انا بحب شاب زى القمر بس هو فى مشكلة انه انا مسلمة وهو مسيحى واوروبى وانا اتعرفت عليه فى الجامعة بتاعتى عشان هى جامعة خاصة وفيها اجانب بييجوا فى بعثات تبادلية بين جامعتنا وجامعات تانية اوروربية. المهم ان انا بحبه مووت وهو كمان بس مش عارفة اعمل اية انا اولا نفسى انا وهو نتجوز بس مش هينفع يا ترى ممكن اقنعه انه يبقى مسلم زيي بس هقنعة ازاى وانا عندى 21سنة بس ومش دارسة اصول الفقه والدين وبعدين انا خايفة عليه من عذاب النار لما يموت عشان هو بجد الولد الوحيد اللى حبيته فى كل حياتى انا صاحبت قبله بس عمرى ما حبيت حد بجد غيره وهو كمان بيحبنى واعترفلى بكدة بس بجد انا زعلانة اوى ومتضايقة ومش عارفة اعمل اية ومش هقدر ابدا انساه او ابعد عنه هو بجد كويس اوى معايا ورقيق ورومانسى خالص بس عمرنا ماعملناحاجة حرام لا سمح الله قولولى اعمل اية بجد عشان انا زعلانة اوى وخايفة اوى لو قلت له يبقى مسلم انه يكرهنى ويكره مثلا الاسلام كله ولاحاجة مع العلم انه انا محجبة وهو بيحبنى وانا محجبة وبيقول لى كمان انه معجب اوى بالحجاب اعمل ايه؟
مشاكل الحب والزواج
حبيبى مسيحي اوروبى وانا مسلمة
اضيف بتاريخ: Monday, July 4th, 2011 في 21:33
كلمات مشاكل وحلول: مشاكل الحب, مشاكل الحب والزواج
انا معرفش اى حل للموضوع دة غير ان انتوا تصلوا لربنا وهو هيحللكم المشكلة بأنسب طريقة بس انا عندى تعليق على كلامك دلوقتى لو واحد كويس جدا بس مسيحى تفتكرى هيروح فين اكيد الجنة ونفس الكلام لو كان واحد يهودى او مسلم لأن كل الأديان دى اديان سماوية لكن مش عشان هو مسيحى يبقى حدف على النار لا طبعا لازم يكون عاش حياة صالحة على حسب اوامر دينه ثانيا متطلبيش منه انه يغير دينه لأن اللى بيغير دينه عشان واحدة اكيد فى يوم من الأيام هيخونها.مع تحياتى.
انتى حبيبتى نوع و شكل جديد عليه و هو كده برضه بالنسبالك الله يهديكوا و يحافظ على شبابه و يحميهم من الهلاك
و الله انا اللى عاوزه اسال عليه علشان اقوله انه بمعرفت هيروح النار يا حبيبتى ولا من قله الولاد اللى عندكوا و لا اللى عنده و احنا المسيحين ماشاء الله جمال واخلاق كل واحد يبص لدينه و ميخسرش نهايته بلاش اسلوب الاستدراج علشان يستسلم لان كده متفكريش انك هتدخلى الجنه بسببه بالعكس مش هيفيدك بشى لانه بنسبه 99 فى الميه مش هيسلم باقتناع و ان اسلم الاجانب هوائين ممكن يسيبك و انتى الخسرانه فى كل الاحوال خدى واحد من دينك يا ماما و يهدى سرك يا اختى
