مشاكل الحب والزواج

صارحنى بكدبتو بس بعد ان وقعت فى حبو

اضيف بتاريخ: Wednesday, February 2nd, 2011 في 20:48

كلمات مشاكل وحلول: الزواج, بنت, مشاكل الحب

26 رد to “صارحنى بكدبتو بس بعد ان وقعت فى حبو”

1. سيدة الورود الراقية

   

   29/03/2011 at 20:21

   يا حبيبتي انتي هتدمري نفسك بايديك
   أولآ انوا متجوز وده حرام عليكي تخيلي ان حد هياخد جزء من حقك انتي واولادك جايز الكلام ده مش هتفهميه غير لما تكوني ام
   ثاني حاجه حته انوا عايز يأجل الخلفه دي الجواب باين من عنوانه ده عايزك متعه وانوا يحس انوا لسه صغير وبنت في عمرك وافقت عليه
   غير كمان انوا هيكرهك حياتك من غيرتوا عليكي انتي مش متخيله اد ايه احساس الراجل ان مراتوا اصغر منوا ولسه في مرحلة الزهور
   ياريت تسامحيني حبيبتي جايز اكون آسيه شويه في كلامي
   بس احيانآ الواحد بيحتاج حد يضغطوا او يفوقوا من اللي هو فيه
   يالله عليكي صلي صلاة استخاره الأول وادعي ربنا لو الراجل ده هيكون خير ليكي يقربوا
   ولو مافيش الخير بينكم ربنا يبعدوا عنك
   ويعوض عليكي بالخير وانتي لسه صعنونه خالص متظلميش نفسك ياروحي
   تحياتي ليكي بحياه جميله ان شاء الله
2. الفرحاتي من الامارات

   

   07/02/2011 at 10:51

   طالما عاوز يأجل الخلفة يبقى عاوزك عشان المتعة وعشان مزاجة مش قصة يفتح بيت لانه عنده بيت واشبع رغبته في الانجاب وبكره يزهق منك ويروح لعياله ويقولك انت كنت نزوة مش اكتر اقسم بالله انك هتدمري نفسك لو اتجوزتيه وافهمي بقى انت ليه لسه بتفكري فيه الناس كلها رفضت استمرارك معاه ياريت تفهمي وتعرفي مصلحتك
3. صاحبة المشكله

   

   07/02/2011 at 01:40

   انا بشكركو اوى ياجماعه على ردودكو وربنا يجازيكو كل خير يارب وبشكرك يالى لى وعايزه اقولك كمان انو عايزنى أجل الخلفه سنه وانا مش موافقه على كده لانى اسمع انو غلط انا متردده اوى وخايفه من الى جاى ومحتاجه دعواكو ليا بجد انا فى غربه ومش معايا اهلى وهو كل حاجه ليا هنا يمكن عشان كدا
4. rawan rona

   

   05/02/2011 at 17:07

   صلى صلاة استخارة وصليلك ركعتين لله ودة احسن حاجة تعرفك مستقبلك معاه مع ان عقلك اكيد هيرفض الوضع اللى انتى هتبقى فيه بس ياريت
5. لي لي

   

   05/02/2011 at 04:25

   حبيبتي
   الفرق كبير كبير 22 سنه كتير اوي

   انتي لسه صغيرة مش تندفعي في مشاعرك وكمان الي فهمته ومش عارفه إذا كنت غلطانه ولا لأ انه والدك مش موجود واكيد انتي حبه فيه ده حبه فيه اب ويمكن بعد كده زوج بس ما بعتقد انه بيكون ناجح
   حبيبتي انا عوذاكي تحطي كل الفروض
   لو مثلا مراته الله بيديها العمر (ماتت) هتبقي ام لـ 3 بنات في بدايه عمرك هو ماراح يتخلي عن ولاده
   لو مثلا مش كنتي متفقه معاه بعد الزواج وجبتي ولد مش هتقدري تتطلقي عشان مش تشتتي ابنك
   انتي لسه صغيرة ويمكن قرارك متسرع ولسه الخيارات قدامك كتير
   لسه شغل ولسه ممكن هتبقلي حد بعد كده فكري كتير قبل اي خطوه فكري عشان مش تندمي بعد كده فكري بعقلك
   وربي يوفقك وان كان خير يسره وان كان شر يصرفه عنك وبيبدلك خيرا منه ويرضيكي بيه
   دومتي بخير
6. محمود

