انا مكتوب كتابى لاحد اقاربى كان قبل كدة مهتم بيا جدا جدا بس بعد كتب الكتاب اتغير 180 درجة مش عارفة لية مبقاش بيهتم خالص سااعات كتير انا اللى بطلب منه انه يهتم بيا ويتصل ويبعتلى رسايل بس هو مش بينفذ وكل ما نتفق على اننا نفتح صفحة جديدة مينفذش وبحس كمان انه مش بيغير عليا خالص ساعات كتير بفضل اخترع حوارات من وحى خيالى عشان احركة واخليه يغير وهو مفيش مع انه مكنش كدة الاول وبعد ما اخلص الحوار يقولى انا عارف انك بتعملى حوارات وانا مش مصدقك عشان انا عارف انتى اية وواثق فيكى جدا انا يا جماعة الثقة مش مدايقانى بالعكس وعارفة ان الشك وحش لكن الوسط كويس و الغيرة مطلوبة انا نفسى فى راجل يشكمنى يعلمنى الادب مع انه صعيدى بس مش عارفة اية اللى جراله اللى مجننى انه مكنش كدة الاول وكمان كل ما اطلب منه انى اروح اى مكان بيوافق اعتراضة الوحيد على خروجاتى مع اى حد من اصحابى لكن اى مكان تانى بيوافق انا نفسى فى حد يقولى لأ وحد يهتم بيا ويشكمنى ويحسسنى برجولته ويحسسنى بردوا بأنوثتى هو مبيجيش الا بالتقل لكن يا جماعة مينفعش اتقل دة جوزى بس فعلا اما بتقل شوية بيتجنن بس مينفعش اتقل اوى عشان هو بيلاحظ وفى الفترة الاخيرة بقى يعند ويعمل عكس ما اكون عاوزة يعنى مثلا لو مرددتش ميتصلش تانى فى الاول كان بيفضل ورايا ولو مرددتش يتصل بحد من اهلى يسأل عليا بس هو بيخاف على زعلى بس بجد انا قربت احس انه مبقاش بيحبنى الشيطان بيلعب فى دماغى اوى بالله عليكم يا جماعة ردوا عليا بسرعة؟
مشاكل الخطوبة
حاسة انه بطل يحبني بعد كتب الكتاب ومطنشني
اضيف بتاريخ: Thursday, December 9th, 2010 في 11:52
كلمات مشاكل وحلول: الادب, الغيرة, رسايل, كتب الكتاب, مشاكل البنات, مشاكل الخطوبة
والله ده اسمه دلع زائد منسيادتك اتقى الله فى زوجك واعينيه على متاعب الحياه ولا يكون شغلك الشاغل تلك التفاهات هموم الحياه اكثر من زلك
بصي انتي ممكن تكلميه براحه وتقوليلي هوانت مش بتحبني ويهمك سعادتي انت بتعمل كذا وكذا مش بيعجبني وانا بجد نفسي تعمل كذا وكذا وقوليلوا علي الحاجات اللي انتي عاوزاها وقوليلوا ان هو مكنش كده قبل كتب الكتاب وانه لازم يهتم بيكي دلوقتي اكتر من الاول خصوصا انك بقيتي مراته لازم تواجهيه باللي مضايقك بس اهم حاجه بطريقه كويسه وبرومانسيه يعني مثلا تقوليلوا انا كان نفسي لما نكون متجوزين تعمل كذا وكذا بس اوعي تعاندي معاه لان الرجاله مش بتحب العند وبيعاندوا اكتر كلميه براحه واتفاهمي معاه براحه وان شاء الله يستجيب وربنا يصلحلك الحال ويوفقكم مع بعض وتكونوا اسعد زوجين
استعيني بالله وصلى وادعى فى الصلاه اوعى تتقلى عليه ده كلام مش مضبوط انتى زوجه لاتغضبى الله اصبرى وكلميه فهميه يمكن يحس انا ايضا مكتوب كتابي اى شى يزعلنى نقعد مع بعض ونتفاهم لكن لوعملتى حوارات وعرف انك كدبت عليه عمره ما حيصدقك بعدكده وحيشك فى كل حاجة قولتيها السياسه الراجل زى العيل الصغير على ماتعوديه حسنى اسلوبك معاه اى حاجه يقولها حادر عمليه حلو حتى لو ماتغيرش ساعات الراجل بيفتكر انه بكتب الكتاب امتلكك فبيقول خلاص دى بتاعتى لكن في الاول علشان خطوبه انا زوجى ايضا كده فى الخطوبه كان كده ونفس ماحصل معاكى حصل معايا ولكن كلمته ودلوقتى احنا سمنه على عسل
اختلا العزيزة خطيبك الفرق بين قبل كده ودلوقتي . انه دلوقتي حس انه خلاص امتلكك بعد كتب الكتاب اما قبل كده كان لسه الموضوع خارج عن سيطرته وفي ناس كده اول ما تمتلك الشئ تبدا تتعامل معاه كانه تبعه الروتين اليومي . ومش بيفكر في اي جديد او محاولة ارضائك لانه عارف انك خلاص بتاعته . يبقى لازم انتي باسلوبك تجذبيه ناحيتك وتجددي في نفسك وبلاش الكلام اليومي لان ده بيعمل ملل خاصة عند الراجل اكتر من الست واوعي تسمعيالكلام اللي كتبه elshabah لان ده غلط وادهي ربنا يوفقك ويهديه ليكي وربنا يسعدكو …. عليكي بالتغيير وبعد الدخلى ان شاء الله هيتغير لانه هيلاقي جديد وهو طبعه كده عايز الجديد ولما يوصله يدور على ما بعده وهكذا .. قدرك ان النوع ده عايز البداية تكون منك .. والله الموفق
الله يكون فى عونك اقولك خلية يشوفك وانتى بتكلمى واحد فى التليفون واضحكى وهزرى مع الشخص دة وربنا يسهل ويبقى راجل شوية انا عن نفسى لو خطيبتى هزرت مع اخوها بغير
شوفى
لازم يكون فى قرار حاسم منك لمعاملتك معاه
أولا : زى ما يتقل عليكى إتقلى عليه شويه وتعالى على نفسك لأن الأم لما بتشوف ابنها بيغلط بتحرمه من حاجه هو بيحبها علشان يتراجع وانتى كذلك إحرميه من شئ هو بيحبه فيكى مثلا يعنى إنه يكلمك كل يوم قبل ما تنامى إنه يقعد جنبك أو لوحدكم كده يعنى
إنما إوعى تفهمى كلامى إنك مثلا تخرجى بدون علمه أو تعملى حاجه غل لأ أنا مش قاصد كده خالص.
يا رب تكونى فهمتى