انتى عارفة انا عندى نفس مشكلتك حبيت واحد مسيحى وانا مسلمة وفضلت معاه 5 سنين وماحاولتش اقنعه باى شئ عن دينا وقولت لو هو بيحبنى اكيد هايتغير وكنت كل ده معاه علي امل انه يتغير ولكنه كان بيبقى اسوا معايا مكنتش بعمله اى حاجة وكان يسيبنى ويتغير لوحده ويغيب عنى بالسنة والتسع شهور من غير ما اعرف عنه اى حاجة ولنما كنت اتصل بيه ماكنش يرضي يرد وكان لو رد يقفل السكه فى وشي وكنت ساعات بكلمه وانا ببكى واقوله ليه بتعمل كده كان يكلمنى باسلوب وحش جدااااااااااااا نفسيتى اتدمرت وحتى دراستى وانا فى الكلية اتدهورت جدا وبقيت عاملة زى اللي بيغرق ومش لاقى حد ينقذه وكان دايما يسيبنى ايام الامتحانات عشان يدمرنى ويدمر نفسيتى وانا داخلة على الامتحانات ومعرفش اذاكر ده لو كان بيحبنى كان عمل كده معايا كان على الاقل خاف عليا وعلى مصلحتى وراعا اللي بينا خمس سنين قررت من جوايا ان الموضوع ده لازم ينتهى للابد لاننا كنا كل مابننهى بنرجع تانى وفعلا عزمت النية وتوكلت علي ربنا وربنا سهلهالي ركزت فى امتحاناتى وجيبت تقدير كويس اوى فى الكلية ونسيته مع ربنا والصلاة والدعاء كنت مقهورة ومش بنام ولا باكل ولا بشرب فجاة كل ده اتغير لما بقيت اصلي وادعلي لربنا انه يطفيلي نارى ويهدينى ويريح قلبي وكنت زعلانة اوى من نفسي انه هو كان بيعمل معايا كده وبدات اقف علي رجلي وحده وحده مع ربنا واصحابي ومذاكرة وكليه وخروج وتليفزيون لغاية مابقيت كويسة جدا هو بقى لما لقانى فترة مش بسال عليه اتصل بيا وكان عايز يرجعلي اقسم بالله 7 شهوربيتحايل عليا ارجعله وانا اعامله عادى مش عايزه اجرحه بس كنت بعمل معاه زى ماكان بيعمل معايا ولو انى من جوايا بموووووووووت لما بزعله بس برجع واقول يستاهل ده نتيجة دعائي لربنا سنة كاملة او سنة ونص والاخر قولتله علي كل حاجة كان بيعملها معايا وواجهته مبقاش عارف يدافع عن نفسه خالص وقولتله ابعد عنى انا هنساك ومش عايزاك لانك مش بتحبنى ولا خايف عليا وبعد بس بعد وقت طويل والحمد لله بفتكره ساعات بس ده لانى انا مافيش حد دخل حياتى بعده بس اكيد هنساه وهحب غيره احنا لسه شباب والعمر قدامنا والله يا اختى انا حكيتلك عشان اعرفك بس حاجة ان مهما الانسان بانلك بحب وحنية بس بلاش تتخدعى فيه مافيش امان الا لواحد
جالك بيتك وخبط علي بابك وقال لاهلك انا بحبها وشاريها لاكن كده ماينفعش تقدري تقوليلي ايه اخرت اللي انتى فيه ده ولا حاجة هاتتعبي وهاتتعقدى حرام عليكى انتى لسه شابه والعمر قدامك حرام عليكى بلاش تضيعى عمرك علي امل لانه مافيش فايده انك لاتهدى من احببت ولكن الله يهدى من يشاءوالاخر احب اقولك مافيش قدامك غير طريق واحد هو ربنا والصلاة والصبر وهتشوفى كلامك صح ولا لا صدقينى عن تجربة انتى زى اختى وانا حكيتلك حكايتى عشان انصحك يارب تكونى استفادتى منى ومن حكايتى ولو عايزة اى حاجة سيبيلي ايميلك وانا هكلمك لانى عايزة اساعدك عشان ماتتوجعيش اكتر من كده وتكونى زيي بعد الشر عليكى ربنا يحميكى ويهديكى امين يارب
