انا كنت بحب واحد خمس سنين وكان بيحبني وجه اتقدملي وامه رافضتني وخالتو خطب وكان معايا برضو وهو خاطب وكان بيحكيلي كل حاجا كانت بتحصل بينو وبين خطيبتو لدرجه انو غلط باسمي معاها وعمل مشاكل كتير لحد ماسبها وهما اهلو كانو حاسين ان انا سبب فصخ الخطوبه لدرجه اتكلمو علي في حقي كا بنت وحش لحد ماخلو اتجوزها غصب عنه عشان يبعد عني بس هو كان متاكد ان الكلام كدب وكان واثق فيا وخلو كذا مره غير خطو وكان بيتصل بيا برضو وانا عندى 25 سنه وماتجوزتش بسببه وبحبو اوى ومش عارفه وساعات يعد يقولي خليكي هاتجوزك ويديني امل وساعات يرجع في كلامو انا مش عارفه اعمل اى عايزه الرد
مشاكل الحب الفاشل
كنت بحبه وماتجوزناش
اضيف بتاريخ: Thursday, November 25th, 2010 في 00:28
كلمات مشاكل وحلول: الحب, مشاكل الحب
فكرى فيها لثانية واحدة كدة حطى المشكلة ادامك كأنها لوحدة صحبتك وبصى من براكى كدة هتلاقى اية ازاى يكون بيحبك ولما اهلو رفضوكى يخطب واحدة غيرك هتقولى اهلو غصبو علية هو بنت عشان حد يغصب علية دة راااااااجل يبنتى دة واحد خطب ال عوزنها اهلو عشان يرضيهم وكمان بيتسلى معاكى
يحببتى انتى كدة بتضيعى عمرك حرام عليكى ال بتعملية فى نفسك دة ولو كان بيحبك كان اتحدى كل العالم عشانك مش امة بس حتى لو كان هيتجوزك غصب عنهم فوقى وربنا يوفقك ويسعدك يارب
دة بجد اناني ومش بيحب غير نفسة وحرام تفكري فيه لحظة شوفي حالك ولو بجد كان عايزك كان خدك رغم اي ظروف واجهته او هتواهجهه واسمعي كلامي انا زي اخوكي وحاولي انك تقربي من ربنا
والله الموفق
المفروض انتى عارفة ان اللى انتم كنتم بتعملوه ده لعب عيال مع انك كبيرة فى السن هو اتجوز وانتى ربنا يسهلك وتتجوزى ولما تعاشرى زوجك وتحبيه ويكون ابو اولادك هتحسى ان فعلا الماضى كان لعب عيال حرام عليكى انتبهى لنفسك العمر بيجرى
نحنا بنعرف انو ما حدا يدخل في قرارات حدا و الرجل بياخد قرارو لوحدو مو زي لبنت بيدخل فيها اهلها اذا كان بيحبك حقا راح يكون معك مهما كان الثمن
انتى كدة حرام عليكى اللى انتى بتعملية فى نفسك وفية انتى ممكن تغيرى خطك لانك انتى كمان ماترضيش انك لماتتجوزواحدانويكون بيتكلم مع اللى بيحبها قبل مايتجوزك فاانتى خاولى انك تبعدى عندو وتغيرى اى حاجة هو يعرف يوصلك بيهاعلشان كدة انتى بتعذبيه اكتر من هو اللى فية
بصي يا اختي مبقاش في حد في الزمن ده بيعمل حاجه غظب عنه وخصوصا الزواج مش فاهم يعني ايه راجل يغيروله خطوط تليفونه ويوافق ويخطبوله ويفسخوله ويجوزوه كانه مش موجود دي اولا لا ينتمي للرجوله واحمدي ربك انك بعدتي عنه اللي زي ده كنتي هتعيشي عمرك معاه بأمر امه تزوجي من شخص يقدر علي تحمل المسئوليه له شخصيه ليس من يطيع ماما حتي ولو في الخطأ مستقبله ده لو كان حتي اتجوزك كانت مامته تقوله طلقها كان هيبعك في ثانيه واوعي تسمعي كلامه وتستنيه اللي بيحب حد بيعمل كل حاجه عشانه مش يتجوز ويقول استنيني بالله عليكي يااختي ابتعدي عنه تماما وغيري انتي المرادي رقم تليفونك وحبي واتجوزي بس يكون راجل اتمنالك التوفيق
الاخت الفا ضله ارجو منك البعد عن العوا طف والنظر بعقل فى امورك وحياتك لو استمريتى على هذا الحال ولم يتم الارتباط بهذا الشخص بما هو مصيرك انصحك لو تقدم لخطبتك شخص منا سب فلا تترددى فى الارتباط به وحاولى انك تبتعدى عن طريق هذا الانسان وسوف يعينك الله على نسيانه لانه ارتبط وله حياته الخا صه فو جودك فى حياته اكيد سوف يسبب لكم انتى وهو كثير من المتا عب واتمنالك التو فيق من رب العباد