   

   05/02/2011 at 01:56

   والله عاوزه الصراحه مش حينفع باى حال من الاحوال
   لانه من البدايه كدب عليكى وحرام عليكى تضيعى عمرك مع واحد اكبر من باكترمن 20 سنه وفى الاول والاخير لو اتجوزنوا لزم حيحن لمراته الاولنيه لانه مراتع لما تعرف انه اتجوز عليكى حتعمل نشاكل وحتحاول انها ترجعه لبيته تانى باى طريقه وهو حريجع تانى علشان خاطر اولاده وانتى حتكونى الضحيه يريت تحكمى عقلك قبل قلبك واتمنالك التوفيق
7. توتا

   

   04/02/2011 at 16:53

   وكمان مش هيعرفها واللة حتى لو اتجوزتوا ومع 100 عيل مش هيعرفها وهتفضلى طول عمرك متجوزة فى السر وهتطلقى بردة فى السر وهتندمى اوى انك ضيعتى احخلى سنين فى عمرك مع واحد كداب وجوازة مقرفة انتى اية اللى غصبك على كدة ارجعى لعقلك وعيشى حياتك انتى لسى صغيرة واللة العظيم انا خايفة عليكى عشان اتحطيت فى نفس الظروف دى بس الحمد للة انا فوقت فى الوقت المناسب قبل مدمر حياتى
8. هانى ابراهيم محمد من بنها

   

   04/02/2011 at 13:03

   وربنا حبيت واحده عندها 22 سنه طلعت متجوزه واحد عنده 55 سنه فهمتى يا اختى ابعدددددددددى
9. معات

   

   03/02/2011 at 20:46

   صلاه الستخارة يا استاذه والله اعلم. لان المنطق العقلي لا تقبلي واكيد هتلاقي غيره يساعدك او يزيد علي ذلك وحينها تحبية ايضا. خلي الاستخارة هي البداية خاصة في مسائل القسمة والنصيب
10. nooor

    

    03/02/2011 at 20:36

    حبيبتى انا عندى 20 سنه ادك وانتى لسه صغيره والدنيا قصادك وهو كبير اوى عليكى وليه تاخدى واحد متزوج وعنده 3 اولاد وفكرى اكيد هتلاقى فيه عيوب مدام مراته مش متفاهمه معاه معنى كده انها عارفاه اكتر منك وفى حاجات هى عارفاها وشيفاها من العشره انتى مش هتشوفيها غير بعد الزواج فحرام عليكى عيشى سنك واخرجى وحاولى تتشغلى طول الوقت بحاجات كتير وانتى هتنسيه اسمعى كلامى هتتعبى بعد الزواج
11. دودو

    

    03/02/2011 at 19:57

    يا اختى انتى سنك صغير جدا والحياه ادامك والمستقبل من راى انك ترفوضى لان كدب عليكى فى الاول واللى يكدب مره يكدب كل مرة انتى حرام تظلمى مراتوا انتى من دوار عيالوا فحرام عليكى
12. yuyo

    

    03/02/2011 at 18:53

    انتى عندك 20 سنة وهو 42 سنة يعنى لو كان اتجوز وهو عنده 20 سنة كان جاب بنوتة حلوة قدك
13. بوحمزة

    

    03/02/2011 at 18:32

    إلإنسان الذي يكذب لا يوثق في حديثه ولا أنصح بالزواج من بدأ حياته بالكذب
14. zezo

    

    03/02/2011 at 17:06

    انااعتقد فرق السن كبير بينكم ممكن انتي تكوني حاستي بحنانه شايفة فيه حنان والدك حتي لو ماكنتيش تعرفي سنه بس هو ممكن يكون اداكي كل الحب والحنان ده شايف فيكي بنته حتي لو هو مش واخد باله وفاكر ان ده حب فحس ان بنت لو في مشكلة لازم يوقف معاها بس الاحسن استخيري ربنا وهو هيدلك علي الصواب
15. جميلة

    