انتي لازم تبعدي عنو انتي بدل ما تتمنى تتجوزي واحد متدين ربنا يجعلو وسيله لهدايتك عايزه تتجوزي واحد مسيحي لا حول ولا قوه الا بالله
وانا متاكده انو مستحيل يوافق يدخل في الاسلام ولو وافق هيرجع في لانو مدخلش الاسلام عن اقتناع وبعدين الكلام ده لو انتي متدينه وتقدري تخلي يحب الاسلام ويستمر في بس انتي للاسف باين انك كل الي تعرفيه عن الاسلام الحجاب وبطاقتك مكتوب فيها مسلمه لانك لو تعرفي دينك كويس مكنتيش هتسيبي نفسك لحاجه زي كده وربنا يهديكي يا رب
ابعدي عن الشر وغنيله
بوبوصى انتى ماشيه غلط فى سكه تعذبك فى الدنيا والاخره الشباب كتير ويامه هتقبلى
مسلمة+مسيحي=جهنم لانه اكيد هيرجع لدينه لانه لم يدخله حبا فيه بل لاجل امراة وبعد ما الحب يخلص يرجع بلده و يترك اولادك منه اب مسيحي و ام مسلمة وسمعت قصة مشابهة وحتي لو دخل الاسلام لا تتزوجية ما اكثر الشباب المسلمم
هو كافر اعرضي عليه الاسلام وادا رفض اتركيه دا هو الحل وانتي خايفة يروح مش خايفة من ربنا نصيحة ليك اختي انا عمري 27 عايش 6 سنين بين امريكا وكل غرباي في كندا ناس هاد صح فيهم الي تمام لكن الاغلبية احرار في تفكيرهم تناقض عادات احنا العرب يا اختي هاد عشرة عمر مش مرحلة هاد ناس بيغيرو زوجاتهم بعد الحب متل ملابس انضحك راجعي نفسك اسالي مجرب هاد هو الحل فكري في الايام بعد الزواج لو هو اسلم ممكن بيتغير
جربى تدعيه للدين ان رفض
يبقى عيب انك تظلمى نفسك
ربنا يقدم اللى فيه الخير ان شاء الله
بصى اتغيرى معاه خدى موقف جد وقوليله انى انا مش هقدر اكمل معاك ومتقعديش معاه تانى لانك فى نيتك حب مش اخوه وهو مسيحى محرم حرام طبعا ده لو انتى قاعده مع مسلم ومفيش بينكم اى ارتباط حرام فما بالك بمسيحى اوعى تنخدعى بجماله وافتكرى ربنا فى كل كلمه ونظره بتقوليهاله وبتبص هالو لانك هتتحسبى عليها وهو بقى لو بيحبك وقالك مقدرش استغنى عنك اعريضى عليه الدخول فى الاسلام وقوليله ان هو ده الطريق الوحيد الى ممكن بيه منفترقش ابدا واكيد هيفكر لان ده مش موضوع سهل وتوقعى انه يرفض ولو وافق يبقى خير وبركه وفعلا ابن حلال وبيحبك بجد لكن لو رفض يبقى اكيد دينه اهم عشان كده خلى الموضوع عادى واتقربى من ربنا ودوسى على قلبك ربنا اغلى من الكل ولو ضحيتى عشان ربنا اكيد هيعوضك بالاحسن ده غير رضاه بتمنالك راحه البال السعاده ورضا ربنا فى الدنيا والاخره
