انا بنت عندي 20سنة ومخطوبة ليا سنة وشوية وكنت بحب خطيبي وعملت المستحيل عشان اهلي يوافقو عشان هما كانوا معترضين اني اتخطب دلوقت المهم انا كنت بحبه وهو كان بيحبني بس انا مبقتش حاسة بيه خالص وهو مش محسسني اني مخطوبه انا كان نفسي اخرج واتفسح واعيش حياتي بس انا كنت قبل الخطوبة احسن انا منكرش انه بيعمل حاجات ليا كتير يعني بيجيبلي لبس وبيديني فلوس بس مش كل حاجة الفلوس انا مشكلتي اني حساسة اوي وبحب اوي الكلام الحلو وهو عصبي جدآ وانا بقيت افكر مادام هو مش قادر يغير من عصبيته دي دلوقت هيغيرها ازاي بعد الجواز ولما حسيت اني مدايقة منه فضلت فترة مش حابة اتكلم معاه ودخل شخص تاني ف حياتي وبحبه وحنانه وطيبته انا كمان حبيته وانا واثقة انه بيحبني ومستعد يعمل اي حاجة عشاني وانا بقيت احبه اوووي وحاسة اني هبقي سعيدة معاه وبالفعل انا فكيت خطوبتي ورجعتله الدهب بس اهلي مش بيكلموني وزعلانين مني عشان فكيت وهما مش كانو موافقين خالص وكنت عايزة ارضيهم وفعلا قبل ماافك واخد القرار النهائي قعدت مع نفسي وقلت لو انا كملت معاه وانا بحب غيره هكون ظلمته بس لقيت نفسي اصريت ع فك الخطوبة وحسيت اني ارتحت كتير وبعد ما الموضوع يعتبر خلص لقيت اهلي بيقولو هنسيبها شوية وبعد كده نرجعهم لبعض انا حاسة اني ارتحت لما فكيت وعلاقتي مع ربنا بقت حلوة وكمان انا عشان مسيحية ومعندناش طلاق خالص مش عايزة اوجع نفسي بنفسي
ياريت بجد تدوني رأيكو ارجع لخطيبي ده حتي لو مبقتش احبه ذي الاول ولا احاول اقنع اهلي ان كل شئ نصيب ارجوكو ساعدوني وشكرآ
مشاكل الخطوبة
هل ارجع لخطيبي لا لا؟
اضيف بتاريخ: Sunday, January 15th, 2012 في 15:56
كلمات مشاكل وحلول: الحب, الحب قبل الزواج, الحيرة في الاختيار, مشاكل الخطوبة
اوعى تعملى كدة والله هتندمى انا كنت مخطوبة لواحد وكنت بحبة او كنت مرتاحة معاة كتيييييييير بس هو كان عيبة انة مش اجتماعى بس والله كان كويس معايا زى ما انتى بتقولى بالظبط وكنا خلاص هنتجوز لحد ما جة صاحب اخويا وبدا يكلمنى وبعدين دخلى من النقط اللى محتاجه وكمان بقى يحبنى وانا كمان بحبة وفسخت الخطوبة وبعدين اتخطبنا كان بيعملنى كويس جدا دلوقتى مش قادرة اقولك احنا فى مشاكل اد اية وهو كمان بيحبنى وانا بمووووووووت فية بس عيشين فى عذاب اكتر من الاول يكتيييييييييير اوعى تفتكرى فى جنة من غير نارفكرى كويس قبل ما تاخدى قرار تندمى علية اسال مجرب ولا تسال طبيب
والله حرام عليكي مع اي واحد بيبقا كويس مع البنت فى الاول بعد كدة يعرفوا بعض ويعيش حياته عادي مع خطيبك كان نور عينك الاول الاول وانتي نور عنيه حرام عليكي هتندمي لو سبتيه انتي عايزة واحد فاضي
ياترى انتى متاكدة من حب الشخص التانى ده ليكى اصل انتى كده نسيتى ده بده من رايى انك تقعدى اسبوع تفكرى وبعد الجواز كل حاجة بتتغير المعاملة وال
عملتي اكبر صح انك سيبتي خطيبك مادام بتحبي واحد واوعي تتجوزي واحد وانتي بتحبي واحد تاني بس المهم برضو تكوني متاكده من مشاعرك وطبعا العصبي مش بيتغير بل بالعكس العصبية بتزيد بعد الجواز بس اهم حاجة تموني متاكدة من مشاعرك عشان زي ما انتي قلتي الجوازات عندنا مفهاش طلاق وربنا معاكي
لا طبعا لازم تقنعى اهلك بان كل شى نصيب
انتي عاوزه قلمين انتبهي لدراستك احسلك انتي عماله تلعبي ده مش حب ده لعب عيال روحي اعمليلك فكر احسلك
1- انت انسانة واعية جدا وواقعية وتصرفتى صاح %
2-طالما جاء لعندك واحد بمواصفات جيدة وارتحتى ليهو احمدى الله واشكريه
3-وضحى لاهلك عيوب الشخص الاول وتمسكى برأيك فى الاختيار ووالديك خاصة يهمهم سعادتك
4- هذا الاخير ايضا ادرسيه جيدا قبل ان تقع الفأس على الرأس ولاتتسرعى كما الاول
حبيبة قلبي مادمتي مش بتحبيه خلاص دي حياتك وانتي حرة فيها انتي اللي هتعيشي مش اهلك وبعدين عندكم مفيش طلاق يعني المفروض انك هتعيشي في العذاب ده على طول
حرام عليكي نفسك
انا كنت مخطوبة لواحد كان بيتمنى لي الرضى يعني كان بيموت فيا بس انا ما كنت بحبه وزعلت اهلي برده علشان اديته الشبكة وحاجته وكان بيقولوا طيب
بس دي حياتي انا وانا اللي هعيشها
انتي كمان دوري على سعادتك الحياه مش فسح ولبس وفلوس
الحياة مشاعر ولازم تحبي اللي انتي هتتجوزيه علشان لاقدر الله لو زعلك في حاجة تسامحيه على طول وتعيشي حياتك في سعادة
اسمعي كلام اختك ام يوسف
انا مجربه موضوعك ده اتخطبت زي مابقولك وماارتحتش والحين اتجوزت وربنا كرمني بالخلفة الحمد لله وبستحمل منه اي حاجة لاني بحبه
ربنا ييسرلك امورك ويسهلهالك انتي واللي زيك ياحبيتي