    03/02/2011 at 15:46

    ارجوكى بلاش تتجوزى هتتندمى وانا بقولك انا مجربة المتجوز حتى لو كان مش بيحبها لازم هيروح عندها عشان اولاده وهيكون فى مشاكل كتير انا اخدة واحد متجوز وعارفة انا عايشة بدون احساس عشان اعرف امشى حياتى وكل ما يكون عندها اقول لنفسى ما يكون هو انا بحبو بس بحاول اوهم نفسى انى مش بحبو بس يكفيكى شر نار الغيرة ونار انك تشوفى جوزك مع ضرتك بلاش
16. عازف الاهات

    

    03/02/2011 at 15:29

    اختى العزيزه وافقى ولاتخافى من شئ فلحب ياتى بعد الزواج والله ولى التوفيق
17. زوجة بتمووووت في زوجها

    

    03/02/2011 at 14:07

    سلام عليكم ليه يا بنتي تتجوزي واحد اكبر منك العمر ده كله والله بكره هتندمي دي مشكلة واحده صحبتي اتجوزت واحد اكبر منها بكتير ويمكن اقل من الفارق اللي بينك وبينه وتعيسه في حياتها هيه لسه عاوزه تتحرك وتهرح وتهزر وتخرج وهو طبعا سنه ميسمحش بكده ومتعقدة وحالتها زفت اما انا فزوجي اكبر مني بسبع سنوات بس وطبعا عكس جوزها في كل شئ
    لما بفكر في اي فكرة مجنونه شبابية هتغير في حياتنا ونكسر بيها الروتين بيوافقني عليها وبعدين انت عندك 20سنة وهو فوق الاربعين فاااااااااااارق كبير وتشيلي ليه هم عياله وكل شوية يفكرك بيهم ان عنده عيال ولهم حقوق عليه يا بنتي خدي واحد يكون لك لوحدك عياله منك تشيلي همهم براحتك كبري دماغك من الشخص ده بكره يجيلك شاب ينسيك الحب ده ده انت لو اتجوزتيه هتحسي انك اخدتي اكبر مقلب في حياتك وهتتكسفي بعد عشر سنوات تمشي جمبه في الشارع وكل صحباتك متجوزين من شباب زي القمر وبعدين ايه؟ اللي خلقه مخلقش غيره ده في مثل والدتي دائما تقوله قاعدة الخزانه ولا جوازة الندامة وبعدين فكري في مراته اللي دمها هيتحرق وهتموت من الغيرة واحساسها بخيانة جوزها ليها مش كفايه متحملة بعده عنها ومرمطة الناس فيها وشيلها لهم العيال لوحدها هيه دي يا بنتي سهلة بكرة تتجوزي وتشوفي هم العيال ده انا معرفش اقعد ساعة معاهم لوحدي من غير ابوهم يسكتهم ويخافوا منه وبنات برده بكره تشوفي متخربيش بيته وتكسري قلب عياله ومراته ده انا عندي جوزي يموووت وادفنه بايدي ولا بتجوزش عليه واحده مفعوصة
    ومش دائما رأي الامهات صح يمكن بس خايفة عليكي وعاوزه تطمئن عليكي عشان انت مغتربة وفرص زواجك قليلة حطي عقلك براسك حب ايه ولا في بعد العشرة بين الازواج والست الشاطرة تخلي جوزها يموووووووووت فيها وهيه كمان تمووووووت في تراب رجليه اسمعي كلامي واتجوزي واحد بعقلك مش بقلبك والحب والعشرة بيجوا بعد الزواج بس المهم تحسني الاختيار وبكرة تقولي ساعة جمبة ولا العمر كله بعيد عنه
18. صاحبه المشكله

    

    03/02/2011 at 12:23

    السلام عليكم انا حبيت اوضحلكو ان هو مش هيقول لمراتو على الجواز غير لما نخلف وهى هتفضل فى مصر وانا هبقى معاه فى دوله عربيه
19. فرحات

    

    03/02/2011 at 11:26

    وبعدين يا اختى انتى لسا صغيره فى السن وهو كبير عليكى اوى هو فعلا هيبقى صعب عليكى انك تبعدى عنو بس والله لو بعدتى عنو انتى فى الاخر كسبانه ومع مرور الوقت هتنسى انا حبيت ولى كنت بحبها سابتنى وتعبت عشانها بس مع مرور الايام نسيت
20. فرحات

    