انا حقولك حاجه كويسه الى يقعد بيحب واحده 5 سنين و امه او اى حاجه حتى لو صغيره تخليه يسيبها يبقى مكانش ليها من الاول و دا نصيب وكل حاجه فحياتك مكتوبه من يوم ما اتولدتى و نصيبك حتلاقيه و متكوب و لازم تشوفيه شكرا و بالتوفيق
متزعليش منى ومن الى هقولو ليكى انا هحط ايدى على جروح كتير ” انا حاسس انك مش بنت عرفه ليه؟لان المفروض الى يكتب الرساله دى شاب مش بنت “عرفه ليه؟ لان البنت هيه الى اهلها الى بيغصبم عليها تتجوز او تتخطب اما لو حصل للراجل فدا فش راجل دا يقى لسه طفل ومش اد المسؤليه الحب اعمى لاكنه جميل لاكن العقل زينه بيألك اسبرى هتجوزك امته؟؟؟ بعد ماتعدى التلاتين من عمرك ونتى مستنيه ان اهله يموتو عشان يعرف يتنفس وياخد قرار للاسف هوه ضلم نفسه وعاوز يظلمك معاه حرام عرفه ايه هيه احلا حاجه فى الدنيا ؟ الخلفه الاولاد انك تحبى اولادك اسمعى كلامك شوفى راجل بجد تحسى معاه انو اد كلامه واد المسؤليه واوعى تفكرى انك هتتجوزيهلان اهله مش هيوفقم الا انه يسمهم وفى الحاله دى االك ده مش راجل اصحى اصحى وياريت الاقى وحده زيك لانى مشكلتى هيه العكس انا انتى وهوه حببتى سابقا لحد ما بقى عندى 28 وحسيت ان العمر جرى منى ونا لسه مكانى لاكن الحياه ملحاش نهايه وهدور على نصى التانى الاجابى مش السلبى
يا اختي الفاضلة الحب مش عيب ولا حرام لابد ان تعرفي ان الزواج قسمة ونصيب وهذا مايحدث في حياتنا نصيحتي لكي ان تنسي هذا الامر وارضي بالمكتوب واكيد هيجيلك احسن منة انشاء اللة
يا صحبتى هو كده مش بيحبك ومتقوليش بيحبنى لانو لو بيحبك كان عمل اى شئ علشان يكون ليكى هو ضامن انك معاه فيتجوزك ليه وانتى بالسذاجه دى شوفى طريقك وعيشى حياتك العمر مره مش اكترعيشى حياتك
ياريت يا اختى تفكرى فى نفسك وتختارى حد بيحبك وشا ريكى وبلاش نجرى وراة احنا يا ما حبينا ومكنشى فى ارتباط بلى بنحبهم علشان ربنا مش رايد شوفى نفسك العمر بيجرى بيكى انتى عالمة لوهو اتجوزك هتونى سعيدة معه ولا لا مش يمكن بتغير وكمان تقبلى تكون لكى شريكة فبه مراتهانا زيك بس هى خانت وعلشان كدة بببدور على واحدة تكون شارية وانا هكونمخلص وكمان متعلقيش نفسك بواحد اهله مسيطرين عليه
انتى ايه اللى مصبرك عليه اصلا يا بنتى اللى بيحب مافيش حاجه فى الدنيا تخليه يسيب حبيبه الا الموت وبعدين ده ولد يعنى المفروض انه راجل ومتهيقلى يعنى ان الراجل مابيتغصبش على حاجه لما هو فى امكانه يتجوز متجوزكيش انتى ليه مفيش حاجه اسمها اتجوز غصب عنه فى الزمن ده كنا بنقول الكلمه ديه زمان بس للبنات كنا بنقول اهلها جوزوها غصب عنها جديده اوى ان اسمع غصب عنه ديه وبذات لما يكون بيحب واحده 5 سنين صعبه اوى وكمان صعبه اوى انه يخلوه يغير خطه اكتر من مرة طيب شيلى قلبك على جنب وفكرى فى اللى انتى بتقوليه ده بعقلك وشوفى لو واحده صاحبتك حاكتلك الحكايه ديه هتشوفى الانسان ده من وجهة نظرك انتى ايه راجل ولا ايه بالظبط والله مش قصدى اغلط فيه بس الراجل معروف بالجدعنه وانه بياخد قراره بنفسه مش حد اللى بياخدلو قراراته وبعد ما تفكرى بعقلك شوفى قلبك هيقولك ايه انا متهيئلى ان الواحده لما بتحب واحد بيبقى عشان جدع وكويس وطيب وهيقدر يحميها ويحبها بجد لو لقيتى نفسك شايفه كل ده فيه ولو حاجه واحده خليكى زى مانتى بس لو لقيتى العكس وانه مش فيه ولا حاجه من ديه يبقى انسيه واحمدى ربنا وعيشى حياتك بعيد عنه وربنا هيبعتلك اللى يقدرك ويقدر حبك ويحافظ عليكى ويبقى راجل بمعنى الكلمه