الاول يا حبيبتي خدي بالك من تصرفاتك معاه خلي دايما ردودك حلوه واخلاقك كويسه عشان تحببيه في الاسلام
وابعدي عنه اي قصه او اي حد من الناس المسلمه الي الله يسامحهم بيشوهو الاسلام
وبعد كده ممكن تقنعيه انه لو عنده اي سؤال عن دينا توديه عند شيخ محترم يجاوبه علي اي حاجه محيراه وياااااااااااااااااااااااارب يجعلك سبب هدايته يا رب
من غير لف ولا دوران صارحيه وقوليلو انك مسلمه وهوا عارف وقوليلو مينفعش اجوز او احب غير مسلم لو وافق كان بها لو مرضيش يبقى بالنسبه ليكى الموضوع منتهى لاما هتشترى رضا لربناواكيد هيعوضك احسن منهلان كل الميز الى قولتيها دى متج شعرة فى ميزة انه مسلممحافظى على دينك لانه الاجانب ميعرفوش غير متع الحياة وفيه خطورة عليكى لانه هيجرفك للحرام وانتى بتقولى انك محجبه وملتزمه لايما تبيعى رضا ربنا ورسوله وتشترى متع الدنياوافضلى حبيه فوقى الشيطان مسيطر عليكى ومدام بتقولى انك مش هتقدرى تبعدى عنه ممكن يخليكى تعملى اى حاجه فى سبيل يستمتع بكى ويستغلك اسؤ استغلال وساعتها مش هينفع الندم لانه مجرد ماهيرجع بلده هيحب غيرك كتير وانتىحتى مش هيفتكرك فوقى من الى انتى فيه يااختى انتى مسلمه عارفه يعنى ايه مسلمه يعنى الكلام دا حرام تعمليه مح حد مسلم الا فى الحلال وربنا يسترك ويستر نساء المسلمين جميعا
بوسي اختي انا كمان حصل معي نفس الشيء احنا عندا في المغرب لما تروحي تعملي العقد يشرطو عليه انه يسلم بس قدام الناس وفي اخر يرجع لدينه
احسن شيء انك تبعدي عن الاجانب وماتفكري فيه ماتنسي انك مسلمه لازم تفتخري فكري في اولادك اكيد راح يطلعو لابوهم مسيحيين
انا راي من راي السعوديه
ربنا يهديكى الى الخت الفاضله بتقول مش هقدر انساة مش هتقدرى تنسيه ونسيتى دينك الاسلام يا اختاه والدين االحنيف هو الباقى لكى اياكى انت تساوى الدين الاسلامى بهذا الشخص وادعو لكى الهدايه
أولاً : طالما هو بيحبك و الحجاب مش مضايقة بالعكس معجب به يبقى فاتحة خير و أكيد عنده أستعداد .
قوليله أنا مسلمة و ماينفعش أننا نتزوج إلا بعد إشهار إسلامك.
بعدين هو لما يأسلم بيزور الفقاء فى الدين و يتحدث معهم ويسأل عن كل ما هو يحتاج اليه
وهم عندهم ملكة الإقناع لأنهم دارسين و متبحرين فى الدين و هم الذينيستطيعون إقناعه وهذه وظيفتهم كداعية ودراستهم تؤهلهم لذلك.
أما أنتى فما عليك إلا إرشادة للجلوس معهم و التحدث اليهم وهم موجودين بالأزهر الشريف وفى كل مكان بالعالم لأنهم بيروحوا بعثات فى كل بقاع الدنيا لنشر الإسلام و التعريف به.