    03/02/2011 at 11:24

    والله مش عارف اقلك ايه بس بصراحه هو كبير عليكى اوى نصيحتى ليكى حاولى تنسيه وتبعدى عنو
21. ابن الباجور

    

    03/02/2011 at 09:51

    احتي اعلمي جيدا ان الرجال في هذة المرحلة يصابون بما يعرف بمراهقة متاخرة يعني بالنسبة له انت هتكوني مجرد نزوة ليس الا وفي الاخير هيرجع لبيتة وبناتة لانهم بالتاكيد بالنسبة لة اهم منك بكتيير ام انت فعمرك صغير جدا لية تضيعة مع واحد في عمر والدك وكمان متزوج وعندة 3 بنات يعني انت الخاسرة بكل المقاييس
22. لؤلؤة الإسلام

    

    03/02/2011 at 07:26

    ربنا يكرمك يا اختى ويصلح بالك ويرزقك السكينة يارب
    انتى حبيبتى لازم تكونى صاحبة تجربة خاصة بيكى
    صحيح لما تسمعى لتجربة غيرك تستفيدى منها لكن انتى ليكى تجربتك الخاصة
    وانتى طالما بتحبيه ومامتك موافقة
    صلى استخارة وربنا يرشدك للخير ان شاء الله
    وخليكى مع ربنا عمرك ما هتخسرى

    ربنا يكرمك ويرضيكى ويرضى عنك
23. نادر الوجود

    

    03/02/2011 at 05:55

    الزواج خير وبركه

    لااكن ياختي يمكن احد بناته في عمرك ,وانا نصيحتي لا تحرمي نفسك من المتعه انتي شابه وبنت خلوقه وجميله يعني افضل تنتظري وتتجوزي شخص قريب من سنك وتستمتعي اكثر مع بعض الرجال لما يكمل الخمسين تفكيره يتغير وانتي رح تكوني لساتك شابه في العشرين يعني محتاجه حنان وحب وووووووو اشاياء زوجيه خاصه يمكن هذا الشخص يعجز يقدمها لك ولا تفكري بقلبك فكري بعقلك وفكري باولادك لو الله رزقك باولاد يعني رح يربيهم ابوهم وهوه شيبه فطريقة تفكيره وتربيته ما تتناسب مع هذا الجيل , والي اكبر من كذا لما تتظلعي مع صديقاتك رح تحسي بنقص لما يشوفوا زوجك وهوه كبير فالسن وانتي لساتك بنوته…..(( فكري لبعيد))
24. sara

    

    03/02/2011 at 02:21

    اولا اختي العزيزة الحب ياتي بعد الزواج وليس قبله ولكي لا اطيل عليك فنصيحتي ان تصلي ركعتين للاستخارة فان كان هدا الشخص فيه خير فان الله سبحانه وتعالى سييسر لك امرك وان كان فيه شر فسيبعده عنك وسيعوضك باحسن منه
25. محمود

    

    03/02/2011 at 00:29

    اختى العزيزه مدام والدتك وقفت عليه وحسيتى ان كل شئ متيسر ليكى فى الزرواج يبقى خير الحمدلله وعلى بركه الله بس اهم شئ يجب ان تكونى متفهمه ومحبوبه ن مراته الاولى علشان ميحصلش مشاكل بينكوا انتوا الاتنين وربنا يوفقك والف مبروك
26. توتا

    

    02/02/2011 at 21:53

    انا من راى بلاش واللة العظيم هتندمى اوى انا اتخطبت لواحد كان متجوز ومطلق مراتة وعندة ولدين واللة العظيم كنت بموت كل يوم لانها بتكلمة بحجة ولادة وهو على طول بيروح عندها مكنتش اقدر اتكلم عشان دى ام ولادة وبيقولى بروح عشان ولادى بعد لما اتخطبتلة حصل مشاكل كتير واحنا مخطوبين خفت اكمل وكنت بحبة اوى وسيبتة عشان الغيرة كانت هتموتنى عارفة رجع لمراتة وعايش معاها دلوقتى دى ام وبناتة عمرة ما هيبعد عنها وانتى صغيرة على التعب دة شوفى واحد صغير وخالى يكون ليكى لوحدك دى نصيحتى وانتى حرة واللة مش بكدب عليكى