اتخطبت وسابني بسبب اهلى واهلو

بنت عندى 24 سنة.اتخطبت من سنة لشاب اعجبت بيه من اول نظرة وهو كمان اعجب بيا.بس اتخطبنا عن اقتناع بعقلنا وعاطفتنا وكنا متفقين ومكملين لبعض جدا.هو بيشتغل فى الكويت واتعرف عليا فى اسبوعين وخطبنى اسبوعين وسافر بعد وداع حار منى له.شقتو فى بيت اهلو.فضلنا مستنيين 4 شهور على ما شطبو شقتهم هم الاول وبعدين بدات المشاكل لما كنت كل ماختار حاجة فى قاعة الفرح او الفستان او العفش اهلو يعترضو عليها.وهو يبقى مش عارف يرضيهم ولا يرضينا.ونزل فى رمضان الى فات بس هم مرحموناش وكانو بياخدوه منى فى مشاوير بالنهار لغايت ماتسببو فى مرضه.ومفرحتش معاه غير اخر يومين قبل مايسافر.وبعدين افتعلو مشكلة كبيرة على حاجة مش عاجباهم فى العفش والمرة دى مقدرش يواجههم وغضبو عليه فاتلككلى انا واهلى وسابنى.حاولت اتمسك بيه واكلم اهلو لكن اكتشفت انهم بيكرهو والدتى ووالدى مع انهم وقفو معايا ومع خطيبي كتير ومضروهوش زى ماهم عملو.ولغايت دلوقتى محصلش تسوية مادية ولا قعدة رجالة لانو لسة منزلش مصر من رمضان.انا لسة بحبو اوى مع انى كنت بتعصب من طريقتو احيانا بس هو كان حساس وبيحبنى اوى بردو.ودلوقتى مش راضى يرد عليا ولا يقول جاى امتى.اعمل ايه مع العلم ان بينى وبينو مفيش مشكلة الا خلافات اهلنا وانا كان نفسي نبدا حياتنا انا وهو لوحدنا من غير تاثير اى حد.حاسة انو تعبان زيي ومش قادرة اساعدو

مشاكل وحلول ذات صلة

• انا مش عارف انسى خطيبتى
• رؤيا الزواج ولبس الفستان الابيض
• اكره اهلي كرها شديدا واستحي بتصرفاتهم
• بابا لو عرف ان حبيبي سواق ها يرفضه
• غلطت لما وريته صوري ودلوقتي بيهددني
• خطيبي كان بتاع بنات سبته ونفسي يرجعلي
• حلمت انى كنت عروسه