسابنى عشان غلطه انا غلطها وكان معاه حق وفضلت فترة اتحايل عليه يرجعلى ومرجعش ومع اول حد اتقدملى وافقت عليه عشان انسا حبيبى مع العلم ان الشخص اللى اتقدملى دا مكنتش مناسب ليا بكل المقايس ومع ذلك وافقت عشان بس انسا حبيبى وبعد خطوبتى باسبوعين لاقيت الشخص اللى بحبو بيتصل بيا مقدرتش امنع نفسى من انى ارد عليه وكلمتو ورجعنا لبعض احنا كنا متفقين ع الجواز بس حاسه انى دلوقتى لسه بيحبنى اه بس مش بيجيب سيرة الجواز خالص وهو ميعرفش انى مخطوبه وانا خايفه اقولو عشان مش هاقدر ابعد عنو وف نفس الوقت انا مش بحب خطيبى واهلى شايفين ان خطيبى حد كويس وبيبحبنى بجد وانا حاسه فعلا انو بيحبنى وف نفس الوقت مش ضامنه انى لو سيبتو تم حبيبى يجى يتقدملى وانا محتارة ومش عارفه اعمل ايه اسيب خطيبى عشان اللى بحبو والا اسيب حبيبى وابعد عنو واكمل مع خطيبى يمكن احبو بعد الجواز لانو انسان طيب مش عارفه اعمل ايه ياريت بجد حد يفكر معايا وينصحنى
انا رايي انك تصلي ركعتين استخاره و ايا كانت ايه هيا النتيجة اهتمي بالي ربنا هايكتبهولك فيهم و ترك الآخر نهائيا و عدم التفكير فيه حتي لو كان حبيبك الي هاتسيبيه و اعرفي دلوقتي انك مخطوبة لانسان له مشاعر و احاسيس انسان ليس له أي ذنب أن تخونه خطيبته مع غيره حتي لو كان ملاك نازل من الجنه انسان كل ذنبه أنه اختار فتاه ظن انها جديرة بأن تحمل اسمه و سمعته و شرفه اختارها من بين نساء الارض لتكون ام لأولاده و الرجاء قطع علاقتك بالي بتقولي عليه حبيبك حتي تنتهي من صلاة الاستخارة و تعرفي نتيجة هذه الصلاة ايه
و اعرفي شروط صلاه الاستخاره قبل تأديتها
و اعرفي ايضا أن اي حب خارج الإطار الشرعي الذي كتبه الله و هو الزواج يكون حرام و هذا اذا كانت صلاه الاستخاره خطيبك و قولي له انك لن تقبلي إلا أن يتقدم لخطبتك رسميا حفاظا علي سمعتك و سمعته اهلك و علي شرفهم و انك اكتفيتي من الحب الذي في الظلام هذا الحب الحرام الذي لا يرضى المولي عز وجل و قولي له أن اي حب خارج الإطار الشرعي الذي كتبه الله و هو الزواج يكون حرام و اجعليه يسأل اهل العلم لان ليس كل شخص متدين جدير بأن يخرج افتاء بما حلل الله و بم حرم من الأمور التشريعية الصعبة مثل هذه و التي كثيرا ما يحلل الناس لأنفسهم أن هذا الحب شريف و اننا لم نفعل الكبائر مثل الزنا و العياذ بالله و نسوا أن هذا هو اول طريق و اول مدخل يدخل منه الشيطان كيفما شاء و نسوا أو بالاصح لم سألوا اهل العلم و يعرفوا أن اي حب خارج الإطار الشرعي الذي كتبه الله و هو الزواج يكون حرام و أن ما لا يرضونه علي انفسهم لا يرضونه علي بنات الناس قولي له انك لن ترضين بأقل من الارتباط الشرعي حتي لو كانت حجته هي أنه مثلا لم يكون مستقبله بعد و ان اهلك ليس لهم ذنب بأن تجرحي شرفهم باي شكل من الأشكال فانتي يا اختي الفاضله شرف عائلتك و كرامتهم أيضا و قولي له ما لا ترضاه علي نفسك لا ترضاه علي احد
و اما اذا كانت النتيجة لصلاة الاستخاره هي ترك الحبيب و الاستمرار مع خطيبك اتركي حبيبك فورا و تاكدي أن الخيره فيما اختاره الله
ما انتي حليتي مشكلتك بنفسك سابك عشان غلطه.اللي ما يغفرشي لحبيبته غلطه مقبوله أو غير مقصوده يبقي هيعمل فيكي ايه لو اتجوزتيه احسبيها كده هتلاقي انك خساره فيه واللي زي ده مش هيكون امين عليكي.نصيحتي ليكي سيبي الاتنين لان التاني بتقولي مش مناسب ليكي عشان ما توافقيش علي حاجه بسبب عناد أو بسبب إنك تضمني عريس وفي النهاية إنتي اللي هتتحملي العواقب رأيي سبيهم وخدي هدنه مع نفسك ونصيبك هيجيلك لحد عندك وربنا يوفقك.