انا محتاره اوووى وعاوزه ارائكم بجد مش عارفه خطيبى بخيل ولا ايه انا مخطوبه من سنه بحب خطيبى جدااا وهو كمان بيجبنى . هو مسافر المشكله انه اتفق معانا انه يشترى شقه تمليك بالتقسيط وانى مش هعيش فى بيت عيله وكنا واضحين ..د لوقتى بيقولى انه هيخسر لان العقارات هترخص وانه مش عاوز يشترى شقه دلوقتى خصوصا اننا هنسافر وطلب اننا ناجر بس اهلى مش موافقين خااالص المشكله ان اى موضوع فى الاتفاق بيقلقه ويفكر هيخسر ولا ايه وخساره الفلوس ..حتى فى فستان الفرح قالى مش هدفع مبلغ كبير وكده علشان ساعتين وممكن ناجر وعديتها … وفى المؤخر كمان مش عاوز يكتب مبلغ معقول بيقول علشان الماذون ماياخدش فلوس كتير وكده بيحرجنى قدام اهلى وكل الناس …انا محتاره هل هتكون حياتى معاه صعبه واى حاجه اتمناها هيفكر فى الفلوس مع العلم انى بنت وحيده وعشت فى مستوى عالى وماتحرمتش من حاجه
انا مش ماديه والله بالعكس انا بس مشس عاوزه ابقى مش مهمه عنده واهم حاجه الفلوس …. ساعدونى اوافق على ايجار مع العلم انى مسافره ولا اصمم على شقه بالتقسيط لانى خايفه كمان مع الوقت ينسى الموضوع ده ويضطرنى اقعد فى بيت العيله وانا مش هقدر خااااالص واعمل ايه علشان اقلق الحرص ده عنده لانه كمان ماتعودتش يجبلى هدايا او كده .. بس لانه مسافر ولما كان موجود كنا بنخرج ويصرف عااادى لكن فى الاتفاقات مش عاوز يصرف وكل شويه يقولى انتا بوفر لحياتنا قدام وكله ليينا بس انا حاسه انه بيحب نفسه ومصلحته ….. ارجوكم ساعدونى
مشاكل الخطوبة
هل خطيبي بخيل أم ماذا؟
اضيف بتاريخ: Friday, January 13th, 2012 في 13:50
كلمات مشاكل وحلول: البخل, الحب, الخطوبة
انا من رأى ان الانسان دة مادى ولازم ترفضلى طالما هو اتفق مع اهلك على كدة مينفعش يرجع فى اتفاقاتة لانة لو اتعود على كدة كل شئ هيجبرك علية مستقبلا
لا طبعا متوافقش افرض حصل اى شى فى الغربة مثلا العقد انتهى الكافيل نزله اى سب من الاسباب لازم يكون فى شقة ملكك اولا ولا حتعيشى فى بيتك اهلك ولا مه اهله طبعا لالا المشكلة انه معه فلوس لو معهوش حاجة وكمان ازى يقول على حكاية الفستان انتى حتجيبى بكام يعنى ممكن يتكم اه فى قاعة الفرح غالية نشوف قاعة ارخص شوية بطريقة لطيفة وكمان لازم تتضمنى حقك خلى بالك فى االموخر فى كل شى والقيمة كمان كونى حريصى متعرفش بكرة فيه ايه