فأرشديه للذهاب اليهم و يسأل عن كل مايدور بخلده ليطمئن قلبه للإسلام
وبنا يوفقكم يارب و يجعلها زيجة مباركة و يجعلها فى ميزان حسناتك
وأكيد
بسم الله الرحمن الرحيم
والصلاة على اشرف المرسلين
السلام عليكم ورحمة الله وبركاته
اختي العزيزه من ترك شيءً لله عوضه الله بخير منه
اختي العزيزه لا يغررك الشيطان بأوهامه واستغفري ربك لان الذي بتعمليه غلط
في غلط واختلاطك مع الاجانب من عمل الشيطان حاولي ان تراقبي الله في كل اوقاتك وان لا تجعلي الشيطان يحولك الى سلعه رخيصه امام الله وامام اهلك اختي العزيزه يجب عليك ان تدعيه للاسلام اولاً وثانياً اذا رفظ ان تبتعدي عنه والافضل ان لا ترتبطي بشخص ليسا من بني جلدتك لا هو بيعرف عاداتكم ولا انتي بتعرفي عاداتهم واتمنى من الله ان يرزقك بزوج صالح يخاف الله فيك
والسلام علكم
بصى ياحببتى الناس مش بسكلها ولا بحلاوتها المهم هو بيحبك لشخصك ويعمل اى حاجة عشانك ولو هو عايز يدخل الاسلام ومقتنع بيه مش عشان خاطر اى حد يغير ديانته لأ المهم انه يعمل بيه مش بس مسلم بالاسم المهم ياحببتى انك تصلى الاستخارة وهتشوفى النتيجة عشان تبان الرؤية والطريق الصحيح عشان متندميش بعد كده*****نصيحة منى ليكى لازم تختبرى اى حد انتى بتحبيه الاول عشان متندميش بعد كده وانا مش بنصحك بالشاب ده يريت تقولى ردك وانا قولتلك حل شوفى انتى بقى عاوزة ايه……….ربنا يوفقك وينور طريقك
والله يااختي نصيحه ابتعدي عن هذا الشاب يااختي والله انا مثلك كانت عندي علاقه مع شاب مسيحي وبقنه4سنين بس سبته قبل 6شهور وكنت احبه حب جنوني والله كنت انكتل 1000كتله من اهلي عشانه وخنت ثقه اهلي بيه والنهايه تركنه بعض لان مستحيل تصير قسمه بينه ويااختي كنت اقله استسلم كان يزعل وميرد على مكالماتي والله لما كنت معاه كنت اكعد الصبح واني مضايقه وكنت دائما في خوف شديد مااعرف ليش وكنت بعيده عن ربي كتير يااختي احنه الشباب المسلمين ومش ضامنين حبهم وخداعهم للبنات مع احترامي للشباب الكويسين بس حه لو كان استسلم حيكون استسلامه اكراه مش حب لله وحته اذا استسلم وتقدم ليكي مش يضمن اولادك حيعلمهم ايه واحتمال كبير يرجع لدينه لان الدين صعب ينباع يااختي اني كان الشاب الي كنت معاه كمان بيحب الحجاب ويقولي لتلبسين شي ضيقوتقريبا تصرفاته زي المسلمين بس كان كده عشلن يشددني اله مو خوف عليه او خوف من الله يااختي سيبك من الوهم ده وادعي الله يرزقك الشاب الصالح وانا حاولت اتكلم مصري حته تفهمي قصدي بس هذا الي الله قدرني علي والله يوفقكواختك من العراق
اختى
انا عايش في اوروبا وليا اصحاب منهم كتير
عارفه الشباب الاوروبي لما بيحب بيحب بجد اوى
لانه متعود ع الاختلاط من صغره وبيصاحب اه ويقول دي اختى اه
بس لما يحب يحب واحده بس مش زىينا احنا العرب يا خرابي لو واحد صاحب واحده
في الجامعه او 2 بيبقي ماشي في الشارع كانه “” حازم الاهلاوى “” ههههه
مش ده موضوعنا المهم
انتى ابداى كلميه عن دينا كويس اوى
ومتكلميهوش في الاول انك لازم تصلى الفروض كلها في وقتها
وانك لو كدبت او سرقت حتروح النار
بس علميه براحه قوليله
تعرف في دينا ربنا امرنا بالصلاه ولو نسينا فرض منها بيسامحنا علطول لو اسغفرنا
لو كدبنا واستغفرنا ربنا يستجسي ويقبل توبتنا
حبيبيه في الاسلام باسلوب كويس وطريقه مبسطه مش معقده
اديله اى كتاب بالانجليزي بيتكلم عن الاسلام
هو بيحبك يبقي هيقرا فيه اكيد
بس لو مقبلش انه يكون مسلم طبعا مستحيل تتجوزيه
بس انتى مش تقوليله انت موافق انك تكون مسلم ولا لا
انتى عرفيه بس الاول دينا ازاى وهو لوحده هيفهم
ربنا يكرمك ويهديه وياسلم